اسكريبت كامل

بيجي يشيلها ربنا يباركله والله.. لولاه مكنتش عارفة إيه اللي هيحصل.. لقيته واقف وخضني للمرة التانية كان لابس شروال رصاصي وتيشرت أسود وشعره مش متسرح أوي.. باين عليه أثار إنه لسه صاحي بصيت له وابتسمت
صباح النور عامل إيه
ابتسم بلطافة
أنت الحمدلله كويس.. بقيت كويسة
حركت راسي ب آه وكملت
أنا مش ناسية اللي عملته والله حقك عليا مكنتش مركزة.. بس بقولك إيه يا أدهم أنا عايزة أعرف جبت الحاجات اللي جبتها دي بكام
بصلي بأصرار وكمل
أنا قلتلك خلاص بجد وبعدين أحنا جيران يعني.. ومش ناويين نعزل فقاعدين سوا كتير إلا لو أنت اللي ناوية تمشي بقى..
بصيت له بأستنكار
ده بيتي همشي فين
تتجوزي!
ضحكت بسخرية وكملت
لأ يا شيخ! بعيدة حبة دي.. ده أنا لسه يدوب في مقتبل عمري ولسه بقول يا هادي.
بصلي بخبث
إيه ده عندك 20 سنة ولا إيه
اتنهدت وسندت جسمي على الباب وربعت إيدي وأنا بكمل
لو كنت من الأول سألتني عندي كام سنة وفي حياتي حد ولا لأ كنت قلتلك دايركت.. بس أنا هحترم الكريتيڤيتي اللي دخلت بيها وهجاوبك برضوا احتراما لبذل المجهود..
كملت وأنا بمسك الباب
عندي 24 سنة.. عن إذنك يا أدهم.
قفلت الباب وضحكت بإنتصار كان باين عليه من امبارح إنه عايز يفهم وكشخص بيدقق في التفاصيل جدا قدرت أفهم ده من أول ما بعت مامته.. ولد ذكي بيعرف يحدد خطواته يتكلم معايا.. يتعرف عليا.. يبدأ يدخل في التفاصيل الصغيرة.. وبعدين يخليني أحكيله خطة في منتهى الذكاء بس متنفعش مع حد شبهي الأوڤر ثينكينج مبهدلة والتفاصيل هي نظام حياتي حرفيا.
هو مهتم ليه يعرف
حركت راسي بعدم معرفة وأنا بلف البيض رول
فضول!
معتقدش الرجالة أوكيه فضوليين زينا.. بس مش تجاه أي حد إلا لو لفت إنتباههم!
كملت وأنا بخرج العيش من الميكرويڤ وبضحك بسخرية
الولد عسول بس ملفتتش إنتباهه.. هو اتخض ولما اتخض اثرت فضوله يا رحمة راجل.. ست.. فهو إنسان لولا فضول الإنسان مكنتش السيدة حوا أصرت ياكلوا من الشجرة اللي ربنا نهاههم عنها.
اتنهدت بزهق وهي بتخرج الاطباق وبتحط الحاجة على التربيزة معايا
أنا زهقت من تفسيراتك ليه مفيش حاجة بتتفسر عادي.. ليه تقعدي تحسبي واحد زائد واحد كام وهي في الأساس بتساوي أتنين!
كملت ببساطة وأنا بشد الكرسي
طيب ما ال 11 واحدين برضوا أنا لو مركزتش اللي قدامي واحد وواحد ولا واحدين وواحد هحسب غلط بفرق كبير يا رحمة!
الحياة أبسط من كده يا مريم ابسط من كده بكتير.
ابتسمت وأنا باكل
جايز بالنسبالك كل واحد فينا حسبته للحياة بتختلف.. ونظرته ليها كمان بتختلف.
أنا دايما نظرتي للحياة فعلا مختلفة عن الكل مش لأني واحدة فيلسوفة بس لأني بشوفها من نظرة مختلفة.. مش شرط نظرة حد تاني للحياة تكون غلط علشان مش شبهي بس الحكاية ليها جوانب.. يمكن كل واحد فينا يكون شايفها من الجانب المقابل ليه وبشكل أو بأخر أنا مش سهل أقتنع بوجهة نظر مختلفة عني.
كشخص غير فضولي إطلاقا والتدخل في حياة الغير مش شغلتي ولا دي إهتماماتي.. فأعتقد فيك حاجة مختلفة لفتت إنتباهي وبشكل واضح.
بصيت جنبي لقيته ادهم قاطع لحظات الإهتمام وكل اللحظات عمتا.
أنت مزعج.
كمل وهو بيشرب من كوباية الشاي اللي حاطتها على السور بشكل مستفز
حبيبتي تسلمي.
بكلمك بأمانة والله عايز إيه مني
كمل بهدوء وهو بيمدلي الشاي
تشربي شاي
معايا قهوة..
كمل بحماس
واو نبدل
حركت راسي بنفي
لأ أنا كده مبسوطة.. وخليك في بلكونتك وخليني في بلكونتي ومتحاولش تقطع صمتي وخلوتي بنفسي تاني.. فاهم
رفع حاجبه بغلاسة
علشان إيه
كملت بتحدي وعصبية
علشان مقتلكش.. وعايزاك تفهم حاجة مهمة..
كمل پخوف مصطنع
أنت اللي قټلت موفاسا ولا إيه
ضحكت ڠصب عني فكمل بابتسامة
عسولة بصراحة معرفش ليه بتداريها..
يا بني أنا جارتك مارس هوايات الرجالة المفضلة دي في الشارع.. مش مع جارتك!
والله أنا مبحبش اتعامل مع ستات فمعنى إني أتعاملت معاك إنك طيبة.
رفعت حاجبي وكملت بعصبية
أنت إنسان غتت هسيبهالك مخدرة.
سمعت صوته وهو بيعلق بغلاسة
مخدرة ولا مخضرة
كإنسان هو مسلي يعني ده أنا لو قاعدة فاضية في البيت ومش لاقية حاجة اعملها ممكن بدل ما اشغل