اسكريبت كامل

الحاجات دي بكام
بفنجان قهوة..
بصيت له بعدم فهم فكمل
بفنجان قهوة هعزمك عليه مع ماما.
مشي من قدامي وأنا لسه واقفة مش مستوعبة أعمل إيه! أجري وراه
صباح ومسا..
شي ما بينتسى..
تركت الحب وأخدت الآسى!
حطيت المية في الكوباية بعد ما فضيت كيس النسكافية وكملت وأنا بتمايل وبدندن وبحط الإندومي في الصنية وجنبه النسكافية
شو بدي دور
لشو عم دور على غيره..
فيه ناس كتير..
لكن بيصير ما في غيره.
حطيت الصنية على التربيزة اللي بين الشاشة الكبيرة والكنبة اللي في الصالة قفلت النور وشغلت الجميلة والۏحش وأنا بتسلى في الحاجات اللي جبتها ومتغطية بلحافي المفضل ليلة شتوية عسولة.. بصحبة فيلمي المفضل..
تليفوني رن فأتخضيت
حد يرن على حد في الوقت ده
أنت يا كلب البحر مكلمتنيش ليه طول اليوم
كملت بملل
والله يا رحوم اليوم كان مليان حاجات وتق..
قاطعتني بعصبية
مريم أنت بتبرري
تجاهلت عصبيته وكملت وأنا بوقف الفيلم مؤقتا
جاية ولا لأ
عايزاني!
ابتسمت بهدوء
أنت عارفة إني دايما عايزاكي ومقدرش استغنى عنك.
كملت بضحك وأنا سامعة صوت دقات على الباب.. فقمت افتح أول ما شافتني مدتلي الشنط وهي بتغني
أول ما عرفت إنك عايزني جيت أوام مقدرش استغنى عنك.. يا معلمني الغرام.
اترميت في حضنها وكأننا بقالنا سنين مثلا غايبين عن بعض مش كانت لسه ماشية من عندي أول أمبارح.. الحد الوحيد اللي عمري ما فكرت قبل ما احضنه عمري ما قررت ھلمسها ولا أبعد كانت رحمة الحد الوحيد اللي حضنه دافي ولمسته حنينة.. مش بتقلقني ولا بتوتري.. بتفكرني بلمسة ماما حنينة وبتطمنني.
أنا تعبت يا رحمة حاسة إني مش طبيعية.. رد فعلي كان غريب والولد أول مرة يشوفني.. تفتكري خاف مني
كملت بهدوء وهي واخداني في حضنها وبتحسس على شعري
لأ يا حبيبي مخافش أنت قلت بنفسك أهو هو ساعدك وفتحلك الباب.. فده ليه معنى من الأتنين!
اتعدلت في قعدتي وكملت
إيه هم
يأما الولد وقع فيك من أول نظرة وكونك بتقولي تقيل وكاريزما.. فدي أشك فيها شوية رغم إن حبيبتي زي القمر بس الناس دي بتبقى تقيلة حتى في دلقتها.. 
كملت وأنا بتنهد
يأما
يأما الولد استوعب إنك كنت خاېفة وحب يلطف الموقف ويسيبلك مساحتك.. وأنا بدعم الأوبشن التاني.
بصيت لها بزهق وكملت
أيا كان بقى.. أنا زه..
قبل ما أكمل كلمتي سمعنا صوت جرس الباب ضحكت وأنا قايمة أفتح
كنت بدأت افتقد لصوته وأنت جنبي..
فتحت الباب فلقيتها صوت كبيرة نسبيا مش عجوزة بس مش شابة.. ممكن تكون كاسرة ال 45 مثلا بس مش معدية الخمسين.
مساء الخير يا حبيبة قلبي معندكيش حبة فلفل أسمر.. ولو جيت للحق أنا مش عايزة الفلفل الأسمر أنا عايزة اتعرف عليك.
أنا مش رخمة بشكل أو بأخر بس أنا لقيت حد بيخبط عليا الساعة 9 بليل بأعتباره وقت متأخر يعني وبيقولي كده.. بديهي هتخض!
أنت مين
كملت بابتسامة
أنا طنط هادية جارتكم الجديدة.. في الشقة اللي في وشك يا حبيبة قلبي.
ابتسمت وكملت
والدة أدهم!
حركت راسها وكملت
بالضبط! إيه ده أنتوا اتعرفتوا
اتفضلي ادخلي.. نكمل كلامنا جوا.
طنط مستنتش ولا كدبت خبر في نفس الثانية دخلت.. أول ما دخلت كملت
أنتوا اخوات
حركت راسي بنفي وكملت
لأ دي سما صحبتي أنا علشان لوحدي فبتيجي تقعد معايا كل يومين.
كملت بأستغراب
ليه يا حبيبة قلبي فين أهلك..
اتنهدت بتعب وحاولت ارسم على وشي ابتسامة
ماما وبابا توفاهم الله وأنا مليش أخوات.
كملت بزعل
حقك عليا والله يا بنتي مش قصدي ربنا يرحمهم يارب يا حبيبتي وبعدين ما شاء الله شقتك زي الفل اللي يدخلها يحس ببهجة ربنا يبارك فيك..
ابتسمت بهدوء
أعملك قهوة
بصتلي وكملت
لأ مش النهارده بكره والعيال مش موجودين هدخلك.. أو تعاليلي أنت بقى.
حركت راسي بهدوء
خلاص اتفقنا..
قامت وقفت وكملت
طيب يلا يا حبيبتي أحسن ده وقت نوم أنا عارفة عن إذنك يا بنتي..
بصت لرحمة وكملت
عايزة حاجة يا حبيبتي
حركت راسها بلأ وكملت بابتسامة بشوشة
تسلم إيدك يا طنط.
الأمهات جميلة دايما قادرة تضيف بهجة وحب ودفء للمكان بتضيف حنية لأي حتة بتروحها.. كلمة حبيبتي عادية جدا لحد ما بتطلع من لسان أم.
صباح الخير.
كنت لابسة الجلافز وبخرج الژبالة على الباب علشان عمو محمد عامل النظافة