اسكريبت كامل
انت في الصفحة 4 من 4 صفحات
التلفزيون أكلمه يسليني.. حرفيا ولا اللب.
مريم أنت كويسة!
كنت واقفة في المطبخ باصة لكل الأطباق اللي اتكسرت مني وأنا بطمن إن كوباية معثن موجودة كنت ماسكة الكوباية اللي بدور عليها في ايدي.. وببص لباقي الكوبايات اللي حواليا.
ممكن تهدي
بصيت لها بخضة فخدتني في حضنها وشدت من إيدي الكوباية من إيدي
أهدي يا حبيبي محصلش حاجة أهدي يا مريم..
أنتوا كويسين
كان أدهم واقف على باب المطبخ بخضة ووراه طنط.. أول ما شافوني كده جريوا عليا وطنط قربت وخدتني في حضنها
كنت حاسة إني مش سامعة مش سامعة صوت أي حد.. طنط ورحمة خرجوني وبدأوا يشيلوا الازاز هم وأدهم كان قاعد معايا هو ورقية أخته.. كنت حاطة راسي بين إيدي فلقيت أيد بتحضني
أنت كويسة
بصيت جنبي لقيتها رقية.. حركت راسي بهدوء فأدهم كمل
تيجي نتمشى شوية
لأ مش قادرة.. عايزة أنام.
كمل بنكش
لأ يلا قومي البسي وننزل ناكل ايس كريم.. يلا يا مريومة.
مش قادرة يا أدهم.
قرب شوية وشاور لرقية تقوم
ممكن تهدي هننزل نتمشى شوية.. ونشم هوا اتفقنا
مش هقول إني تنازلت قدام إصراره بس أنا كنت حاسة إني عايزة اوافق عايزة اشم هوا فعلا.
أنت عارفة إني بحب البانية جدا
بحب اللون الاسود علشان كده عملت ماتشينج معاك فيه.
حركت راسي فكمل
عندك OCD صح
بصيت له وكملت وأنا بسند على ايده علشان حسيت بتعب
تعالى نقعد..
قعدنا فعلا فبصيت لأيدي اللي لمسته منغير خضة وخوف ومنغير تفكير كتير حسيت إني في اللحظة دي بالأخص مش طبيعية كملت وأنا ببص له
عندي فعلا.. علميا أول خطوة للعلاج معرفتك للمرض..
أنا عارفة ومخدتش ستيب.. أو ممكن أكون توقفت من بعد ۏفاة بابا وماما.
كمل بهدوء
حابة تتكلمي
بصيت بعيد شوية وكملت
هتسمع
حط إيده على خده وكمل بابتسامة
بكل إهتمام والله..
كملت بهدوء وأنا بمنع دموعي متنزلش
بابا وماما ماتوا يوم ميلادي.. نزلوا يجيبوا حاجة ويفاجئوني كان يوم ميلادي ال ٢٠ وصلني خبر وفاتهم وأنا كنت مع رحمة بنخرج أنا كنت بتعالج من ال OCD اساسا بس كل الفكرة إن الخطوة دي اخدتها بعد كتير وقتها لأني كنت لسه معنديش وعي كافي بالموضوع.. كنت دايما قرفانة بدقق في التفاصيل بخاف من لمسة اي حد.. لحد ما بابا وماما اتوفوا..
وقتها اكتشفت نوع كمان من الوسواس وهو وسواس التأكد وده اللي مكنتش أعرف عنه حاجة..
أخدت نفسي بتقل فمدلي منديل وكمل بهدوء
ممكن تهدي لو مش قادرة تكملي يبقى بعدين يا مريم.
كملت بتقل
يوم ما جريت في السوبر ماركت كنت بجري علشان خاېفة أكون سايبة الغاز أو محبس المية.. ودلوقتي كنت بتأكد إن مج بابا موجود..
كمل بهدوء
فلما ملقتيهوش رميت كل حاجة عادي في سبيل إنك تلاقيه!
حركت راسي بآه فكمل بهدوء
مريم قادرة تسمعي حلول دلوقتي
حركت راسي بنفي فكمل بهدوء
خلاص قولي كل اللي عايزة تقوليه أنا سامعك.
أنا عايزة أتمشى يا أدهم.. بس منغير أصوات معاك هاند فري او أير بودز
حط إيده في جيب الهودي بتاعه وخرج هاند فري
معايا واحدة.
هات ودن وخد ودن.
كنا ماشيين شغلت قصيدة يسألني الليل أيا قمري
يسألني الليل أيا قمري
أتغيب حبيبي عن نظري
يسألني فتجيب دموعي
في فجري ونسيم السحر
يا آدم مهلا يا عمري
يا شمعة قلبي المنكسر..
فلفقدك روحي تنقسم
وأجر جناحي پذعري.
مريومة..
ممم!
بتحبي الأيس كريم صح
حركت راسي بآه فكمل وهو بيشاور على بتاع الأيس كريم
ناكل ولا الجو برد!
حركت راسي
هنجيب ومش هتحاسب.. هحاسب أنا.
حرك راسه بهدوء
لأ المرة دي أنا.. الجاية أنت.
أنت متعب.
ابتسم بهدوء وهو بيجيبه.. مده ليا بهدوء وكمل
اعتقد بتحبي الشوكولاتة صح!
حركت راسي بإيجاب فقعدنا.. قعدنا كتير وأتكلمنا كتير وخدنا وأدينا سوا كتير لدرجة إننا محسيناش بالوقت
اللي ضاع ابتسم أخيرا وكمل وهو بيوجه التليفون ناحيتنا
صورة للذكرى
ابتسمت وأنا ببصله
صورة للذكرى.
بعد وقت رايح جاي بيننا وحاجات كتير اقنعني بيها اروح للدكتور وأتعالج وكلام ومواقف.. وبصراحة مشكور أدهوم مدلع بطني بشكل!
مريم تعالي ناخد صورة..
كملت بهدوء
أنت مبتزهقش يا أدهم
ابتسم وكمل
مفيش حاجة بزهق وأنا بعملها معاك يا مريم.. كل حاجة معاك ليها طعم مختلف.
فضلت بصاله ثواني وقطع هدوءنا صوت رحمة بيدب في المكان
مريم أنت بتتصوري معاه منغيري
بصتله برخامة وكملت
ولا أنت من ساعة ما دخلت حياة صحبتي وانت واخدها مني.
كمل وهو بيهزر معاها
هيحصل إيه بقى لو اتجوزتها وخدتها خالص!
بصيت له بخضة فرحمة كملت بهدوء
هتعملي اوضة معاكم في البيت.
كمل بنفي
همنع الزيارات كده كده.
قطعت كلامهم بعدم فهم
جوزتنا أمتى
كمل وهو بيرفع حاجبه
إيه ده هو انا مقولتلكيش!
كملت وأنا بربع إيدي وبرد بعصبية بسيطة
لأ نسيت غالبا..
أنا دورت على خالك ولما لقيته كلمته وطلبت ايدك.. وحاليا اتفقت معاه على كل حاجة باقي موافقتك بس.
بصيت له بعدم فهم
طلبت ايدي ليه مش فاهمة
مش هنتجوز يا مريم
حبينا بعض أمتى!
بص لي بعدم فهم فكملت
أقصد إننا لسه يعني و..
كمل بهدوء
مش عايزاني!
قدام نظرته وقدام عيونه.. وقدام براءته ولذاذته دي مكنتش أقدر أخاف ولا كنت أقدر أقوله لأ.. رديت ببساطة
عايزاك يا أدهم.
هو مكدبش خبر عرفنا بعض واتجوزنا في أقل من سنة ونص.. أهي دي العلاقات ولا بلاش.
مريم دي ريحة كيكة
كملت وأنا بخرجها من الفرن
أكيد مش هخبز خيبتي يا أدهم يعني.. أيوه كيكة.
قرب بضحك وهو بيمد إيده فشديت الصنية بسرعة من قدامه
يا بني أنت عبيط هتتحرق!
فداكي.. وفدا أكلك.
ابتسمت بعد ما حطيت صنية الكيك على التربيزة وحضنته
من يوم ما سكنت جنبنا وأنا راودني احساس غريب إنك هتفضل جاري طول العمر.
أنا بحبك يا مريم.
بقيت بحسه تعبير صغير عن المشاعر اللي جوايا بس الجدير بالذكر إن منغيرك مكنش هيبقى فيه حاجة ليها طعم.
طيب بالله عليك مش أنا عسول!
ضحكت بخفة وأنا بحضن إيده بأيدي
تؤ.. أنت مختلف.
كل الطرق للهرب منك تؤدي إليك ف.. لأين سأهرب!
مريم وليد محمد.
حواديت_مريم_وأدهم
