مصېبه يافريده

في شغل مشترك بينا ف لازم التعامل يكون حلو
إممم
مد إيده وقال
أنا يوسف صاحب شركة السيوفي
حطيت إيدي في إيده ونفس الكهربا حصلت ف شيلت إيدي بسرعة
للدرجة دي إيدي بتعض!
بتكهرب
إيه!
إيدك بتكهرب
لأ دي مش إيدي
أومال إيه
معرفتنيش بنفسك!
فريدة صاحبة شركة المحمدي
تشرفت بمعرفتك.
أنا أشرف
نعم!!
بشرفك
نعم!!
تسلم!
قضيت وقت جميل في الحفلة والأجمل من الحفلة كان يوسف كنت كل شوية أبص عليه وكل مرة يكون هو بردوا بيبصلي بس الفرق إني كنت بتكسف ف أبص في حته تانيه لكن هو كان بيبفضل باصص بردوا!!
خلصت الحفلة وجيت علشان أمشي لاقيت يوسف قدامي!
رايحة فين
مروحه!
طيب تعالي أوصلك
لأ متتعبش نفسك ه ..
يا بنتي مبخدش رأيك كدا كدا هوصلك!
المفروض إني أسمع كلامك وكدا
بص في عيني وقالي
فريدة إركبي العربية
ركبت العربية فعلا زي الحمار المتهور!
وأول ما ركبت شغلت ل أم كلثوم زي ما متعودة
كانت بتقول وقابلتك أنت لاقيتك بتغير كل حياتي معرفش إزاي أنا حبيتك معرفش إزاي يا حياتي 
مش عارفه ليه ساعتها قلبي دق! ح ..
يا فريييددةة
إيه يا عم خرمت وداني!!
بقالي ساعة بناديلك مبترديش
مخدتش بالي معلش
إيه إلي واخد عقلك يا جميل
أنت هتصاحبني يلاا
يلا!! بقى أنا دخلت هندسة كام سنة علشان في الآخر يتقالي يلاا!!
أيوة بقى إفضل أتكلم وإوجع دماغي كأنك أنت المهندس الوحيد إلي خلقه ربنا
أنا عمر ما حد كلمني كدا !!
أنا مش زي حد.
للأسف عندك حق!
للأسف ليه
ما علينا أنا عايز أشغل فيروز
لأ فيروز دي بتتشغل لما تيجي تشرب قهوة
بس أنا عايزها دلوقتي
أم كلثوم حلوه
ربنا على الظالم والمفتري يا شيخة!
بس أقف عندك خلاص وصلت.
خلاص كدا
خلاص إيه
ولا حاجه فكك
جيت أفتح الباب بس أول ما حطيت إيدي لاقيتوا مسكني جامد وكالعادة كهربني!!!
يا ابني بقى يا ابني أنت بتكهرب
ابنك!
أنت عندك كهربا زايدة في جسمك طيب
كهربا زايدة!
كشفت عند دكتور
فريدةة إسمعيني!
وطي صوتك وإنجز
قال بصوت واطي وهادي
شكرا
ع على إيه!
على انهارده كان يوم لطيف زيك.
ٱ.. ع عن إذنك إتأخرت
طلعت بيتي بسرعة وأنا قلبي بيدق بس أكيد بيدق علشان كنت بجري أيوة أكيد
حطيت إيدي على خدي ف حسيت إنه سخن جدا هو عملي إيه دول كام كلمة بس !!!
مردتش أنام في اليوم دا الناس لما بتحصل حاجه حلوه في اليوم بتنام على طول علشان متحصلش حاجه وتعكر مزاجهم بس أنا العكس مبنامش علشان يفضل يوم جميل وذكرى حلوة 
دخلت البلكونة بعد ما عملت قهوة وشغلت فيروز وإنسجمت 
إفتكرت تفاصيل اليوم من أول ما شوفته لآخر كلام قالوا الجملة فضلت تتردد في وداني كتير على انهارده كان يوم لطيف زيك والله ما في غيرك لطيف!
في وسط إنسجامي الجميل لاقيت الباب بيخبط جامد كأنه بوليس مش بني آدم عادي بيخبط!
روحت فتحت وإتصدمت لما لاقيته يوسف!
خير ف ..
مصېبة يا فريدة مصېبة!
قول يا يوسف بسرعه
إداني جريدة وقالي 
إقرأي
مستحيل أكيد!!!
يتبعالبارت التاني 
مصېبة يا فريدة مصېبة!
قول يا يوسف بسرعه
إداني جريدة وقالي
إقرأي
مستحيل أكيد!!!
الخبر مالي كل الجرايد
حسيت إني دوخت ومش شايفه قدامي سمعتي كدا بقت في الأرض!
الخبر إلي في الجريدة كان عبارة عن صورتي أنا ويوسف ساعة ما خبطتوا بالعربية كنا قريبين من بعض ساعتها وعيني في عينوا أي