قصه كوميدي كامله

كفاية انه حمادة .. بقى انا على اخر الزمن اتجوز حمادة .. دى كانت تبقى نيلة خلاص
بت يا سوكة هو اى فتى وخلاص ... طب ايه رايك انك هتقابلى الناس يوم الجمعة وهتقعدى مع العريس وحسك عينك يشتكوا منك ولا يروحوا ميجوش زى الى قبلهم ..
يووه هو انتم هتجوزونى ڠصب عنى !
اه ابوكى راسة وألف سيف انك لو ما اتلميتى ووافقتى على حمادة ليجوزك محروس ابن عمك ويسفرك تعيشى فالصعيد ..
محروس .. محروس ده ايه الى اتجوزه ده كفايه انه عنده شنب شبه المكنسة ..
خلاص يبقى قابلى حمادة وانا واثقة انه هيعجبك صحيح انتى مشفتهوش من اكتر من عشر سنين من وقت ما عزلنا من بيتنا القديم بس ابوكى شافه وقال انه بقى شاب عنده اخلاق ومحترم ..

اخلاق ومحترم طب ايه رايك انه كان بيشرب سجاير ... واه انا كنت بدارى عليه عشان محدش يضربه
ما يشرب كل الشباب بتشرب سجاير بكرة ربنا يهديه ...
سوكة اتغاظت وقالت 
ماشي يا ماما وربنا لأخليه يتوب على ايدى هو بقى الى جابه لنفسه ..
سوكة استنت لما ابوها رجع من الشغل وقالت 
بص يا بابا انا اتفصلت من الشغل فى اول اليوم ومش هقابل الى اسمه حماده ده .. ومش باقية على حاجة خالص ..
يعنى اتفصلتى من اول يوم شغل ليكى !
اه 
ومش عاوزة تقابلى حمادة ولا تتجوزيه !
اه 
بت انا هتبرى منك !
فى ايه بس يا بوب ما انت طول عمرك اب لذيذ كده وحبوب بلس انك سايبنى براحتى ..
ماهو دلعى فيكى هو الى عمل كده .. بس خلاص انا جبت اخرى منك .. هكلم عمك ومحروس يجو فى اقرب وقت و يكتبوا الكتاب وتروحى تعيشى فالصعيد ..
يا بابا انا ..
شششش اسكتى لو هتوافقى على حمادة يبقى هتتجوزى محروس والجزمة فوق رقبتك ..
سوكة كانت هتعيط وقالت 
حمادة .. حمادة هو يعنى حد لاقى عالله بس هو يستحمل وميجيش يفيص بعد اسبوع ....
سوكة كانت قاعدة فى اوضتها بټعيط زياد اخوها دخل عليها وقال 
اممم اول مرة اشوفك بتعيطى كنت فاكر انك مش بتحسي
سوكة مسكت المخدة وضړبته وقالت 
انا مش بحس يا البحر !
زياد بعد وشه والمخدة وقعت فالارض وقال 
انا مش هطول لسانى عليكى دلوقتى عشان عاوز اعمل معاكى ديل انا سمعت ان حمادة متقدملك وانتى مش عوزاه صح !
وانت تعرف حمادة منين يا خفيف احنا لما عزلنا كنت لسه مطلعتش من البيضة كنت يا دوب عندك خمس او ست سنين
بس فاكره على فكرة بأمارة ما كانت العيال بتضربه فالحارة وانتى كنتى بتقفى وتدافعى عنه ..
واهو شلهالى بجميلة وجه عشان بتجوزنى انا مالى انا ما كنت سبته يتضرب ولا ېموت حتى انا مالى
طب والى يخلصك منه تديلو كام !
خمسين جنيه وباكو بسكوت بالشيكولاته ولله ما استخسر ابدا بس قولى هتعمل ايه !
خمسين جنيه ليه هو ناموسة ههشها ده عريس من شحم ولحم واعضاء
طب خمسة وسبعين يلا اهو مش مستخسرة حاجة قولى بقى هتعمل ايه
من الاخر كده انا عاوز ألفين جنيه ... انا عارف انه مكنزة على قلبك قد كده وعاملة دفتر توفير باسمك فكيها شوية اخوكى غلبان ..
ااا ..الفين .. ألفين جنيه ايه الى هدفعهم فى حمادة ده هو على بعضه شاكب راكب ميجبش اكتر من ٢٠٠ جنيه يفتح الله انا اصلا بحب حمادة وهتجوزه
خلاص براحتك .. انا قلت الحق اقولك ... اصلهم هيجو يوم الجمعة ويقروا فاتحة كمان ومش بعيدة بعد اسبوع تبقى خطوبة وكتب كتاب ..
كك كتب ايه كتب كتاب مين وليه ها ولا انت تعرف حاجة ومخبيها عليه
اه بصراحة اه .. ابوكى وامك عاوزين يزحلقوكى من هنا ..
سوكة كانت هتعيط وقالت 
انا كنت حاسة انى لقيطة انا لايمكن اكون بنتهم
طيب بقى انا هروح انام شوية وانتى مبروك عليكى حمادة واهو لما تتجوزى هبقى اجى ابيع الكراكيب الى فى اوضتك دى وهى تجبلى الالفين جنيه ..
زياد كان هيمشي الا ان سوكة ندهت عليه وقالت 
زيزو حبيبى استنى يمشي معاك ١٥٠
هما الفين مينقصوش مليم ..
حار وڼار فى جتتك عالله خطتك تنجح قولى بقى هتطفشه ازاى ..
يوم الجمعة جه وحمادة جه هو واهله وكانو قاعدين فى الصالون ...
فى اوضة سوكة 
حنان دخلت عليها وقالت 
ايه القرف الى انتى حطاه على وشك ده اففف وايه الريحه الى فالاوضة دى ... بت انتى قاټلة قتيل هنا ولا ايه ..

تدينى بس ساعة واغسل وشي مكان ماسك البرسيم الى انا عملاه بيقولوا ان نتايجه مزهلة تحبى تجربى
برسيم ايه يا جاموسة كنتى كوليه يمكن يفتح مخك الى مقفول