سميته

يعني أيه بتحبها!!
قومت من مكاني بسرعه وكانت سلمي هانم بصيت لي وقالت
وأنت إزاي تسمحي لنفسك تقعدي جمب سيدك
أمي
بصيت لي وبعدين بصيت لها وقالت
أمشي أطلعي برا ولمي هدومك أنت مطروده
فركت في أيدي وكنت همشي لقيت تميم بيه خبط أيديه علي التربيزه بكل قوته وقام وقف وقال
أنا اللي أقول تمشي ولا تقعد دي المسؤله عن أوضتي وأنا مرتاح معاها
بسخريه قالت
مهو بعد اللي سمعته منك يبقا لازم ترتاح معاها بس أنا بتكلم عن شكلنا يا تميم ولا أنت نسيت أحنا من عيلة أيه وأنت تطلع أبن مين وجدك كان مين لو أنت نسيت فكل الخدمين هنا عارفين ده كويس

ضغط علي أيديه وقال
خلاص خلصتي في حاجه تانيه عايزه تقوليها
تميم أتكلم معاي عدل بعد شويه الاقي الخدامه دي مش موجوده في الڤيلا
ابتسم وقال
وماله من عينيا
استغربت من ردة فعله ومشيت أنا فضلت واقفه دقيقه وكنت همشي وقال
رايحه فين
كنت باصه في الأرض وقولت
حضرتك قولت أني همشي
مسك أيدي وسحبني ناحية السرير قعدني علي طرف السرير وقال
خليكي هنا متتحركيش
فضلت باصه عليه وأنا مش فاهمه حاجه بس أستجبت ليه وفضلت قاعده فتح الدولاب وبدأ يلبس وأنا كنت بحاول أخبي عيوني عنه كان بيضحك بعلو صوته علي
خدني من أيدي ونزلنا وقف عند الأوضه اللي بنام فيها وقال
أدخلي هاتي بطاقتك
ليه