مصېبه يافريده

حد هيشوف كدا هيفهم غلط أكيد!
فريدة إهدي تعالي إقعدي كدا بس
ي .. يوسف سمعتي! ٱ .. أنا كدا .. كدا خلاص سمعتي باظت!
إهدي بس وإشربي المياه دي وإهدي 
صدقيني هطلع تكذيب للخبر وأعرفلك مين عمل كدا
أنا معملتش حاجه وحشة في حياتي علشان يحصلي كل دا !! يوسف أنا تعبت!
 أول ما يقولي مين مش هرحمه! وهخلي أدهم يحبسوا فورا ..
ها إرتاحتي
ٱ .. أيوة شكرا
إدخلي نامي بقى وأنا هروح أشوف الموضوع متقلقيش هعرف مين
وأنا واثقة من دا.
تصبحي على جنة
وأنت من أهلها
مشي وسابني لوحدي وسط أفكاري أنا واثقة إنه هيعرف مين ومش عارفه جايبه الثقة دي منين! مع إني لسه عارفاه إنهارده بس حسيت إحساس غريب معاه.!
أنا مليش أعداء علشان يعملوا فيا كدا حتى لو هو ليه أعداء مكنوش نزلوا صورتي أنا كان ممكن يعملوا أي حاجه تاني غير كدا !!
نمت من كتر التفكير وصحيت على صوت الجرز وهو بيرن قومت أشوف مين كان .. يوسف!
خير يا يوسف في إيه!
حاول يبتسم وقال 
مش هدخليني طيب
إدخل!
دخل قعد وكان متوتر جدا وعمال يبصلي وتقريبا مش عارف يتكلم!
قعدت جنبه بس بردوا مقالش حاجه!
يوسف أنت كويس
ٱ .. أي .. أيوة يا فريدة
يوسف مالك أنت قلقتني! حد من عيلتك حصله حاجه
تعرفي أدهم منين
نعم!
تعرفي أدهم منين سؤالي واضح!
أدهم يعتبر سندي في الحياة هو آه جاري بس أنا عمري ما أعتبرته مجرد جار دايما بيكون معايا في المره قبل الحلوه أنا أيوة معنديش عيله بس أدهم عوضني عن كل حاجه!
صعبتي عليا الموضوع يا فريدة!!
يوسف أنا مش فاهمه حاجه
أنت عارفه إن كل شيء مكتوب لازم يحصل و ..
أدهم ماټ!!!
ياريت!
بطل ألغاز يا يوسف أنا تعبت!
أدهم ورا كل إلي حصل يا فريدة.
مش وقت هزار يا يوسف بالله
مبهزرش أدهم فعلا ورا كل حاجه!
ٱ ... إزاي فهمني إزاي!
بعد ما مشيت من عندك بليل بعت واحد من إلي بيشتغلوا عندي في الشركة واحد أمان يعني بعتوا ل رئيس الجريدة إلي نزلت الخبر كلمة من هنا على كلمة من هنا عرف إن أدهم هو إلي قالوا ينزل الخبر ب مقابل مادي وبس راح منزلوا!
م .. مستحيل لأ يوسف أنت متعرفش أدهم قد إيه هو طيب و ح ..
مين دا إلي طيب أدهم! 
تعرفي إن أدهم عدوي الوحيد! عمري ما كان ليا أعداء بس من ساعة ما ظهر في حياتي بقى عاوز ېخرب فيها وخلاص ومش فاهم ليه!
أنا مش عارفه أعمل إيه أنا تعبت!
إهدي وكل حاجه هتتحل يا فريدة صدقيني
هتتحل إزاي يوسف أنت مش فاهم ليه إن دلوقتي سمعتي بقت في الأرض خلاص! الناس إلي كانت بتحترمني خلاص مش هتحترمني تاني الن ..
في حل واحد بس!
إيه هو
خد نفس قبل ما يقول 
نتجوز !
قومت وقفت وأنا بقوله
أنت بتقول إيه!
بقولك الحل الوحيد للمشكلة دي كأننا كنا مخطوبين في الأول وإتجوزنا وبس مش هيحصل شوشرة.
أكيد في حل تاني!
صدقيني دا الحل الوحيد
فضلت بصاله شوية وأنا كالعادة مش عارفه أعمل إيه أنا مش عايزة أتجوزوا علشان بس مجرد خبر.
يمكن لو كنا في ظروف أحسن من كدا كنت