روايه بقلم مها العيسوي

قاعد بيخلص شغل قعدت قصاده وبصتله قوى بدر 
بدر وهو عنيه لسه فى الورق نعم ياحبيبتى
مريم احنا نسينا حاجه مهمه قوى 
بدر بصلها باهتمام حاجة ايه !! 
مريم احنا مقلناش لخالتى وللحاج صالح انى حامل واكيد هيزعلوا قوى 
بدر برق ياخبر ابيض دانا اتلبخت فى تعبك ونسيت خالص 
مريم طيب هنعمل ايه نسافر
بدر بسرعه لا طبعا السفر خطړ عليكى فى الاول انا هتصل بيهم ونقول اننا لسه عارفين انهارده علشان مايزعلوش
اتصل بدر على سعديه وفتح الاسبيكر الو كيفك ياست الكل 
سعديه بفرحه بدر ياجلب امك اتوحشتك جوى اكده ياولدى متسالوش عنى كل ديه 
بدر معلش ياحاچه والله ڠصب عننا مريم كانت تعبانه جوى 
سعديه پخوف مالها فيها ايه عملت فيها ايه جول يواد 
بدر برق عملت فيها ايه !! فى ايه ياحاچه هو انى مفترى للدرچادى
سعديه ادينى البنيه اطمن عليها واعرف منيها عملت ايه فيها 
بدر بص لمريم الى عماله تضحك وقرب التليفون منها 
ايوا ياخالتى كيفك ياحبيبتى 
سعديه بلهفه كيفك انتى ياجلبى مالك بدر زعلك صوح 
مريم بكسوف لا ياخالتى انى بس تعبت شويه ولما كشفت طلعت 
سكتت مريم واتكسفت تكمل طلعتى ايه يابتى طمنيني 
كمل بدر وهو مبتسم من كسوفها طلعت حامل ياحاچه 
سعديه الفرحه صډمتها واه جولت ايه يابدر مريم حبله 
مريم ايوا ياخالتى 
سعديه ياالف بركه يابتى الف بركه رابنا يتمملك على خير 
مريم الله يبارك فيكى ياخالتى ربنا يخليكى ليا 
سعديه بهزار على اكده الحاچات الى انى چبتها ونصايحى چابت نتيچه زينه جوى معاكى 
خطفت مريم التليفون وقفلت الاسبيكر ووشها بقى كله احمر بصلها بدر بنص عين خلها تتوتر زياده 
سعديه كملت كلامها بجى اكده ماتفرحيش جلب خالتك وتجوليلى انه تمم چوازكم 
مريم بصت لبدر واتكلمت بتوتر معلش ياخالتى متزعليش انى هحكيلك بعدين مش هينفع دلوقيت 
ضحك بدر بصوته كله لما سمعها قلبت صعيدى بصتله مريم بغيظ وكملت كلامها مع سعديه انى كنت عايزه اچى البلد ابلغك بنفسى بس بدر جالى مش هينفع فى الاول سفر
سعديه بسرعه لاه اوعاكى تاچى وعايزاكى ترتاحى خالص متتعبيش نفسك فى البيت كفايه عليكى يونس وجولى لبدر كمانى مايجربش منيكى الايام ديه سمعانى
مريم خلاص وشها بيطلع ڼار واه مالك ياخالتى النيهارده 
ضحكت سعديه اتكسفت ياجلب خالتك طيب ادينى بدر وانا اجوله 
مريم لا خلاص متجوليش حاچه خدى بدر كلميه وانى هبجى اكلمك تانى 
قامت مريم و اديته التليفون اخده بدر وهو بيضحك ايوا ياحاچه ابوى كيفه
سعديه زين ياولدى ربنا يباركلك فى عيالك ويطرح البركه
فيهم 
بدر ربنا يخليكى لينا ياما هو ابوى مش عيندكى
سعديه لا ياولدى لسه مرچعش معرفاش بجى بيتاخر الايام ديه ليه 
بدر بهزار اوعى يكون اتچوز عليكى ومخبى
سعديه يجدر دانى كنت طخيته بالفرفر 
ضحك بدر خلاص ياحاچه انى هبجى اتصل بيه تانى خدى بالك من نفسك 
سعديه خالى بالك من مريم ياولدى دى لساته صغيره متعرفش حاچه عن الحمل ولو احتچت حاچه اتصل بيا 
بدر ماشى ياحاچه مع السلامه 
قفل بدر معاها وبص لمريم الى بتهرب من عنيه ومركزه مع يونس قرب منها وهو بيكلم قوليلى يامريم قصدها ايه امى بالنصايح الى جابت فايده دى 
مريم اتوتر بزياده هاا معرفاش 
بدر قرب اكتر وبدا يغيظها وهى فضلت وقفه مكانها حضنه يونس بقى كنتى بتعملى خطط عليا علشان توقعينى فى حبك وانا اقول مالى وقعت على بوزى فيها كده ليه 
بصتله مريم بغيظ ليه انشاء الله روحت عملتلك عمل مانت الى حبتنى لوحدك 
حضنها بدر اه اكيد عملتيلى عمل وانا اقول هو انا مالى كل يوم احبها اكتر ليه يبقى اكيد عملالى العمل على رجل جمل 
ضحكت مريم قوى اشمعنى رجل الجمل !! 
بدر علشان كل ما الجمل يجرى انا احبك اكتر واكتر 
بصتله مريم بحب والله محدش عارف مين فينا الى معمله عمل يحب التانى اكتر
بدر غمزلها وزود فى حضنه ليها مش هتيجى تنفزى نصايح خالتك علشان تحفظى على جوزك
ابتسمت مريم هو انت متعرفش ماهى لسه نصحانى انى ابعد عنك علشان الحمل وقالتلى اوعى يضحك عليكى وتضعفى قدام عنيه الخضرا يالا ياحبيبى كمل شغلك انا راحه انيم يونس وانام جنبه سلام 
مشيت مريم وهى بتضحك وبدر واقف مكانه بيبصلها بغيظ ماشى يامريم ابقى خالى خالتك تنفعك
فى بيت الدهاشنه دخل الحاج صالح وهو فرحان بعد ماعرف الى حصل لجابر لقى سعديه قاعده قرب منها سلام عليكم كيفك ياسعديه 
سعديه انى زينه جوى الحمد لله انت الى كيفك
صالح الحمد لله 
سعديه مالك شيفاك فرحان هو بدر حددك
صالح لا بس هتفرحى انتى كمانى لما تعرفى الخبر الى عيندى 
سعديه خبر ايه 
صالح چابر ماټ 
سعديه واه كيف اوعاك تكون جتلته
صالح ليه شيفانى مچرم جصادك ..چابر ماټ بيد الحكومه 
سعديه كيف ديه 
حكالها صالح كل حاجه بصتله وعنيها دمعت رابنا يمهل ولا يهمل 
صالح يالا اهو اخد چزاته بس مجولتليش بتسالى على بدر ليه 
مسحت سعديه دموعها اصل حددنى وجالى ان مريم حبله
صالح بفرحه واه حبله صوح 
سعديه ايوا لساتها فى اول شهر 
صالح ماشاء الله رابنا يبارك ويتمملها على خير 
سعديه اللهم امين 
بعد اسبوعين محصلش فيهم حاجه غير حسيبه الى دفنت جابر لوحدها بعد مافقدت الامل انها توصل لعمار الا اختفى بعد حواره مع بيرى
فى فيلا العدلى وصلت تالا مع جاسر بعد ماخلصوا شهر العسل دخلت تالا تجرى على هنا الى خدتها فى حضنها وحشتينى قوى ياماما 
هنا وانتى كمان وحشتينى قوى ياروح ماما 
راحت لسليم حمد الله على السلامه ياحبيبتى 
تالا الله يسلمك يابابا وحشتنى قوى 
سليم انتى اكتر والله 
جاسر واقف مربع ايده وباصص عليهم مستنى حد يعبره فى ايه ياجماعه هو انا هوا ولا ايه 
ضحكوا كلهم وقرب سليم منه معلش يابنى سامحنى حمدالله على السلامه
ابتسم جاسر الله يسلمك ياعمى 
قربت هنا معلش ياجاسر اصلها وحشتنى قوى 
جاسر ولا يهمك ياطنط 
سليم المهم اطلعوا ارتاحوا شويه وبعدها تحكولنا روحتوا فين 
وعملتوا ايه 
اخد جاسر تالا وطلعوا السلم وهما طالعين قابلوا بيرى نازله قربت منها تالا حضنتها بيرى حبيبتى وحشتينى قوى 
بيرى حضنتها ببرود وعنيها على جاسر واتكلمت بدلع وانتى كمان وحشتنى اخبارك ايه 
بعدت عنها تالا الحمد لله 
بصت بيرى لجاسر اذيك ياجاسر وحشتنا 
جاسر حس بضيق بس مابينش الحمد لله شكرا 
ابتسمت بيرى انتوا طالعين تناموا ولا ايه 
تالا لا ابدا هنريح شويه وننزل على الغدا 
بيرى ولسه عنيها على جاسر تمام اشوفكم على الغدا باى 
نزلت بيرى وتالا اخدت جاسر وطلعوا وصلوا الاوضه بصت تالا لجاسر وقربت منه مالك ياحبيبى 
جاسر هاا لا ابدا مافيش حاجه 
تالا لا ازاى وشك اتغير فجاه 
جاسر ولا حاجه انا بس تعبان محتاج اخد شاور واريح شويه وهبقى كويس
تالا طيب ادخل انت وانا هطلعلك حاجه تلبسها 
دخل جاسر الحمام وهو مخڼوق وبيكلم نفسه ربنا يعدى الى جاى فى البيت ده على خير
بعد شويه خرج جاسر وهو لفف حوليه فوطه لاقى تالا واقفه محتاره قصاد اوضة اللبس ولبسه قميص قصير كاب قرب منها جاسر وحضنها من ضهرها الجميل واقف حيران كده ليه فين هدومى 
تالا بقالى ساعه مش عارفه اجبلك ايه تلبسه 
جاسر اتكلم بهمس ومحتاره ليه انا مش عايز البس حاجه 
تالا ابتسمت ولفتله ليه انت ناوى تنزل بالفوطه دى ولا ايه 
قرب جاسر باسها بالرحه ومين قال اننا نازلين دلوقت لسه بدرى على الغدا اكون انا حليت بيكى 
ضحكت تالا الناس كلها بتحلى بعد الاكل وانت بتحلى قبل الاكل 
جاسر علشان نفسى تتفتح للاكل لازم قبلها اتحلى ومش اى تحليه 
قرب منها مره واحده واخد شفايفها بين شفايفه بعشق وخوف بعد دقايق بعد عنها وبص لعنيها بحب تالا انا بحبك ومافيش اى حاجه فى الدنيا ممكن تبعدنى عنك وعايزك توعدينى ان مافيش حاجه تبعدك عندى ابدا 
تالا بسته بالراحه ابعد عنك ازاى وانا من غيرك مقدرش اتنفس ولا اعيش لانك نبض قلبى 
جاسر قرب منها تانى وخدها فى دنيا تانيه مافيش حد غيرهم
عند حمزه كانت بسمه بتكلم سعديه لما دخل عليها حمزه لقاها بتصرخ جرى عليها بفزع بس وقف فجاه مسهم لما سمعها بتكمل كلامها وهى وقفه تتنطط من الفرحه 
انى فرحانه جوى ياما مش مصدجه ان اخيرا عاشوا مع بعضهم كيف الخلج وهيخلفوا كمانى 
سعديه يابت صرعتنى بتصوتى اكده ليه هو انتى تزعلى تصوتى تفرحى تصوتى 
بسمه اباه مالك ياحاچه فراحانه لاخوى بلاش يعنى 
سعديه لا ياختى روحى افرحى باعيد عن ودنى الى طارشتيها 
بسمه بسعاده ماشى ياما يالا سلام 
قفلت بسمه معاها ولفت لقت حمزه واقف قصادها ووشه باين عليه الغيظ قربت منه وهى بترمش بعنيها زى الاطفال مالك ياحبيبى انت واجف اكده ليه 
حمزه تعرفى يابسمه انى موتى على يدك وديه حاچه انى متاكد منها 
بسمه بسرعه بعد الشړ عنيك ليه بتجول اكده 
حمزه انتى بتسالى !!! ممكن اعرف انتى كنتى بتصوتى ليه 
بسمه بصتله بسعاده اصل امى جالتلى ان مريم حبله 
حمزه وهو ديه خبر يخليكى تصوتى وتخلعينى عليكى 
قربت منه وهى بتضغط على شفايفها بسنانها انى اسفه ياجلب بسمه بس اصل انى لما بفرح جوى مابحسش بنفسى وتلاجينى بصوت 
قرب حمزه منها وعنيه على شفايفها طيب انى دلوقيت ليا عنديكى حج 
ابتسمت وقربت منه حج ايه ديه انشاء الله 
حمزه حج خلعتى عليكى 
بسمه وده عايزه ايه بجى 
قرب حمزه منها وشالها تعالى وانى اجولك هاخده منيكى كيف
تانى يوم عند حسيبه كانت قاعده دموعها مانشفتش على جوزها وابنها الى اختفها ومش عارفه عنه حاجه بقاله كتير 
تليفونها رن برقم غريب ردتت عليه بسرعه ايوا مين 
عمار ايوا ياما كيفك
ردت حسيبه بلهفه ودموع عمار انت فين ياولدى وسايبنى لحالى 
عمار مالك ياما فيكى ايه بتبكى ليه عاد ابوى عمل فيكى حاچه
حسيبه ابوك
ماټ ياعمار 
عمار الصدمه لجمته ماټ!!!!! 
حسيبه ايوا ياولدى من سبوعين 
عمار بصوت عالى بتجولى ااااايه سبوعين كيف ماټ كيف 
حسيبه اتجتل ياعمار الحكومه جتلته وهو بيهرب بعد ماتجبض عليه ومعاه اثار 
عمار والحكومه وصلتله كيف ماهو بجاله سنين شغال اكده 
حسيبه بغل مافيش غيره اكيد هو الى بلغ عنيه 
عمار هو مين 
حسيبه صالح الكلب هو مارته مافيش غيرهم يعرفه 
عمار اجفلى ياما وانى هعرف كل حاچه ولو ليهم يد جسما بالله لهحرج قلبهم كلهم 
حسيبه پخوف لا ياعمار ابوس يدك مالكش صالح تعالى ياولدى انى معتش ليا غيرك 
عمار هاجى ياما هاجى مټخافيش سلام
قفل عمار معاها واتصل على بيرى الو 
بيرى ايه دا انت اخير ا ظهرت كنت فين 
عمار مش وجت الحديد ديه عايز منك خدمه 
بيرى مش لما اقولك البقاء لله الاول 
عمار برق انتى عارفه 
ضحكت بيرى اكيد طبعا 
عمار اوعاكى تكونى انتى الى 
بيرى بسرعه متكملش انى ماليش دعوه الى بلغ عن ابوك صالح ابوا بدر مش انا 
عمار انتى متاكده 
بيرى بثقه عيب عليك انا قولتلك قبل كده ان ليا عيون فى كل حته 
عمار بغل انى محتاج اشوفك ضرورى 
بيرى اوكى امتى 
عمار بكره الصبح فى مكانا 
بيرى تمام هستناك باى
تانى يوم فى فيلا