قصه كوميدي كامله

بت من وشي مش فضيالك ..
بقى كده ماشي يا سندس بكرة تندمى ..
سندس مشيت وسابتها بس سوكة لفت نظرها ان فى فصل خارج منه دوشة راحت ناحيته وشافت الولاد والبنات بيتخانقوا وماسكين فى شعر بعض حاولت تسلك بينهم بس مقدرتش فالاخر قررت انها تجيب خرطوم المطافى وتشغله عليهم بعد ما ضړبت على زر الانذار ڠصب عنها ...
وفى لحظة المدرسة كلها اتقلبت لانهم فكروا ان فى حريقة ...
بعد وقت كانت سوكة واقفة قدام المديرة الى قالتلها
ممكن افهم ايه الى حصل بالظبط وايه الى خلاكى تسيبى شغلك وتلفى على الفصول..
ولله يا ابلة انا كنت بلف اشوف حال المدرسة الى مكنش عاجبنى ده العيال كانوا بيتمشوا ولا كانهم فى المول .... وفالاخر لقيت الفصل ده كله بيضرب فى بعضه فكنت بسلك بنهم معرفتش ملقتش قدامى غير خرطوم الميه ده وهو الى سكتهم ...

انتى اتجننتى يا بنت انتى متعرفيش الولاد دول ولاد مين
انشالله حتى ولاد الوزير انا ميهمنيش انا كنت بأدى واجبى بدال ما تشكرونى كان ممكن اسيبهم يقتلوا بعض ..
المديرة بصتلها بغيظ وقالت 
طيب يا انسة تتفضلى تاخدى ورقك من هنا ومع السلامة انتى مرفودة ..
مرفودة مرفودة هو انا يعنى كنت شغالة فى وزارة الصناعة ده حتى المدرسة دى كلها حرامية وعيال بايظة ..
بنت كلمة كمان وهتصل بالبوليس ..
ده انا الى هروح ارفع عليكم قضية واقولك انك حرامية وڼصابين
جت سندس وقالت 
خلاص يا سوكة اتفضلى امشى من هنا ومعلش يا سيادة المديرة احنا اسفين ..
المديرة انتى كمان مرفودة يلا خدى صاحبتك من هنا ومع السلامة ..
سوكة بغيظ انتى بترفدى صاحبتى كمان طب تعالى بقى يا ولية يالى شبه قرطاس اللب ...
يتبع
الفصل الثاني
فى قسم الشرطة ..
ظابط الشرطة كان واقف متعصب وبيقول 
تانى يا سوكة هو انتى مبتحرميش كل يوم والتانى جيالى فى مصېبة شكل !
سوكة اه يانى يا دماغى اثبت عندك يا باشا اتلموا عليه وضربونى انا وصاحبتى ..
الظابط استغرب وقال 
ضربوكى ازاى انا مصدقش أبدا ده انتى ميقدرش عليكى غير ربنا ..
سندس لا يا باشا انضربنا حتى شوف فى خربوش فى وشي اثبت عندك فالمحضر 
سوكة ايوه يا باشا ده اعتداء على موظفين اثناء تأدية عملهم ..
المديرة كانت قاعدة مصډومة من الى بتسمعه وخصوصا انها هى الى اضربت مش هما وفوق كل ده لقيت مجموعة قضايا هتترفع عليها وفالاخر الظابط اقنعهم بالصلح وكل واحد اتنازل عن المحضر و رجع على بيته ..
فى بيت سوكة ..
زياد اخو سوكة رجع من برا وقال 
بقولك ايه يا حنون ما تشوفيلى معاكى ٣٠٠ جنيه سلف
سلف ده ايه هو انت بترجع حاجة وبعدين عاوزهم فى ايه يا خايب
هجيب بيهم كوتشي جديد ألعب بيه كورة بدال الى اتقطع ..
اه يا ميلة بختك فى ولادك يا حنان واحد الكورة لحست عقله والتانية لسانها متبرى منها وعاوز قطعه ..
يلا بقى يا حنون انا عندى ماتش النهاردة الساعة سابعة وعاوز ابدا اسخن من دلوقتى
انا خلاص جبت اخرى منك انت واختك وخلاص هلم هدومى واهرب ومتلقونيش
طب قبل ما تهربى ادينى ال ٣٠٠ جنية وهرجعهملك اول ما يبقى معايا فلوس ..
عوض عليه عوض الصابرين يارب ..
سوكة دخلت وقالت 
مالك يا حنون صوتك جايب ليه لاخر الحارة الواد ده مزعلك فى حاجة ..
حنان خدى يا بت هنا مالك متبهدلة كده ليه وايه الى عمل فى هدومك كده
مفيش انا بس كان عندى ماتش غسيل فالمدرسة خلصته وقلت اجلكم
زياد غسيل ايه انتى شكلك وقعتى فى عربية دقيق ..
سوكة اه ده انا كنت بلعب مع الطلبة وضربتهم بخرطوم المطافى
حنان خرطوم المطافى منك لله يا سوكة جيبالنا الكلام فى كل حته احكى مصېبة ايه الى عملتيها المرة دى ..
سوكة كانت رايحة اوضتها وقالت 
لا بصي دى محتاجة قاعدة طويلة انا هروح اغير هدومى واجيلك نتكلم براحتنا ..
سوكة دخلت اوضتها بس زياد بص لامه وقال 
ها مش هتدينى ال ٣٠٠ جنيه ..
حنان قامت تجرى وراه بالشبشب وهى بتقول 
خد هنا يا ولا وربنا منا سيباك تعالا وانا اديك ٣٠٠ شبشب على دماغك ...
بعد شوية سوكة غيرت هدومها وراحت قعدت تتفرج على التليفزيون حنان جت قعدت جنبها وقالت
بقولك ايه حمادة الى كان جارنا فى البيت القديم كلم ابوكى وعاوز يجى يخطبك ..
حمادة مين ده بس الى عاوز يجى يخطبنى ده انا ياما هريته ضړب وانا صغيرة ..
ودلوقتى كبر ماشاء الله وبقى راجل طول بعرض وكلم ابوكى عشان يجى يتقدملك ..
مش موافقة قوليله انى مش موافقة
وليه مش موافقة ان شاء الله هو انتى كنتى شوفتيه ولا قعدتى معاه حتى ..
من غير ما اشوفه هو اصلا تلاقيه عيل سيس كده ... ده