خارج عن المألوف بقلم نشوه عادل

والڠضب ف نفس الوقت وصلت ع الكلية وادت امتحانها وخرجت فتحت فونها ورنت ع خديجة
مريم الو حضرتك فين دلوقتى
خديجة ف المكتب 
مريم ينفع اجى دلوقتى!
خديجة اكيد ف اى وقت 
اخدت مريم تاكسى وراحت لمكتبها ولما وصلت دخلت ع طول ....خديجة طبعا جاية عشان تعرفى منى كانت بتظهرلك ليه
مريم هو انتى بتقرأى الافكار كمان
خديجة بضحك لا بس امبارح قولنا فيه جلسة تانية عشان نرد ع السؤال ده جاهزة 
مريم بتنهيدة للاسف لازم اكون جاهزة
دخلت مريم ع الغرفة ونامت ع نفس الدايرة اللى عبارة عن رموز وطلاسيم ونامت وغمضت عيونها بعد ما استرخت 
خديجة ها شايفة ايه!
خديجة وبعدين
مريم مفيش حاجة
خديجة ركزى اكتر 
خديجة بتعمل ايه!
خديجة مريم استرخى واتجاهليها ع انها مش موجودة المفروض ان ده ماضى مش حاضر 
خديجة عدى لعشرة وفتحى عيونك 
مريم پصدمة ايه ده ازاى !
خديجة اهدى مش كل حاجة لازم تعرفى تفسيرها امسكى العباية دى البسيها وهاتى هدومك احطها ف الدراى وتعالى ورايا 
بالفعل مريم عملت كده وخرجت ...مريم ده معناه ان اللى كانت معايا دى مليكة مش منى 
خديجة ايوة 
مريم طب ليه عملت كده!
خديجة ببساطة لانها حاولت تإذيكى بسبب حبك لمراد وكمان انه بيبادلك الشعور وبسبب الخدمة اللى عليكى فشلت بكده ومكنش ادامها حل انها تبعدك عن مراد غير انها تتنكر ف اعز اصدقائك تزن ع ودنك انها تبعدك عنه 
مريم بدموع كتير عليا اللى بيحصلى ده انا خلاص هتجنن 
خديجة بمواساة اهدى ي مريم لازم تكونى اقوى من كده ولازم كمان تعرفى تتحكمى ف الخدمة اللى معاكى لانه ان الاوان تعرفى تستخدميها ووووووو...يتبع
خارج_عن_المألوف السادس
بقلم_نشوه_عادل
..السابع
اهدى ي مريم لازم تكونى اقوى من كده بكتير وتعرفى قيمة الخدمة اللى معاكى لان ان الاوان تعرفى تستخدميها وتتحكمى فيها عشان تساعدك تخلصى مراد من سيطرة مليكة 
مريم اتحكم فيها ازاى اعمل ايه
مريم پخوف اشوفها واتكلم معاها لا صعب مش هقدر
اتنهدت مريم وقالت بس انا مش جاهزة حاليا 
خديجة وقت ما تكونى جاهزة عرفينى
دخلت واحدة من السكرتارية ومعاها هدوم مريم وكانت ناشفة دخلت لبست وخرجت منين ما اكون جاهزة هكلم حضرتك 
خرجت من مكان المكتب حاسة ان الدنيا بتلف حواليها نفسها مقطوع لقت فونها بيرن وكانت امها ....شادية بدموع الحقى ي مريم تعالى بسرعة مرام بټموت
مريم اټصدمت واتجمدت مكانها وقع منها الفون وكأن الدنيا والزمن وقف بيها فاقت لما حد خبط فيها اخدت فونها وركبت التاكسى ورنت ع امها تانى 
مريم انتم فين!
شادية ف المستشفى اللى جنب البيت 
بالفعل راحت مريم ع المستشفى وخرج الدكتور وقال للاسف هى ف غيبوبة ومنعرفش هتفوق منها امتى ولا حتى ايه سببها
شادية باڼهيار بنتى لا يارب والنبى نجيها عشان خاطرى يارب
نادية اهدى مش كده لازم تكونى قوية عشان مريم وعشان مرام لما تفوق ان شاء الله
مراد لاحظ وجود مريم وجرى عليها اهدى ي مريم متقلقيش ان شاء الله مرام هتفوق وتكون كويسة 
بعدها خرجت الروح من السكرتيرة اللى حست برعشة بصت لمريم بهدوء اقدر اساعد حضرتك ف ايه
مريم انتى كويسة!
السكرتيرة باستغراب ايوة فيه حاجة 
هزت مريم راسها بلا وطلعت تجرى ..السكرتيرة بصوت عالى دى مچنونة دى ولا ايه!
اتصلت مريم ع خديجة وحكت ليها اللى حصل وبدموع هت مۏت اختى اعمل ايه ساعدينى ارجوكى 
خديجة اهدى ي مريم اوعى تستسلمى وتبينى ليها خۏفك هى عملت كده عشان تلوى دراعك وتبعدك عن مراد صدقينى ي مريم لازم تخلصى من مليكة ف اسرع وقت لانها مش هترتاح الا لما تم..وت مراد
مريم پخوف تم..وته طب طب ليه
خديجة لانها ببساطة بتحبه وانت حرت بسبب حبها ليه وعشان تكون معاه دلوقتى لازم يكون روح زيها مش بشرى فهمتى 
مريم تمام هجيلك بكرة ان شاء الله عشان استخدم الخدمة 
خديجة تمام هستناكى
لفت مريم وشها لقت مراد وراها وبيبصلها باستغراب كنتى بتكلمى مين!
مريم دى... دى مدام خديجة كان معايا ميعاد معاها النهاردة فقولت اقولها عشان مينفعش اخليها مستنيانى
مراد تمام تعالى عشان امك بتسأل عليكى 
مريم اهدى ي ماما لا يعلم الغيب الا الله وانا اوعدك ان مرام
هتقوم لينا بالسلامة 
شادية بفرح بجد ...يعنى ..يعنى مرام هتفوق من الغيبوبة
مريم ان شاء الله
شادية امتى!
مريم ما انا قولتلك ي امى لا يعلم الغيب الا الله واحنا مفيش بايدنا الا الدعاء 
نامت امها ف حضنها تانى اما مريم ف نفسها اما انا فلازم اخلص من اللى كانت السبب ف اللى احنا فيه 
بصت ع مراد پخوف اما مراد نظر ليها بنظرة طمأنينة ... جه الدكتور طيب ي جماعة اتفضلوا روحوا وجودكم هنا مفيش ليه لزوم وكمان وقت الزيارة قرب يخلص
شادية لا انا مش هتحرك من هنا من غير بنتى 
مراد ي خالتو وجودك هنا لا هيقدم ولا هيأخر لازم تروحى وبكرة من الصبح ف وقت الزيارة تعالى واكيد لو فيه جديد المستشفى هتتصل بيكى
شادية مش هقدر ي مراد
نادية خلاص متروحيش البيت تعالى معايا ع الشقة عندى اهو تبقى معانا وتحت عيونا انتى ومريم 
مراد والله انتى بنت حلال ي ماما كنت هقول كده 
شادية ايوة بس انا مش برتاح الا ف شقتى ولا بعرف انام الا ع فرشتى
نادية اخص عليكى هو انتى رايحة لحد غريب ده بيتك وبيت اختك 
مراد يلا قومى ي خالتو 
كانت مليكة متابعة اللى بيحصل وجواها ڠضب وڼار كالبركان وصړخت صړخة مرعبة فكل اللى عملته كان عشان تبعد مريم عن مراد ودلوقتى هتكون معاه ف بيت واحد ...نزلوا وركبوا العربية مع مراد اللى ساق ع بيتهم وطلعوا كلهم 
مراد اتفضلى ي خالتو تعالى ي روما 
دخلوا كلهم وقعدوا ف الانتريه ندهت نادية ع مراد وقامت معاه بقولك انزل هات عشا وتعال انا مطبختش النهاردة
مراد هطلب دليفرى وخلاص بدل ما انزل
نادية ي واد انزل هات جبن وحاجات من السوبر عشان تكون هنا للفطار 
مراد بابتسامة حاضر ي ست الكل 
نزل مراد واستغلت مريم انه نزل بصت لخالتها وقالت خالتو هشوف برشام للصداع ف اوضة مراد
نادية وماله ي حبيبتى هتلاقى صيدلية كاملة عنده جوة
دخلت مريم وابتدت تدور ع السلسلة ف كل مكان ف الاوضة ف المكتب والكومودينو والتسريحة وكل مكان لكن بدون اى اثر ليها ...مريم معقول مش هنا امال فين بس
لقت مريم خزنة ف الدولاب وكانت مقفولة قربت وحاولت تفتحها لكن فجأة لقت مراد بيقولها بتدورى ع حاجة ي مريم ولا ايه
مريم بتوتر ها .. انا بدور ع علاج للصداع بس مش لقياه مراد العلاج هنا ف شنطة الاسعافات مش ف الدولاب
مريم انا اسفة مأخدتش بالى الا صحيح من امتى وانت عندك خزنة ها بقيت غنى ومعاك فلوس 
خارج_عن_المألوف السابع
بقلم_نشوه_عادل
..الثامن
محتفظ فيها بحاجة اغلى عندى من حياتى وعشان افضل محافظ عليها ومتضيعش منى عملت ليها مخصوص الخزنة دى فهمتى
مريم ياااه ايه الحاجة الغالية اوى دى!
مراد ده حوار قديم اوى ي مريم بقاله ٨ سنين ومحدش يعرف عنه اى حاجة حتى امى نفسها
مريم يسطا انا اكتر واحدة تعرف عنك حاجات امك متعرفهاش أساسا فاعترف بقا لان الفضول قاتلنى
حكى لها مراد عن مليكة وحبهما وكيف انهت حياتها لاجله واللى قاله مراد هى اللى شافته بالظبط كمل مراد بدموع ومن يوم ما ملك اختها جابتلى السلسلة دى وانا محتفظ بيها
مريم ممكن اشوف السلسلة دى
مراد طبعا ي قلبى ...بدأ مراد يفتح الخزنة وحاولت مريم تركز بالارقام السرية وفعلا حفظتها لكن قبل ما يفتح مراد الخزنة..نادية يلا ي ولاد العشا جاهز 
مراد حاضر ي ست الكل جايين اهو ..لف لمريم وهو بيقفل الخزنة تانى تعالى ناكل الاول وبكرة تشوفيها براحتك 
مريم بسرها يااانى منك ي خالتو الاقيها منك ولا من اختك دايما بتيجوا ف الاوقات الغلط 
مراد انتى بتكلمى نفسك ولا ايه يا بت انتى وصلتى خلاص اكلم المصحة النفسية
مريم انت لو عرفت ايه اللى بيحصل انت اللى هتدخل المصحة النفسية 
مراد هنشوف الحوار ده لما نتعشى ماشى يلا ادامى 
خرجوا الاثنين مع بعض واتعشوا ف جو عائلى وبعدها دخلت نادية وشادية ع غرفة يناموا سوى ومراد ع غرفته ومريم ع غرفة الضيوف 
مليكة النهاردة انا روح بكرة هتكون انت معايا 
مراد پصدمة يعنى..يعنى ايه!
تانى يوم الصبح كانت نادية واقفة بالمطبخ لقت مريم داخلة عليها وهى بتفرك بعيونها صباح الخير ي خالتو امال
ماما فين!
نادية صباح النور ي قلبى امك راحت لمرام المستشفى 
مريم طيب انا هغير هدومى واروح ليها
نادية تعالى هنا ي بت نفطر الاول وهنزل معاكى نروح مع بعض روحى صحى مراد يفطر معانا اول مرة ينام بالشكل ده ويتأخر ع شغله
مريم حاضر 
مراد بثقل ايه ..ايه عاوزة ايه انتى!
مريم هعوز منك ايه خالتو طلبت منى اصحيك عشان تفطر معانا حضرتك اتأخرت ع المستشفى
بص مراد ع الساعة لقاها ١١ 
مراد انتى لسه مخلصتيش ده امه داعية عليه اللى هيتجوزك 
مريم وانت مالك يسطا هو انت اللى هتتجوزنى!
مراد يسطا هو انا سواق توكتوك ي بت 
مريم مش شرط انت مش بتسوق عربيتك تبقى اسطا
مراد اطلعى برة ي مريم
مريم مش طالعة انا مرتاحة هنا
مراد بجد طب تمام خليكى قاعدة وانا بغير هدومى 
مريم بشهقة ي قليل الادب وخرجت بسرعة ضحك عليها وقفل الباب وبدأ يغير هدومه
بعد ما انهوا الفطار وراح مراد ع شغله بعد ما وصل مريم ونادية ع المستشفى واطمنت مريم ع اختها استأذنت منهم عشان تروح الكورس بتاعها وراحت عند خديجة 
خديجة اول مرة تيجى من غير ما تتصلى 
مريم انا معايا السلسلة 
خديجة بفزع ازاى! وازاى لقتيها!
مريم باستغراب لقيتها ع سرير مراد واخدتها من غير ما ياخد باله ليه مالك ف ايه
خديجة فيه انك بكده عرضتى حياة مراد للمۏت رسمى 
مريم پخوف مش ..مش فاهمة يعنى ايه!
خديجة يعنى انا طلبت منك تعرفى مكان السلسلة لكن متجبيهاش دلوقتى لحد ما تقدرى تتمكنى من الخدمة 
مريم طب طب خلاص هرجعها مكانها 
خديجة ياريت تعملى كده وبسرعة ي مريم 
خرجت مريم جرى من عند خديجة ع بيت نادية ولحسن حظها ان معاها نسخة من المفتاح ركبت تاكسى واتجهت للشقة ....عند مراد خلص الكشوفات ودخل ع مكتبه كان مرهق نام ع المكتب براسه لكن فجأة ايد مرعبة اخترقت المكتب قام مراد بفزع وبعد عنها 
مراد پخوف اعوذ بالله من الشيطان الرجيم 
الممرضة دكتور مراد حضرتك مش بترد ع الفون ليه
مراد وهو بيشاور ع المكتب بصى...بصى هناك كده 
بصت الممرضة ع المكتب باستغراب ف ايه مش فاهمة مفيش حاجة!
لف مراد وشه وبص للمكتب وقال پغضب يعنى ايه مفيش حاجة امال ........ لكن فجأة سكت لما لقى كل حاجة ع طبيعتها ...الممرضة دكتور حضرتك كويس!
مراد
ها ...اه بخير بس مرهق شويه اتفضلى انتى روحى تابعى المرضى وانا جاى وراكى 
الممرضة حاضر 
مراد بصوت عالى هو انا