اسكريبت الجزء الثاني

الاغنيه.. مازن طول عمره هادي بيحب الاغاني الكلاسيك.. وانا طول عمري بحب العفرته والتنطيط والاغاني المهيبره.. طول عمرنا عكس بعض ومع ذلك نادرا لم بنختلف في حاجه ليها علاقه بطباعنا
وصلنا ونزلت وانا ماسكه ايده نوعا ما كنت خاېفه من كميه الناس اللي موجوده ومعرفش حد فيهم... روحنا قعدنا علي ترابيزه وكل شويه يجي حد يسلم علي مازن ويمشي وانا حاسه انها حفله ممله جداااا... لحد ما جت ريتاج ومعاها واحد
اهلاااااااا بعم مازن اللي مبيسألش
حبيبي والله يا حوده بس انت عارف مشاغل
حبيبي عارف.... ايه مش هتعرفنا!
اه.. دي ميرا صاحبتي من واحنا صغيرين ودا محمود صاحبي من ثانويه عامه
_ وانت في ثانويه عامه كنت فاضي تصاحب اصلا! اومال انت جبت المجموع دا منين طلاما انت كنت بتصاحب
هههههه ليه انتي فكراني فاشل شبهك ولا ايه
_ علي فكره انا مش فاشله... انا بس بحب كليتي عشان كده دخلتها
هو انتي كليه ايه
_ فنون جميله
طب يا عم مازن ما انت معاك فنانه اهو
_ قوله والنبي 
ما انا بقوله اهو 
المهم قعدنا نضحك شويه ولقيت ان محمود بيتعامل مع ريتاچ بشكل غريب .. اللي هو يجيبلها مايه يقطعلها الفراخ بالسکينه وكل شويه يوشوشها في ودنها
_ لا ما اهو انا بصراحه مش قادره
كلهم بصولي بأستغراب وانا كان هاين عليا اقطع لساني الفالت مني دا بس الفضول قاتلني
_ معلش انا عارفه ان انا فضوليه اكاد اكون حشريه بس انا عايزه اعرف هو انت وريتاج مرتبطين صح
ههههههههه يعني كل دا عشان تسألي احنا مرتبطين ولا لا... اه فعلا احنا مخطوبين... بس مكنتش اعرف انك عندك فضول اووي كده
وبما ان مازن اطول مني بكتير من الجاكيت عشان ينزل شويه براسه.. وقولتله بهمس
_ هو باين انا فضوليه للدرجادي!
طبعا يا حبيبتي باين
_ هو ايه حوار حبيبتي اللي انت من امبارح دي
بصلي وضحك ومردش وكملنا الحفله وبعدها جت فقره السلو كل كابلز راح رقص... وانا ومازن قاعدين بوزنا في بوز بعض شبه القرود
يابنتي ما تيجي نرقص
_ قولت لا
لا ليه
_ كده مينغعش عيب
يا ميرا دي رقصه بريئه... وبعديم ما كله بيرقص اهو
_ انا مليش دعوه بحد.. وبعدين تحط ايدك علي وسطي بصفتك ايه يا محترم
وهما بيحطوا اديهم علي وسطهم بصفتهم ايه
_ ماقولتلك مليش دعوه بحد...وبعدين دول مش محجبين ولبسهم مبين اكتر ما مداري اصلا.. ايه رايك البس زيهم واخلع الطرحه.. وساعتها بس ارقص معاك
اه دا انا كنت اصلا
_ يبقي تسكت بقا ومتقوليش هما
ماشي يا ست العاقلين
خلصوا رقص شغلوا بقا اغنيه لعمر دياب.. اغنيه اهي اهي اهي فرحه حياتي اهي.. اغنيه فرفوشه كده.. قعدت اتحايل عليه انه يسيبني ارقص عليها مرضيش
_ يا مازن ليه
لما تبقي جايه مع سوسن ابقي ارقصي
_ الله ما انت كنت عايزنا نرقص سلو
دي غير دي.. دي رقصه هاديه كده وفيها وقار.. لكن انا مش هسيبك ترقصي وتتنططي شبه القرود كده وتعملي الحركات المتخلفه بتاعتك دي.. وبعدين احترمي حجابك شويه
_ اوووف.. ماشي
محمود وريتاج رجعوا وقعدنا تاني نتكلم شويه وريتاج طلعت عسوله اوي يمكن مكنتش طيقاها عشان كنت فكراها بتحاول مازن.. خلصنا وروحنا وصلني لحد البيت ك العاده
_ طب انا طالعه بقا عايز حاجه
لا استني شويه متطلعيش
_ هستني اعمل ايه
عايز افضل معاكي شويه
فضلت واقفه وهو واقف وبيبصلي وبس مبيعملش حاجه
_ مازن مالك
اا انا ا
_