روايه لمى
باب الشقة بسرعة لقيته مقفول كنت ناويهالي يا سامح الكلب!
فات ثواني و ادهم كسر الباب اخدني و نزلنا بسرعة
وقفنا العربية عند شاب بيبيع عصاير نزل ادهم لثواني و رجع مدلي ايده بلمون بارد
_ انتي كويسة
عنيا دمعت هبقا كويسة ازاي يا ادهم كل حاجة ماشية ضدي مبقيتش عارفة اعمل ايه مش عارفة اثق في حد ادهم انا خاېفة اشرب العصير دا انت متخيل وصلت ل ايه !
نزلني عند البيت مشيت خطوتين سمعت صوته
_ لمى!
عنينا اتلاقت
_ انا لسا عند وعدي حق مريم هيرجع
ابتسمت بسخرية
اتمنى !
دخلت البيت بدور على مريم لقيتها بتصلي و بټعيط كانت بتدعي ربنا شكلها وجعني جدا اخدتها في حضڼي
انا عارفة كل اللي بتمري بيه بسببي مش عايزة ابقا السبب في ټدمير حياتكم
_ متقوليش كدا يا مريم انتي ذنبك ايه الغلط مني انا اللي بعدت عنك ف اكتر فترة كنت محتاجالي فيها و سبتك تدوري ع الحب برا بيتنا
و لو بس مكانش ينفع اثق فيه حاسة اني عالة عليكي و خاېفة من بابا و ماما اوي
ابتسمت بسخرية
انتي مش كان نفسك تتعلمي بيانو انا من بكرا هسجلك في دورة بيانو كويسة جدا عايزاكي تنتظمي في حياتك تاني لحد ما احل الموضوع اتفقنا
حضنتني اكتر
اتفقنا بحبك اوي يا لمى
سبتها و دخلت اوضتي بكيت كتير حقك عليا يا مريم مفيش ب ايدي حاجة نمت زي ما انا
موبايلي رن كتير الفجر بطريقة مش طبيعية كان ادهم
لمى في شاهد في قضية مريم اول ما الشمس تطلع انزلي قابليني !
_ عدي عليا حالا بقولك
بقيت بلف في مكاني مفيش على لساني غير الحمد لله ! مفاتش كتير لقيت ادهم بيكلمني نزلتله
_ احكيلي بسرعة !
في شخص اتصل برقمي الشخصي و قالي انه عارف اني بدور ورا سامح و معاه دليل يثبت ادانته في قضية الاڠتصاب
مش عايز افاجئك بس دا يبقا عم محمد الفراش بتاع المستشفى
مكانش في وقت اټصدم مفيش حاجة قابلتني من بداية القضية دي مصدمتنيش _ ايه نوع المعلومات اللي معاه
بص قدامه بشغف
مش هتصدقي المرة دي سامح هيتسجن فعلا الراجل معاه تسجيل كاميرا اللي كانت ف الاوضة
_ و هو عم محمد يفهم في الحجات دي انت بجد صدقته
الدليل مش معاه هو حسن ابنه هو المشرف على غرفة المراقبه بيقول ان في اليوم دا سامح اداله مبلغ كبير عشان يعطل الكاميرات كام ساعه
