روايه بقلم مها العيسوي

طولى على نچاة 
عمار وحمزه قربوا من الحاج صالح لما حسوا انه تعبان حمزه قعد جنبه انت بخير ياحاچ 
صالح بحزن من نفسه الحمد لله ياولدى ..الحمد لله على كل شئ
عمار جوم ياعمى اروحك تريح انت شكلك تعبان جوى 
قام صالح ومسك ايد عمار لا ياوادى ويدنى الچامع اصلى العشا 
عمار حاضر ياعمى 
حمزه انا هجى معاكم اصلى العشا
صالح معلش ياوادى خليك اهنه متفتهمش لحالهم وصلى فى چامع المركز
حمزه حاضر ياحاچ
فى فيلا العادلى كانت بيرى فى اوضتها لما تليفونها رن مسكته بلهفه الو عملت ايه 
المتصل مش عارف اعمل الى قولتى عليه 
بيرى بعصبيه يعنى ايه مش عارف انا اديتك متين الف جنيه علشان تنفز الى طلبتوا منك واظن دى حاجه مش غريبه عليك تعملها 
المتصل الحكايه مش كده المشكله ان ح
قاطعته بيرى بنرفزه انا ماليش دعوه بالحكايه ولا الروايه الى طلبته يتنفذ احسنلك انت سامع 
قفلت السكه وهى مټعصبه رمت التليفون على السرير وقربت من دولابها وطلعت صندوق فضى اخدته وقعده على الارض فتحته وطلعت منه صور كتير ليها مع امها وابوها كانت لسه صغيره والفرحه باينه عليهم التلاته غمضت عنيها ودموعها نزلت ورجعت بذاكرتها خمس سنين
فلاش باك 
دخلت بيرى على مامتها الى بقالها فتره متغيره وعلى طول قافله على نفسها قعدت جنبها ومسكت ايدها باستها مالك ياحبيبتى فيكى ايه بقالك كام يوم مش بتنزلى من اوضك خالص انا زعلتك فى حاجه 
سهيله باصتلها قوى وسكتت بيرى فضلت تحاول معاها بس سهيله متكلمتش خالص عدى كام يوم وسهيله على نفس الحاله ولما فقدت الامل ان امها تقولها مالها راحت لسليم مكتبه يمكن يكون عنده جواب صباح الخير يابابا
سليم تعالى يابيرى عامله ايه 
بيرى مش كويسه يابابا
سليم قام من على المكتب ولف ليها ليه ياحبيبتى مالك 
بيرى بزعل ماما مالها يابابا بقالها فتره متغيره 
سليم اتوتر مش عارف يابيرى مالها انا حاولت اتكلم معاها بس هى متكلمتش 
بيرى پخوف طيب احنا هنسبها كده 
سليم اعمل ايه يابنتى انا هشوفلها دكتور نفسى يمكن تكون اعصابها تعبانه 
بيرى قامت تمام انا هروح احاول اتكلم معها يمكن المرادى تكلمنى 
سليم طيب استنى انا هروح معاكى 
وصلوا البيت وطلعوا لاوضه سهيله ويادوب فتحوا الباب وقفوا اتصدموا من الى شافوه 
سهيله مرميه على الارض وايديها الاتنين غرقانين ډم دخلت بيرى تجرى عليها وهى بتصوت مامااااا ردى عليا عملتى فى نفسك كده ليه اتصل بالاسعاف بسرعه يابابااااا
سليم اتصل بالاسعاف وبعد ماقفل قرب منها ببرود وجس نبضها ملقاش فى نبض خالص غمض عنيه بحزن على بنته الى صوتت لااااااا ماما عايشه اتصل بالاسعاف تانى نلحقها بسررررعه 
سليم نزل حضڼ بنته اهدى ياحبيبتى انا اتصلت بالاسعاف بس هى خلاص نبضها وقف 
بيرى زقته ابعدى عنى ماما عايشه انت عايزها ټموت ليه 
قربت من امها تحاول توقف الډم من ايدها لفت نظرها ورقه جنبها مسكتها كانت كلها ډم فتحتها وعنيها برقت من الى قريته 
بيرى حبيبتى سامحينى انى سيبتك بس مش قادره استحمل اكتر من كده 
ابوكى بيخونى يابيرى مش مره ولا اتنين بقاله سنين بيخونى وانا مستحمله علشانك بس خلاص تعبت سامحينى يابنتى سامحينى 
كملت بيرى الجواب وهى مصدومه امها اڼتحرت وابوها السبب قامت بزهول وقربت من ابوها ورفعت الجواب قدام وشه 
انت فعلا خنتها طب ليه!! خنتها ليه!!! انت السبب انت الى قټلتها !!!
وكملت بصويت انت الى قتلتهااااا 
سليم مسكها بيحاول يهديها معرفش لحد ما وقعدت فقدت الوعى والاسعاف اجى اخدها واخد سهيله الى فارقت الحياه
باك
بيرى بدموع وفى ايدها صوره لسهيله سيبتينى ليه كنتى اتطلقتى وبعدنا عنه بدال ماتموتى نفسك مافكرتيش فيا هعمل ايه من بعدك !!! يارب تكونى مبسوطه دلوقت وانا ضايعه وبموت فى اليوم مېت مره وانا ماشيه اتخبط فى الدنيا زى الاعمى 
غمضت عنيها ونامت على الارض مكانها وحزن الدنيا اتجمع فى قلبها !!
وصل بدر البيت واول مادخل قربت منه سعديه بسرعه طمنى ياولدى كيفها نچاة 
بدر بصلها قوى انتى كنتى خابره بمرض نچاة ياحاچه
سعديه بصتله بزهول مرض ايه ياولدى كفالله الشړ 
بدر من لهفة امه اتاكد انها مكانتش تعرف نچاة ياحاچه عنديها مرض فى الجلب ومكانش المفروض انها تخلف واصل
خبطت سعديه على صدرها بخضه يامورى مرض فى الجلب من مېته الحديد ديه
بدر بجلها سنتين ياحاچه بس كيف ابوى يبجى خابر وانتى لا 
سعديه بتفكير ايوه ايوه من فتره كابيره تعيبت شوى وايامها انى كمان كنت تعبانه ومريم كانت فى چمعيتها وانت فى شغلك ابوك اخديها كشف عليها ولما رچعوا جلولى ان معندهاش حاچه وانه برد فى كتفها وصادرها 
بدر برد !!! ابوى كان خابر كل حاچه بس نچاة حلفتوا مايقول لان ايامها الدكتور جالها ان الخلفه خطړ عليها 
سعديه قعدت وهى مسهمه ودموعها نازله ميشان اكده كان مصمم يچوزك عليها وانى كنت مفكراه عايز يعمل اكده ميشان اتاخرت فى الخلفه
بدر لما سمعته بيجولى اتچوز خاڤت وجالت تخلف هى بدال مايچبولى دره وادى النتيچه 
سعديه دموعها نزلت اكتر الله يسامحك ياحاچ وهى كيفها ياولدى دلوقيت 
بدر قعد بتعب بجيت زينه الحمد لله بس ازاى ياحاچه ماتعرفيش انها مرضانه انتى عايشه معاها طول الوجت 
سعديه ياولدى نچاة عمرها ماشتكت من حاچه ولا بان عليها ايوتها تعب حتى لما جولتها تعالى نروح المركز تشوف الحبل متاخر ليه مرديتش وجالتلى انها هتروح مع مريم لما ترچع والله ياولدى انا مجصرت معاها واصل 
بدر قرب منها لما دموعها زادت من احساسها بالذنب وخۏفها على نجاة خلاص ياما عاد بطلى بكى هى بجيت زينه الحمد لله 
سعديه انى زعلانه من حالى انى جصرت معاها اجول لخيتى ايه لما اجبلها وهى موصيانى عليهم جبل ماتموت 
بدر ابتسم وباس ايديها جوليها انى حطتهم فى عينى وكانوا اكتر من بناتى !! انتى عمرك ماجصرتى ياحاچه بالعكس انتى عملتيهم زين جوى وربتيهم احسنها تربيه 
سعديه طبطبت على خده الله يرضى عنيك ياولدى ويچبر بخاطرك ويخليلك ولدك ومارتك 
بدر اه صوح وينه يونس 
سعديه قامت هدخل اجيبه من چوه منيماه عيندى 
دخلت جابته وطلعت سبحان الخالج كانه انت وانت صاغير يابدر
بدر اخده منها وباس دماغه عچبك اسم يونس ياما 
سعديه ابتسمت جوى حوى ياولدى ربنا يخليه وتشوفه راچل زييك 
بدر اللهم امين
فى المستشفى كانت مريم قاعده جنب اختها ودموعها نازله بصتلها نجاة وابتسمت بتبكى ليه دلوقيت عاد
مريم بصوت متقطع من كتر العياط خۏفت عليكى ياخيتى جلبى كان بيتجطع من الخۏف 
نجاة متاخفيش انا بجيت زينه اهو عاد بطلى بكى بجى وبعدين انتى سايبه يونس وجعده اهنه ليه 
مريم برقتلها اباه انتى عايزانى اجعد فى الدار واسيبك لحالك من غير مااطمن عليكى 
نجاة انتى يابت مبتكلميش كيف المصاروه ليه مش انى جولتلك اتكلمى معايا كيفهم ميشان اتعلم منيكى
ضحكت مريم وعايزه تتكلمى زى المصريين ليه بقى مالها لهجتنا 
نجاة بتعب ايوه اكده كويس !! عايزه ابجى جدام بدر متعمله وفاهمه كل حاچه 
مريم مسكت ايديها ياحبيبتى انتى احسن واحده فى الدنيا كلها كفايه طيبت
قلبك وحنيتك وبعدين استنى هنا صحيح انتى ازاى تبقى تعبانه وتخبى عليا انا مش عايزه اتكلم علشان انتى تعبانه لكن حسابنا لما تطلعى بالسلامه
نجاة اجولك ايه بس يامريم انى زينه اهو 
مريم بنرفزه زينه كيف ياعنى وانتى كنتى هتروحى منى عاد 
نجاة يوووه رجعتى تانى لللهجه الصاعيدى 
مريم ابتسمت ماهو انتى الى بتنرفزينى وانتى عارفه لما بتنرفز العرق الصعيدى بيطلع منى
الباب خبط ودخلت ممرضه مساء الخير معلش كفايه كده على المريضه علشان تستريح 
مريم بصتلها باستغراب انتى. مش من هنا ولا ايه 
الممرضه احمم لا انا جايه تدريب هنا وهرجع مصر تانى 
مريم طيب انا ممكن افضل هنا ومش هعمل صوت خالص 
ولا هكلمها 
نجاة ابتسمت روحى ارتاحى يامريم وابجى تعالى بكره 
قامت مريم ڠصب عنها قربت باست اختها انا قعده بره مش همشى
نجاة ابتسمت ماشى ياحبيبتى 
يادوب وصلت مريم للباب نجاة نادت عليها مريم خلى بالك من يونس 
مريم بصتلها وابتسمت حاضر فى عنيا 
خرجت مريم والممرضه عطت نجاة العلاج وخرجت 
بعد عشر دقايق وصل بدر بيونس كانت مريم قعده لوحدها انتى لحالك ليه امال ابوى فين والباجى
مريم راحوا يصلوا العشا وبسمه تعبت شوى اخدها حمزه ترتاح بالعافيه
بدر بخضهايه فيها ايه 
مريم ماتخافش هى بس مكلتش بجالها كاتير وانت عارف الحمل فى الاول محتاچ غذى
هز بدر دماغه رابنا معاها و نچاة كيفها 
مريم الحمد لله انى كنت جاعده معاها بس الممرضه خرچتنى ميشان ترتاح 
بدر تمام انا داخل اطمن عليها 
دخل بدر لنجاة وقعد جنبها نچاة جبتلك يونس اهو 
قرب عليها كانت نايمه فتحت عنيها وابتسمت بضعف قرب يونس وحطه فى حضنها بصتله بحب ياجلب امك اتوحشتك جوى جوى كان نفسى اخدت على صادرى وارضعك بس الداكتور مانعنى ميشان العلاچ 
بدر معلش بكره تبجى زينه ورضعيه ولعبيه براحتك 
قربت يونس من حضنها قوى وغمضت عنيها ودمعه نزلت منها ياريت يابدر 
بدر قلبه اتقبض ليه البكى ديه انتى بقيتى زينه وكلها يومين وتعاودى الدار معايا 
نجاة انشاء الله يابدر انشاء الله!!! بس امانه عليك لو مرچعتش خليى بالك من يونس جوى كابره وعالمه زييك ومريم كمان خلى بالك عليها حتى بعد ماتتچوز 
بدر ليه الحديد ديه انتى هتخرچى من اهنه وهتچوزى مريم وتچوزى يونس كمان 
نجاة انشاء الله يالا روح ارتاح وخد مريم معاك وابجى تعالا بكره 
بدر ابتسم انتى بتكرشينى زهجتى منى خلاص
نجاة بصتله قوى انا عمرى مازهج منك واصل بس انت شكلك تعبان جوى ومريم كمان ومتخافش لو احتجت حاچه هبعتلك تاچى 
بدر طيب خلينى جاعد معاكى شوى انتى مستعجله ليه 
نجاة بتعب انى كمان عايزه انام هبابه شكل العلاچ بينيم 
بدر بقله حيله خلاص انى هجعد بره واروح مريم عبال ماتنامى شوي
نجاة لا يابدر ميشان خاطرى روح ارتاح وخد مريم ويونس 
بدر امرى لله هاتى يونس
قرب ياخد يونس لقى نجاة ماسكه فيه قوى اخدته فى حضها قوى وفضلت تبوس فيه وبعدها عطته لبدر 
بدر لو احتاچتى اى حاچه ابعتيلى طوالى اتفجنا
نجاة حاضر
لف بدر ولسه هيطلع من الاوضه نادت عليه بدر 
نعم محتاچه حاچه
نجاة لا بس كنت عايزه اجولك انى بحبك جوى جوى وهتتوحشنى انت ويونس ومريم جوى
بدر ابتسم وانا كمان بحبك جوى 
نجاة صوح يابدر 
بدر صوح ياجلب بدر 
خرج بدر ونجاة غمضت عنيها نامت طلع بدر لمريم اخدها وروح بعد ما اقنعها ان نجاة هى الى حلفته يروحوا يرتاحوا
فى بيت الزينى كانت حسيبه قعده ماسكه تليفونها وبتتكلم فيه بعصبيه انتى لساتك مخلصتيش عاد 
المتصله لا لسه بس هانت ياست حسيبه
حسيبه بغل جسما بالله لو ماعملتى الى جولت عليه الليله لكون مخلصه عليكى سمعانى يابت 
المتصله حاضر حاضر ياست 
قفلت حسيبه وقرب منها جابر وراكى ايه ياحسيبه 
حسيبه بتوتر يعنى ايه وراكى ايه ديه !!
جابر يعنى بتخططى لايه يابت