روايه بقلم مها العيسوي

ومابقتش بنتى الى ربتها بايدى
طلعت تالا بعد ماسليم شاورلها على اوضتها خبطت ودخلت ممكن نكلم شويه 
بيرى بصتلها باستغراب اتفضلى 
تالا قعدت قصادها وابتسمت بود انا عارفه انك مش مستوعبه ان يبقى ليكى اخت فاجأه بدون اى مقدمات انا كمان لقيت ان ليا اب واخت وانا عشت طول عمرى فاكره انى يتيمه الاب انا حاسه بيكى قوى وبوجعك علشان كده كل الى بطلبه منك نقرب من بعد ونبقى اصحاب 
بيرى بصتلها وهزت راسها باه قامت تالا حضنتها وهو فرحانه وسابتها وخرجت بصت بيرى على الباب بغل فاكره لما تيجى تتسهوكى بكلمتين انا كده هقبلكم فى حياتى عادى مستحيل اخليكم مكان الى كنتوا السبب فى مۏتها بس الصبر !!! وانا هخليكم تكرهوا اليوم الى رجعتوا فيه مصر
تانى يوم دخل بدر بعد الشغل ومعاه صندوق كبير لونه اسود وعليه فيونكه حمرا كبيره نده على مريم الى خرجت من المطبخ مستغربه بدر جيت بدرى يعنى 
بدر اصل سليم بيه عامل حافله انهارده وعازم الشركه كل واحد ومراته فطلعت بدرى شويه وجبتلك ده علشان تحضرى معايا 
مد ايده بالصندوق ليها اخدته وهى مسهمه فتحته وطلعت الفستان الى فيه واول ماشفته شهقت من جماله بصت لبدر بفرحه ده ليا 
بدر بهزار لا جايبه لام ربيع 
ضحكت مريم ضحتها الجميله الى خلت بدر سرح فيها وقلبه فضل يدق بس فاق وعڼف نفسه كالعاده عايزك كمان ساعه تجهزى نفسك هتلاقى مع الفستان كل حاجه ممكن تحتاجيها ولو ناقصك حاجه قوليلى 
ابتسمت مريم واخدت الفستان دخلته الاوضه وهى فرحانه وخرجت تجهز الغدا
بعد ساعه خلص بدر وجهز وكان شكله يخطف القلب فى بدلته السودا الى مبينه وسمته خبط على مريم واستناها تطلع اول لما فتحت الباب فضل مسهم كانت زى القمر والفستان عليها تحفه كانت زى الملايكه بصلها من
فوق لتحت كان قلبه عمال يدق زى طبلة الايقاع وقف بنظره علي الفستان وهو ندمان على اختياره 
مريم لما طال سكوته بصتله بزعل هو الفستان وحش عليا ولا ايه 
اتنهد بدر هو مش عايز يزعلها لا بالعكس حلو قوى عليكى ماكنتش متخيل انه هيبقى كده بس طلع ضيق والطرحه مش مغطيه الصدر كويس 
بصتله بزهول ووشها احمر اتكلمت باحراج لا يابدر الطرحه مش مبينه حاجه وكمان كان معاه قطعه بتتلبس تحت تدارى الصدر 
بدر مش عايز حد يشوفها كده وحس انه مضايق بس سال نفسه مالك يابدر فيك ايه انت غيران عليها كده ليه اوعى تكون حبتها 
رد على نفسه بعند لا حب ايه انا عادى وهسبتلك كمان 
بص لمريم وقاله يالا بينا ننزل
فى الحفله 
الكل اتجمع فى جنينة الفيلا الى كانت احلى من افخم القاعات طلع سليم وجنبه تالا وهنا وبيرى الى بتحاول ترسم البسمه على وشها وبدا يكلم فى البدايه احب اعرفكم على بنتى تالا سليم العادلى الى كانت عايشه مع والدتها مراتى هنا الرفاعى 
الكل بدا يهمس دى كانت فين وجت امتى بس رسموا على وشهم بسمه والكل سقف ليهم بنفاق
بدر كان واقف جنب مريم وشايف عنيه كل زمايله عليها كان واقف مخڼوق ونفسه يمشى بس مش عايز يزعل سليم قرب من مريم وبصوت واطى انا رايح اسلم على سليم بيه متتحركيش من هنا ومتكلميش حد سامعه 
بصتله مريم ومن جواها فرحانه ان ممكن يكون غيران عليها سابها ومشى وهى عنيها عليه والابتسامه على وشها 
قربت بيرى منها وهى بتبصلها من فوق لتحت هاى ازيك يامريم 
بصتلها مريم بغيظ اهلا انا كويسه قوى 
قربت منها بغل وبصوت واطى الظاهر بدر بيحاول يحليكى علشان تليقى تمشى جنبه عموما هانت كلها كام شهر وتخلصى دراستك ويرجعك الصعيد تانى مكانك ويشوفلك واحد يجوزك ليه وبعدها يفضالى بقى ونتجوز انا وهو 
بصتلها مريم پصدمه صوتها طلع مخڼوق هو الى قالك الكلام ده 
بيرى بتكبر اكيد وانا هعرف منين الاتفاق الى كان بينكم يالا اما اروح اسلم على بدر حبيبى شاااو
سابتها ومشيت ومريم واقفه مصدومه وعنيها مليانه دموع.. يتبع
قربت بيرى من مريم وهى بتبصلها من فوق لتحت هاى ازيك يامريم 
بصتلها مريم بغيظ اهلا انا كويسه قوى 
قربت منها بغل وبصوت واطى الظاهر بدر بيحاول يحليكى علشان تليقى تمشى جنبه عموما هانت كلها كام شهر وتخلصى دراستك ويرجعك الصعيد تانى مكانك ويشوفلك واحد يجوزك ليه وبعدها يفضالى بقى ونتجوز انا وهو 
بصتلها مريم پصدمه صوتها طلع مخڼوق هو الى قالك الكلام ده 
بيرى بتكبر اكيد وانا هعرف منين الاتفاق الى كان بينكم يالا اما اروح اسلم على بدر حبيبى شاااو
سابتها ومشيت ومريم واقفه مصدومه وعنيها مليانه دموع فضلت عنيها مركزه مع بيرى الى قربت من بدر وسليم ووقفت تتكلم مع بدر الى مبتسم ليها اول ماشفت بدر بيضحك معها حست ان الدنيا لفت بيها وقالت نفسها هو ده يامريم الى عايزه تكملى معاه حياتك وفى الوقت الى بتحاولى تقربى منه هو بيفكر امتى يخلص منك علشان حبيبت القلب الى كدب عليا وقالى مش بيحبها 
لفت علشان تمشى خبطت فى واحد بصتله وعنيها مدمعه انا اسفه مكنش قصدى 
رد عليها وهو مسهم لجمالها ولا يهمك انتى محتاجه حاجه انا على مهندس فى شركه العادلى 
مريم بصتله وهى مش مركزه معاه اهلا وسهلا عن اذنك انا عايزه أمشى 
جت تمشى وقف قدمها لما حس انها تعبانه انتى جايه لوحدك الحفله شكلك تعبانه مينفعش تمشى وانتى كده 
مريم لفت بصت على بدر ورجعت بصت لعلى انا كويسه الحمد لله 
على ابتسم طيب على الاقل ممكن اعرف اسمك
مريم بحزن باين عليها اسمى مريم 
على بصلها قوى وشاف نظرة الحزن الى فى عنيها انتى قريبة سليم بيه 
مريم بصت على بدر تانى الى واقف مع بيرى ومندمج فى الكلام معاها ورجعت بصت لعلى لا انا جايه مع بدر الدهشان
على پصدمه انتى مريم مراته
مريم استغربت دهشته وانه عارف انها مراته اه انا انت تعرفنى 
على لنفسه وهو بيتامل ملامحها الجميله معقول انتى الى بدر اتجوزها ڠصب عنه انا كنت متخيلك غير كده خالص 
لما سكوته طال استغربت نظراته وفهمت ان بدر حكاله على ظروف جوازهم بصت على الارض بقهره لدرجادى مش طايق جوازته منها وبيحكى للناس كلها عليها غمضت عنيها تمنع دموعها تنزل
عند بدر لما ساب مريم وراح لسليم كان عايز يرجعلها بسرعه بس سليم فضل يكلم معاه وشويه وقربت بيرى هاى ازيك يابدر اخبارك ايه 
بدر ابتسم مجامله علشان سليم الى واقف الحمد لله ازيك انتى ياانسه بيرى 
بيرى الحمد لله كويسه اه صحيح مبروك على الجواز 
سليم بصله واستغرب انت اجوزت يابدر امتى
بدر استغرب هى عرفت منين معقول مريم لحقت قالتلها وهى واقفه معاها دلوقت بص لسليم وابتسم بتوتر من فتره قريبه حضرتك عارف ان مراتى ماټت بعد ما ولدت وسابتلى يونس لسه يادوب ايام مكنتش عارف اتصرف بس الحمد لله اتحلت 
سليم بص لبيرى وابتسم باستهزاء عليها ورجع بص لبدر مبروك يابنى ربنا يباركلك فيهم عن اذنك اروح اشوف الناس 
بدر اتفضل حضرتك 
اجى يمشى بيرى وقفته رايح فين هو انا مش عجباك 
بدر بص حواليه الناس وقفه جنبهم ومش عايز يعمل مشاكل لسليم الراجل ميستهلش كده بصلها وهو بيحاول يفضل مبتسم ابعدى عنى بقى عايزه منى ايه 
بيرى بصتله قوى بحبك حرام احبك 
بدر ماسك نفسه بالعافية انتى اكيد مجنونه انا قولتلك قبل كده انسى انتى اخر واحده ممكن افكر فيها وبعدين انا راجل متجوز واظن ان حضرتك لسه مبركالى ولا ايه 
ضحكت بيرى بصوتها كله وهى بتقوله باستهزاء اه جواز مع وقف التنفيذ صح 
بدر بصلها باستغراب قصدك ايه !!!! 
قربت منه وهى بتبص لعنيه انت فاهم قصدى كويس قوى مريم مابتحبكش ولا انت بتحبها والجوازه مش هطول اكتر من سنه وبكره مريم تشوف نصبها وتتجوزه 
وبصت بنص عين على مريم الى واقفه مع على وبيتكلموا بدر رفع عينه يشوف هى بتبص على ايه شاف على بيكلم مع مريم حس بڼار جواه بص بيرى بغل انتى مين الى قالك الكلام ده 
بيرى مردتش بس دورت وشها نحيه مريم بمعنى هى الى قالتلى 
بدر فهم سابها ومشى زى الصاروخ نحيه مريم قرب من مريم و سمعها وهى بتقول لعلى بجد يعنى فى فرصه عندك 
وقف وراها وبكل غل نده عليها مرررريم 
مريم وعلى اتنفضوا على صوته وبصوله باستغراب مريم اتكلمت وهى موجوعه منه وحولت متبينش فى ايه 
قرب مسك ايدها وسحبها وراه على نده عليه وجرى وراه يوقفه بدر استنى مالك فى ايه 
بدر بصله بغل ابعد عنى ياعلى دلوقت علشان مش عايز اخسرك
سابه ومشى وهو بيجر مريم وراه ركبوا العربيه وطول الطريق الاتنين متكلموش خالص لحد ما صلوا البيت 
دخلت مريم وجت تدخل اوضتها وقفها بدر استنى عندك 
وقفت مريم من غير ماتبصله لف بدر وقف قصادها ووشه كله احمر من الڠضب ممكن اعرف ايه الى وقفك تكلمى واحد متعرفهوش 
بصتله مريم بغيظ والله حضرتك انا مكلمتش حد هو الى اجى كلمنى وانا رديت على باحترام 
بدر بصوت عالى ومين سامحلك تردى عليه اصلا مسبتهوش ومشيتى ليه انا مش منبه عليكى متكلميش حد 
مريم بغيظ اكتر لما افتكرت كلام بيرى ليه هو حضرتك فاكرنى عبده عندك بنفز كلامك وامشى وراك وخلاص 
بدر عروقه كلها ظهرت من الغيظ اه تسمعى كلامى وتنفزيه من غير مناقشه لانى جوزك والمفروض تحترمى كلامى وتحترمينى مش تقفى تكلمى مع اى حد ولا كأن جوزك معاكى
مريم بصوت مخڼوق مش لما تحترمنى انت الاول ولا اه صحيح اصل انا حمل عليك ونفسك تخلص منه علشان تجرى تتجوز حبيبت القلب عموما انا هخلصك من الحمل ده قريب قوى 
بدر افتكر هو كمان كلام بيرى ان مريم بكره تشوف نصيبها وتتجوز الڼار ولعت فى قلبه زياده وصوته بقى اعلى وياترى على بقى هو الى انتى اختارتيه علشان يخلصك منى ومن جوازتى 
مريم برقت انت بتقول ايه 
بدر بقول الى انتى قولتيه دلوقت انك هتخلصى منى قريب قوى 
مريم بدموع مقدرتش تحبسها اكتر من كده دا مش كلامى انا كلام الى ماشى يشتكى للناس كلها انهم ياعينى جوزه ڠصب عنه بس عموما هانت وعلى فكره انا من بكره هشتغل وهشيل حملى من على كتافك ولو عايز تطلقنى من الصبح براحتك عن اذنك 
سابته ودخلت اوضتها وهو واقف مسهم وبيقول لنفسه هى قصدها ايه معقول يكون على هو الى قال لبيرى وعرف مريم انى حكتله لالا مش ممكن على يعمل كده 
طلع تليفونه واتصل على على الى رد على طول انت قولت ايه لمريم 
على استغرب ممكن تهدى وتفهمنى فى ايه وليه احرجتها كده قدامى 
بدر صوته علا انا سالتك سؤال انت قولت ايه