اسكريبت كامل بقلم حنان محمد

.- الدروس الساعه سبعه سته ونص تكونى تحت
-..
- تكونى واكله حاجه قبل ما تنزلى 
-..
- وهتشيلى الكتب كلها مش هكون خدام اهلك انا دايما 
حنان انتى نمتى !! 
- كلت دماغ امى  كل يوم نفس الحوار مبتزهقش يالا! 
- يالا! 
- مصطفى كل يوم بتقول كدا وانت اللي بتشيل الكتب وبيبقى معاك حاجه عشان اكلها لانى كل مره بنسا ومبفطرش،  وكل مره بتاخر ف ايه بقى اييييه!!! 

- بصلى بنفاذ صبر.. ايه!! 
-  ولا حاجه  نزل  كتفك عشان انام وابقى صحينى لما نوصل الدرس كدا 
الحياه بتهون لما يقف جمبك شخص  بيحبك، شخص كويس، زيه، زى مصطفى كدا...

مع بعض من زمان اتعرفت عليه صدفه متحمل كل حاجه بعملها كل حاجه اهلى بينتقضوها هوا بيرحب بيها  ولو وحشه بيغيرها للافضل بس بطريقه مختلفه ب لين وانا طيبه وباجى ب اللين

- احنا في تالته ثانوى ذاكرى ابوس ايدك 
- بجد!! 
- بجد ايه 
- يعنى لو ذاكرت هتبوسها بجد 
- ضحك.. يابنتى بقى 
- مصطفى هوا احنا صحاب؟ 
- انتى شايفه ايه! 
- بس نورا قالت مفيش ولد وبنت بيبقوا صحاب لازم حد منهم يغلط ويحب، ياترى مين اللي هيغلط الاول؟ 

-  هنسقط لا هنطول هندسه ولا حتى تربيه موسيقيه قسم زغاريت اخلصى ان كنا هنذاكر ونفلح فى ام السنه اللي مش باينلها راس من رجلين دى 
- انت متعصب 
- بالكتاب وفي دماغك 
- يبقى مش متعصب، يلا نذاكر..

كل حاجه بنعملها مع بعض الدروس الاكل، حتى القهوه بنشربها مع بعض حتى لما بنزوغ من الدروس  

صديق الكفاح زى ما بيقولوا بس كفاح منيل بستين نيله شكلنا هنشيل كتير السنه دى.

- لا احنا كدا مش هنخلص انا خلصت  باب وانتى لسه في اول درس 
- انا بذاكر بتركيز 
- علفكره لو سالتك مش هتجاوبى فخلينى ساكت احسن 
- قصدك ايه؟ 
- الراس راس ديناصور  والعقل عقل كتكوت 
- والله يابنى  ما حصل نمله حتى.  ، لا ايه دا انت بتتريق...؟ 

- ذاكرى عندنا امتحان بكرا هنسقط الله يحرقك

كانت الحياه حلوه، حلوه اوى، زي ما بيقولوا اجمل فتره ممكن تقضيها هيا فتره الدروس وانك تكون مع ناس بتحبهم ولما تخلص الامتحانات  وتزعل وټعيط ع النتيجه وكل الهرى دا يعدى يجى الۏجع الاكبر ان الناس اللي بتهون عليك تروح مكان تانى وتتفرقوا

- هتمشى وتروح القاهره 
- اه 
-  ضحكت هتروح وتنسانى وتتعرف ع غيرى وكدا هتلاقى بنات حلوه اوى عارف.. 
- مش عايزانى اسيبك؟ 
- لا انت تنسيقك جاب هناك واصلا بيتك الاساسى واهلك هناك ربنا يوفقك 
- وانتى..؟ 
- انا مالى! 
- مرتاحه..؟  
- اتنهدت...  التيشرت دا ولا دا؟!  
- لو مش عاجبك الدراسه بتاعتك  ممكن نغيرها 
- بس هيا عجباهم 
- المهم انتى 
-  ابتسمت... وانا بتقولى المهم هما

كل واحد دخل كليه مختلفه، كنت عايزه ادخل اي كليه معاه هناك واهلى رفضوا، الشقه بتاعتهم سابوها نقلوا كل حاجه ومشيوا..

هدخل كليه مش حباها بس من امتا بنحب حاجه وبتكون لينا..