روايه صفقه زواج بقلم سهام صادق _الفصل السادس

ابتسامه وحنين لصاحبة الاسم_ اسمها فرح 
احمد_ اه 
يلا يابنات قوموا كفايه كسل عشان نلحق نبتدي شغلنا ثم اتجهت الي الفتاه الجديده يلاا ميعاد الشغل
فرح _ حاضر انا جاهزه 
السيده وتدعي صباح _ طيب يلا عشان اعرفك هتعمل ايه وقبل ان ترحل 
انتي في الشهر الكام صحيح 
فرح بتردد_ انا بصراحه في السابع بس اضطريت اقول في الرابع لأحسن عمي حسن ميوفقش اني اشتغل
صباح _ مممم طيب هتعملي ايه لما تيجي تولدي
فرح_مش عارفه 
صباح بأشفاق_ صحيح هو فين ابوه ازاي يسيبك كده تشتغلي 
نظرت له فرح ولم تتحدث 

صباح وقد فهمت خطأ_ اه فهمت ربنا يستر علي بنتنا وبنات المسلمين يلا ياحببتي قومي افطري الاول مع البنات عشان نشوف حالنا بقي 
اه نسيت اعرفك بنفسي انا اعتبر المشرفه هنا واسمي صباح 
فرح بأبتسامه _ اهلا بحضرتك
صباح بهمس _ شكلهاا بنت ناس ايه الي رماها علي كده وانتي ياحببتي اسمك ايه
فرح_ اسمي فرح
صباح _ ماشي يافروحه ياحببتي يلا تعالي افطري واعرفك علي البنات 
مره اسبوع كان هذا الاسبوع مختلف علي ابطالنا 
كانت تعمل مع الفتيات في الحقل تعمل وتحمل الاشياء ولا تعلم ان كل هذا ملك لزوجها فيالك من عجيب ايها القدر
نظرت اليها صباح بأشفاق شديد علي حالها فيبدو انها فتاه بريئه ناقيه قد قست عليها الايام الي ان جعلتها تعمل وهي في مثل هذا الوضع ظلت تنظر عليها بأشفاق وحزن فكيف لفتاه في عمرها تتحمل كل هذا يالكي من فتاه قويه اتجهت اليهاا بحنان
صباح_ تعالي يافرح عشان تاكلي مع البنات ياحببتي
فرح بتعب_ لسا مخلصتش الشغل الي عليا هخلص واجي
صباح_ ياحببتي تعالي كلي الاول الشغل مش هيطير يلاا بقي بسم الله
كان الطعام بسيط جدا من خبز وجبنه وخضروات جلست تأكل معهم وهي تشعر ببعض التعب ولكن كانت تحاول بشده ألا تظهر تعبها كي لا يراها احد غير صالحه في العمل وتطرد منه
بدأت الفتيات يمزوحون مع بعضهم كانوا في اعمار مختلفه ولاول مره يحاولون ان يكتشفوا سر هذه الفتاه فمنذ ان جائت كانوا يتهامسون مع بعضهم ولكن اليوم
احدي الفتيات _ انتي صحيح يافرح في الشهر الكام
اسرعت صباح وردت قبل ان ترد عليها فرح التي ظلت متوتره فقد كانت صباح تعلم ان تلك الفتاه لا تترك احد إلا وتتحدث عنه وسوف تكشف امرها وتتسبب في تطردها من العمل اذا علموا حقيقه كذبها _ ما قولتلك في الخامس يافاطمه في ايه بقي 
فاطمه_ مممم بس يافرح فين ابوه اوعي تكوني استغفر الله العظيم 
صباح پحده _ فاطمه عيب الي بتقوليه ده واظن ده شئ يخصهاا تقولكم مين ابوه ولا لاء هي حره وبلاش تظني في حد ظن سوء 
فاطمه_انا مش قصدي ياست صباح بس يعني مستغربه اصل شكلها غريبه عن البلد وباين عليهاا مش من هنا خالص ايه بقي الي جابهاا المنصوره وكمان ازاي جوزها يسيبها تشتغل كده وهي حامل
صباح پحده _فاطمه خلصي اكلك ويلا روحي كملي شغلك بطلي رغي
بدئوا الفتيات يهمون بالنهوض وذهبوا الي ما كان يعملون به قبل الراحه 
نظرت صباح الي فرح التي وجدتهاا مازالت جالسه بحزن شديد والدموع تملئ عينيهاا 
صباح _متزعليش منها ياحببتي هي بس الي حشريه زياده عن اللزوم ما انتي شايفه باقي البنات محدش بيدخل في خصوصيات التاني وكل واحد في اكل عيشه
فرح _ هي ليه من ساعة ماجيت مضايقه مني مع انها ولا تعرفني ولا اعرفها وعماله تتهمني في شرفي مع ان والله الي في بطني مش ابن حرام وليه اب
صباح _يعني انتي مش هربانه من اهلك
فرح بحزن _لاء ديه قصه طويله اوووي وقبل ان تكمل كلامهاا كان شخص يندهه عليهم بصوت عالي لكي يتابعوا عملهم
صباح_طب تعالي نكمل شغلنا وبعدين نبقي نتكلم.
نظر اليها بحب شديد وهي ترتدي ثوب زفافها وتتشبث في يد اخيها ظل يتأمل وجهها البريئ وفستانها الابيض فقد كانت في غايه الجمال 
عمر بحب _ماشاء الله 
نظرت له مي بخجل _يعني طالعه حلوه ياعمر
عمر بحنان _انتي اجمل حاجه عنيا شفتهاا
كان محمد يتطلع اليهم بحب وفرح نظر الي والدته وجدها تبكي
محمد بدعابه_ ايه ياست الكل ما انا موجود اه مش هسيبك
سعاد بحزن_ نفسي افرح بيك انت كمان يامحمد وترجع تعيش هنا يابني
محمد بتنهد_ قولي ان شاء الله يا امي 
سعاد بتمني _يارب يكون قريب 
 دخلت معه وهي تتشبث في ذراعه فمنذ اسبوع تقريبا قد جاءت
تركها مع احدي صديقاتها وذهب هو لصديقه ليبارك له ثم وقف بجانب بعض الاشخاص ليتحدث معهم وبعد فتره ترك القاعه بأكملها وخرج ظل يتذكر يومهم هذا كم كانت جميله استحملت اهانته كثيرا وسامحته اخذ يتذكر ضحكاتها وحديثها ونظراتهاا التي تحمل كل معاني الحب وايضا حديثها الطفولي معاه تذكر يوم جلست بجانبه تري بعض صور الاطفال وتتأملهم بأعين