اسكريبت الجزء الثاني

فرفوشه الفرافيش
حبيبتي.. هو قال حبيبتي صح! انا قلبي بيدق وهيخرج من مكانه
_ انت قولت ايه!!
بقولك انا عندي حفله بكره
_ حفله!! حفله ايه
حفله عاملينها للدكاتره اللي في المستشفي عندنا
_ امممم طب وانت بتقولي ليه.. اكيد مش عشان تستأذني.. انت طول عمرك بتعمل اللي علي مزاجك من غير ما تشور حد
ضحك لا انا بقولك عشان عايزك تيجي معانا
_ ايه دا هو ينفع
اه ينفع عشان كده عايزك تبقي انتي اللي معايا
_ امممم ليه هي ريتاچ مش رايحه
لا رايحه بس انا عايزك انتي معايا مش هي
_ ليه بقا
عشان.. عشان..اا..عشان تغيري جو
_ جو! عشان اغير جو.. ماشي جو جو المهم اروح معاك
طب هعدي عليكي بكره الساعه 6 كده.. اجي الاقيكي جاهزه
_ ماشي
اه وبالمناسبه
_ ايه
انا اسف
_ بأبتسامه علي ايه
علي اي حاجه ضايقتك النهارده مني
_ ماشي
وعلي فكره
_ايه
انا كمان مش بعتبرك اختي ابدا
_ بأبتسامه اومال بتعتبرني ايه
تصبحي علي خير
_ امم بتهرب بس ماشي وانت من اهله
راح ضحك وقفل وانا الفرحه مش سيعاني
الله!! جرا ايه يا ست سعاد حسني.. ايه جو صغيره علي الحب دا
_ اووف انتي فصيله وربنا
اصل مكنش دا حالك من شويه دا انتي كنتي بټلعني فيه من شويه
_ ماهو مازن طول عمره كده.. ينرفزني وبعدها يجي بالليل يصالحني.. عمري ما نمت وانا زعلانه منه
هيييح عقبالي ياست جوليت لما الاقي روميو زيك كده ونركب تيتانك سوا
_بأبتسامه لا انا روميو بتاعي مفيش زيه ابدا
طيب ياستي الله يسهلوو
_ المهم انه عنده حفله بكره وعايزني معاه
لالا دا انتي تحكيلي من اول المكالمه لاخرها
قعدت حكيتلها كل حاجه واتفقنا هلبس ايه بكره ودخلت نمت.. صحيت تاني يوم لقيته بيرن عليا عشان يوصلني الجامعه قولتله لا انا هأجز النهارده من الجامعه.. المهم اننا قعدنا طول النهار احط في مسكات وكريمات عشان ابقي كيكه بقا
رن مازن عليا الساعه 6 بالظبط.. مواعيده مظبوطه ابن ال ايه.. المهم اني نزلتله كنت لابسه فستان ابيض شيفون وطرحه زرقا وحطيت ميكب خفيف.. كنت قمرر اوي الصراحه.. اول ما شوفته اللي هو ايه القمرر دا لابس بدله بقا ومسرح شعره وشكله كده امير مراره علي احمد عز علي كل الممثلين اللي انا بحبهم
المهم مطولش عليكم... روحتله وهو طبعا منبهر بيا
ايه القمر دا
_ اقل حاجه عندي علي فكره
يواد يا جامد
_ لا بس ايه الشياكه دي... انت كده هتتعاكس مني في الحفله وهقعد بقا الم البنات من حواليك.. ميصحش كده
طب يلا بينا عشان متأخرش
_ يلا بينا
ركبنا العربيه... وبفتح الكاسيت لقيت الاغنيه اللي بحبها بتاعت تامر حسني..اغنيه عقلي مني طار اول ما ..المهم قعدت اغني مع الاغنيه ومبسوطه... وبعدها شغلت اغنية حان الان حبك في قلبي ياخدله مكان.. طبعا انا بغني مع الاغنيه ومندمجه وهو كل شويه يبصلي ويضحك
المهم ان انا شويه رومانسي وشويه مهرجانات وهو سايبني اعمل اللي انا عيزاه وفي الاخر قفل الكاسيت
كفايه فرك وتنطيط لحد كده فرجتي علينا الشارع كله
_ اعمل ايه ما انا بحب الاغاني دي وبندمج معاها
زوقك غريب اووي شبهك كده
_ انا برضه اللي زوقي غريب!! كل الناس دلوقتي بتسمع كده.. انت اللي غريب
خلاص يبقي اهدي بقا واسمعي اغانيا زي ما انا بسمع اغانيكي
وراح مازن شغل الكاست علي اغنيه ام كلثوم الليل وسماه ونجومه وقمره وقعد يدندن معاه بصوت هادي وواطي كده مع