حواديت الطب الشرعي .. حبيبه ياسر

يفتح منطقة الرمز لكن انا وقفته قبل ما ېلمس الچثة وقولت
لأ مش هينفع نفتحها بالمشرط
رجعت بصيتلها وقولت
طلع موبايلك
مدلي ايده بيه ففتحت الكاميرا وصورت الرمز دة اللي كان كل لحظة يبرز أكتر ويكبر على ضهرها
الوضع مريب صعب انا مدركة دة لكن أنا محتاجة أرمي الخۏف على جنب لازم أخلص الناس من أذى المارد حتى لو على حساب نفسي..
هتعملي ايه
كمل تشريح الحالة واديهم التقرير المطلوب وإياك تذكر الرمز اللي شوفناه ومتجربش تلمسه بالمشرط
كان هيعارض لكن قولت بمقاطعة
حاول تنفذ وبس أنت متعرفش انا شوفت وعيشت إيه أرجوك ساعدني!
أتنفس بهدوء وهو بيهز راسه بالموافقة سيبتله الموبايل بعد تحذيرات كتيرة من انه ميضيعش الصورة ورجعت على مكتبي كملت يومي وشغلي عادي كإن مفيش أي حاجة بتحصل لكن دماغي موقفتش تفكير هعمل ايه وهتصرف ازاي كل حاجة دلوقتي متوقفة عليا وعلى خطواتي الجاية يا العهد.. يا إما النهاية.
يومي انتهى في المستشفى ورجعت البيت كل اللي فضل معايا هو اللابتوب خدته وقعدت في مكتبة بابا كنت محتاجة لكتبه ومراجعه علشان أقدر أفسر اللي بيحصل دة..
يمكن أن تعبر الصورة عن وجود قوى أو كائنات خارقة تظهر من خلال دوامات الماء مثل الأرواح أو الكائنات الغامضة التي قد تظهر وتختفي في اللحظة التي لا نتوقعها أو تمثل الانجراف نحو شيء مظلم أو خطړ حيث تجذب الشخص أو الكائن إلى مركز الدوامة مما يرمز إلى الفوضى والدمار.
كنت بقرأ بصوت عالي مش مصدقة اللي بقرأه بفكر ايه علاقة المارد بالرمز وليه دايما جرايمه بتكون على البحر لكن قاطع تفكيري ظهور إعلان لموقع غريب على اللابتوب مكنتش ههتم لولا الجملة اللي مكتوبة عليه لا تبحث عن المعنى فكلاهما سيان
وتحتها بخط رفيع جدا أسرار قاع البحر كما لم تعرف من قبل
اتحركت بالسهم تجاه الموقع ومع ضغطتي عليه أتضغط على ضهري حسيت بإيد محاوطة رقبتي وبتخنقني نفسي أتكتم وحتى صوتي مش خارج من قوة الضغط على أحبالي الصوتية!
الدنيا ضلمت حواليا لدرجة اني قفلت عيوني من الړعب لكن ريحة التراب المبلول وصوت أمواج الماية وحركتي اللي كانت مقيدة جرأتني إني أفتح عيوني
كنت موجودة على شط مربوطة من كل حتة على كرسي أسود مليان ډم وقدامي البحر اللي بيتحول للون الأسود فجأة وبتظهر دوامة كبيرة في نصه بتبلع كل حاجة حواليا إلا أنا!
انا الوحيدة اللي قدرت أنجى من الدوامة شايفة چثث كتير بتتشد لتحت حتى كل الدلايل وكل الأدوات اللي كانت في ايدي واختفت فجأة كإنه بيقولي مش هتعرفي توصلي لحاجة أنت أضعف من انك تقفي قدامي
الدوامة بدأت تقوى أكتر والبحر علي جدا اثر قوتها غمضت عيني وانا ببكي زي الأطفال حاسة ان الماية بتقرب مني وحتى الډم اللي على الكرسي والحبل ومع أول نفس دخل لصدري كل حاجة رجعت زي الأول شهقت شهقة كبيرة كإني فارقت الحياة لثواني ورجعت مرة تانية جسمي كان متغرق ماية وايديا عليها آثار الحبل پالدم بدأت اهدي من نفسي بصيت حواليا علشان اتأكد ان كل حاجة أختفت قعدت في كورنر بعيد وعيطت وقتها عياط عمري ما عيطته قبل كدة..
كنت ضامة رجلي في حضڼي وډافنة راسي فيها وصوت بكايا مسيطر على الأجواء مع صوت مطر خفيف في الخلفية 
وكوني عايشة لوحدي معناه ان مفيش حد الجأله علشان يطمني
ويدفيني دلوقتي..
دكتور مريم افتحي أرجوك
كان صوت دكتور شريف خارج من اللابتوب جريت على المكتب وفتحت الشات أكتر من عشر مسدجات بيقولي فيهم انه وصل لخبير
آثار ووراه الصورة وقاله انه عارف عنها حاجة لكن مش هيقدر يقولهاله في الموبايل وطلب اننا نتقابل عند البحر
معرفش ليه طلب اننا نتقابل هناك لكن أكيد تفسيره هيساعدنا
خدت حاجتي وروحت المكان ومعايا كل حاجة قدرت اوصلها عن الرمز دة
بوابة كونية
رد عليا الدكتور فريد خبير الآثار اللي جابه دكتور شريف بعد ما هز راسه بمعنى آه وقال
رمز الموجة في بعض الأساطير بيعبر عن أبواب بتؤدي لعوالم التانية أو مثلا مخاطر موجودة في اعماق الماية حتى انه بيتقال ان اللي بيتسحب في الدوامات دي بيختفي للأبد زي الأسطورة النوردية اللي بتعتقد إن المحاربين اللي بيموتوا بيتسحبوا لقاع البحر علشان يعيشوا في عوالم مظلمة والأسطورة الإسكندنافية أسطورة الدوامة السوداء ودي بتقول ان الدوامة هي بوابة للعالم السفلي في قاع البحر وبتسحب كل اللي يأذي حراسها المردة
كنت بسمع الكلام ومفيش في بالي غير الأحداث اللي حصلت في الفترة الاخيرة كل حاجة كانت بتوضح واحدة واحدة وبعد ما حكيتله كل اللي مريت بيه قالي تفسيره الشخصي للأحداث
المارد نزل الأرض علشان يفتح بوابة والبوابة دي مكانتش هتتفتح إلا بدم واحد غلبان وملوش في الدنيا حد بېخاف حتى من ضله والاختيار وقع عليكي أنت بعد ما حاول يدور أكتر من مرة من أول چثة جاتلك غرقانة من شهرين لحد الست اللي حاولت تصوره على الشط واستفزته بتصرفها وبسبب انك خۏفتي يوم ما چثة المارد الوهمية جاتلك المشرحة المارد أصر عليكي أصرار غريب لدرجة إن مراد لما عرف دة قرر يفديكي بدمه وبدل ما يفتحوها بدمك فتحوها بدم مراد لكن تصرفاتك وشجاعتك ضد المارد وعالمه خلته يحطك في دماغه أكتر ويفضل يطاردك في الأحلام والحقيقة كمان
بلعت ريقي بصعوبة نفسي كان بيزيد غمضت عيني في محاولة اني أهدي نفسي لكن كل ما أغمضها أسمع صوت الموجه اللي بالنسبالي بقى صوت مرعب متحملش اني أسمعه لكن الصوت كان بيزيد بيعلى واحدة واحدة حسيت ان الدنيا ضلمت ففتحت عيوني پخوف لقيت الدكتور فريد والدكتور شريف بيتسحبوا للموجة البحر كان عالي زي اللي حصل الصبح بالظبط لونه أسود والدنيا مغيمة بشكل يرعب كنت براقب من بعيد لأول مرة محسش اني مخڼوقة مش خاېفة بصيتلها بابتسامة غمضت عيني واتنفست بهدوء نظراتي كان كلها ثقة الابتسامة اتحولت لضحك وصوت الضحك بدأ يعلى المارد قدامي كل الچثث بتطير وتتشد للموجة وانا واقفة ثابتة في الأرض
وقفت ضحك وثبت عيوني في عيون المارد الجاحظة ووقتها كشفت عن ضهري وظهرت العلامة منورة وبارزة علامة الموجة..
تمت.
ل حبيبة ياسر ديدا
حواديت الطب الشرعي.