ملاك بقلم اسراء سمير

القرار أنها ستتغير لنفسها أولا ثم لأجل فارسها
أثناء تواجد ملاك في الجامعه اصطدمت بفتاه جميله ورقيقه يزينها حجابها وايضا ملابسها الانيقه
ملاك انا اسفه
الفتاه ولا يهمك يا قلبي 
ملاك انا حاسه إني شوفتك قبل كده هو انتي جنه أحمد
الفتاه ايوه انا جنه أحمد انتي تعرفيني منين
ملاك انتي مش فكراني انا ملاك حسام كنا مع بعض في الاعدادي

جنه اوعي تكوني ملاكي الباكي 
ملاك ايوه هو بغباؤه
احتضنا الفتاتان بعضهما
جنه عامله ايه وحشاني من يوم معزلنا من البيت وانا معرفش عنك حاجه
ملاك انتي كمان وحشاني يا جنتي انتي كنتي الوحيده الي صدقتي وصحبتي وبعد ما مشيتي مبقاش ليه حد غير يوسف
جنه يوسف هو عامل ايه
ملاك الحمد لله بقا ظابط الا صحيح انتي ايه جابك هنا تاني انتو هتعيشوا في القاهره
جنه ايوه راجعين بتنا تاني وكمان انا محوله من جامعه تانيه وانهارده أول يوم ليا في سنه تالته.
ملاك اشطا كده احنا مع بعض أخيرا يا ربي لاقيت حد معايا
جنه ههه ايوه يا ستي افرحي وظقطتي
ملاك لسه دمك خفيف ذي منتي
وأثناء حديثهم جاء يوسف ليصطحب ملاك معه الي البيت توقف مكانه عند رؤيته لهذه الفتاه التي خطفت قلبه بضحكتها ورقتها وجمالها
ذهب يوسف إليهم قائلا السلام عليكم 
ردت الفتاتان وعليكم السلام
ملا جو أعرفك جنه أحمد جارتنا الي ساكنه في الدور التاني الي كانو معزلين فاكر كنا بنلعب معاها واحنا صغيرين
يوسف اه فاكر ازيك يا انسه جنه
جنه الحمد لله عامل ايه
يوسف الحمد لله وظلوا ينظرون الي بعضهم البعض وبعد ذلك خجلت جنه واخفضت رأسها
لاحظت ذلك ملاك وتدخلت يوسف مش يالا بقا نروح 
يوسف أحم اه يالا اتفضلي يا انسه جنه اوصلك
جنه شكرا أستاذ يوسف انا ..
ملاك مقاطعه يالا يا جنه معايا وبعدين مهو بيتك عند بيتي.
جنه احم تمام
وصلوا الي البيت وذهبت جنه الي بيتها
وأثناء صعود يوسف وملاك قالت ملاك ليوسف جميله أوي جنه ورقيقه 
يوسف بسرحان جدا ولا ضحكتها 
ملاك هههه اه فعلا وعرفت منين
يوسف أحم هو انا قولت حاجه
ملاك لا خالص انت وقعت بس
يوسف باستغراب وقعت ايه منا كويس أهه 
ملاك يا حبيبي مش عليا انا بفهمها وهي طايره 
يوسف طيب يا خفيفه خليكي في حالك
ملاك ماشي انا غلطانه انا قولت اساعد
يوسف تساعدي ازاي يا أبو العريف
ملاك لا خلاص مش قايله مش خليني في حالي
يوسف خلاص انا آسف يا لوكا ها قولي بقا
ملاك بضحك ايوه كده اتعدل. بص يا سيدي 
يوسف بصينا يا أخت ملاك
ملاك دلوقتي جنه صحبتي وكمان معايا في الكليه فايه بقا يوسف ايه
ملاك مين يا ذكي هيوصلنا كل يوم 
يوسف اه انا فهمت بس يا لوكا بجد انا مش عارف حصلي ايه من ساعه مشوفتها
ملاك يا قلبي هو ده الحب وكمان من أول نظره وكمان انا عارفه أنك كنت معجب بيها واحنا صغيريين
يوسف طيب افردي أنها مش بتبادلني نفس الشعور 
ملاك لا انا حاسه 
يوسف بجد يا بركه دعاكي يا اما
ملاك 
انتهي اليوم وقررت ملاك في الصباح ان تتكلم مع جنه لكي تساعدها في التغير من نفسها
في الصباح التالي
ذهبت ملاك وجنه الي الكليه وقام بتوصيلهما يوسف.
في مكان في الكليه تجلس ملاك وجنه يتحدثان
ملاك هو ممكن يا جنه اطلب منك طلب
جنه اطلبي يا قلبي
ملاك انا عايزاكي تساعديني إني أغير من نفسي وشكلي للاحسن
جنه ممكن اعرف السبب ولو مش عايزه خلاص
ملاك بتنهيده عايزه اتغير علشان نفسي علشان تعبت من نظره الناس ليا وكأني مش انسانه عندي مشاعر واحاسيس
انا مش هنكر إني مهمله في حق نفسي بس أنا كان نفسي الي بحبه يحبني محبه روح مش مجرد شكل.
ليه كل الناس يهمها الشكل ونسوا أن الي خلقهم هو الي خلقني وكمان اه في ناس مبتخدش بالشكل بس دول قلال قوي.
عايزه اتغير علشان محسش بالنقص وأني أقل من أي حد عايزه ثقتي في نفسي تزيد ومش هنكر كمان ان عايزه فارس يحبني ذي منا بحبه علشان عارفه أنه بيهمه الشكل 
جنه ياه يا ملاك كل ده شايلاه في قلبك حبيبتي انتي جميله مش وحشه
انتي عايزه تشيلي النضاره والتقويم وكمان تعتني بنفسك وبلبسك وهتبقي ملكه جمال مش بس بشكلك لا انتي كمان ملكه بطبعك وروحك وانا يا ستي هساعدك للاخر
ملاك بجد شكرا يا جنه 
جنه بتشكريني ليه مش احنا أصدقاء مفيش شكر بنا اتفقنا
ملاك اتفقنا يلا بقا نعمل ايه
جنه بصي يا لوكا أول حاجه لازم تعملي عمليه الليزك وتشيلي النظاره وتاني حاجه تشيلي التقويم والباقي سهل
ذهبت كلا الفتاتان الي البيت واخبرت ملاك والديها برغبتها في إجراء عمليه لعينيها وايضا الذهاب لطبيب الأسنان لتزيل التقويم 
رحبوا الابوين بذلك وذهبوا لإجراء العمليه وانتهت وظلت بعد العمليه يومان في البيت بسبب تأثير
الليزر فهذه إجراءات طبيه وبعد ذلك الي طبيب الاسنان لتزيل التقويم
وبعد الانتهاء ذهبت هي وجنه لمركز التجميل لتعتني ببشرتها وشعرها.
الي هنا وقد انتهوا من الجزء الأكبر وبقي اختيارها لملابسها فذهبوا الي محلات كثيره وقد اختاروا ملابس انيقه وبسيطه تلاءم حجابها واصبحت ملاك جميله بكل معني الكلمه
جنه بسم الله ما شاء الله قمر 14 شوفتي بقا أنك جميله أوي كان نقصك شويه اهتمام ده لو فارس شافك دلوقتي هيغمى عليه ههه
ملاك بجد يعني بقيت حلوه
جنه حلوه ايه دنتي قمر
ملاك الله يخليكي لولا وقوفك جنبي مكنتش هبقي كده شكرا ليكي 
جنه احنا قولنا ايه تعالي بقا نروح ونشوف رده فعلهم
ارتدت ملاك احدي الملابس التي اشترتها من المول وذهبوا الي البيت.
طرقت ملاك الباب لتري ردت فعل والديها فتحت لها فاطمه
فاطمه ايوه يا بنتي عايزه مين
ملاك ههه للدرجادي محدش عرفني
فاطمه پصدمه الصوت ده مش غريب عليا اوعي تكوني... ملاك !
ملاك اه شوفتي بنتك ايه رأيك بقا
فاطمه بسعادة الله أكبر بسم الله ماشاء الله قمر يا ناس
آتي الحاج محمد من الداخل فوجد فاطمه واقفه تتحدث مع أحد فذهب ليري
محمد مين يا فاطمه أهلا وسهلا يا بنتي عايزة مين
ملاك حتي انت يا بابا 
محمد مين ملاك 
فاطمه ههه انا كنت زيك كده يا حاج 
محمد بسم الله ما شاء الله ربنا يحفظك يا بنتي 
ملاك ههه دنا علي كده كنت عفريت العلبه
فاطمه فشړ بنتي قمر من زمان انتي بس الي كنتي مخبيه
دخلت ملاك الي غرفتهاوخلعت حجابها
ونظرت في المرآه وقالت في نفسها يا تري ماهي رده فعل فارس عندما يراها هل سيعجب بها هل سيحبها وحمدت ربها وشكرته علي ماهي عليه الآن
وذهبت لاخيها يوسف لتري رده فعله لبست حجابها و خرجت وتوجهت الي شقه يوسف دقت جرس الباب ففتح لها يوسف
قائلا ايوه حضرتك عايزه مين 
ملاك بضحك  للدرجادي حتي انت يا يوسف لا مش ممكن وحضرتك مره واحده
يوسف بزهول يخربيتك انتي ملاك مستحيل معرفتكيش ايه الجمال ده ليكي حق تخبيه
ملاك بمشاكسه ايه دا بتعكسني لا لا معرفش عنك كده أروح اقول لجنه
يوسف خلاص يختي انا غلطان إني عبرتك انا اخليني في جنتي
ملاك ايوه يا جو من لاقا احبابه اسيبك بقا سلام يا جو 
أما في لندن
بعد ذهاب فارس الي صديقه أحمد و اقامته معه ولقد تبدلت أحواله كثيرا
أصبح دائم السرحان يفكر بها كثيرا ويتعجب من نفسه كيف وهو لا يهمه إلا الشكل كيف هي خطفت قلبه وعقله أصبح ملتزم أكثر في صلاته ويعمل بجد لكي ينهي المشروع ليذهب إليها يريد النظر الي عينيها فهي تسحره اكتشف أنها ليست بهذا القبح هي جميله في زاتها آفاق من سرحانه
علي صديقه احمد مين الي واكل عقلك
فارس هي هي خطفته مش عارف مالي