زين

مثلا ترن عليا
ورد بعصبيه خفيفه لينا بيت نعرف نتخانق فيه هاااه
مازن بإبتسامه اه تمام
اعطى امير رقمه لمازن ثم وضع يده على كتف ورد و ذهبوا عند السياره و ركبوا 
في السيارة 
امير احممم
ورد ايه
امير احممم احمممم
ورد بتقليد احمم احمم ايييه
امير يلا سامعك
ورد بفهم اااه عايزني اقول مين ده بقى و اتقابلنا امتي و كان واقف معايا ليه
امير ايوااااا هوو ده
ورد بتقليد ايوااااا هوو ده طب ما تقولي قوليلي كنتي واقفه معاه ليه مش لازم يعني تعمل احمم احممم
امير بإبتسامه صبرني على طولة لسانها
ورد عموما ده شخص كده تحس ان القدر بيحاول يجمعنا في اي حاجه
امير مش فاهم
ورد يعني حكت له اول مقابله بينها هي و مازن إلى اخر مقابله 
في الشركه 
اسر مش عارف حاسس ان في حاجه في الموضوع
زين زي ايه مثلا
اسر مصدقش ان ورد تكون مرتبطه ب لؤي بصراحه
زين اشمعني
اسر يعني واحده محترمه و لبسها كويس و قريبه من ربنا و بتعرف تفرق بين الصح و الغلط يبقي هتروح ترتبط بواحد و تهد ده كله ليه
زين بتفكير مش عارف يا اسر بس نيرة تكدب عليا ليه برضوا
اسر مش عارف يا زين عشان كده بقولك في حاجه غلط في الموضوع ده
على الكورنيش 
أمير و هو يأخذ قضمه من السندوتش اااممم بس مش عارف ليه حاسس انه معجب بيكي
ورد وهيا تأخذ رشفه من العصير ببجدد قصدي ليه يعني
أمير بإبتسامه اصل كان زعلان اول ما شافني بسلم عليكي و بعدين لما قولتله اني اخوكي لاقيته اتنهد براحه و ابتسم
ورد بإبتسامه ااه ممكن
امير طب هسألك سؤال بس تجاوبي بصراحه
ورد حاضر والله
امير هو انتي معجبه بيه
ورد بإبتسامه وخجل بص ااا انا مش عارفه بس بفرح اوي لما بشوفه
امير بإبتسامه اممم يعني لو اتقدم هتوافقي
ورد احتمال كبير اوي ايوا يعني شخص محترم و متفهم و قريب من ربنا و بيحفظ قرأن و صوته حلو فيه و لبسه مهندم مش زي شباب اليومين دول بناطيل مقطعه والشغل ده يبقى ارفض ليه
امير بضحك احممم نفسي تشوفي نفسك وانتي بتتكلمي عليه
ورد متندمنيش اني قولتلك حاجه بس قولي يا ميرو انت رأيك ايه فيه
امير حاسس انه محترم كده و يتحب
ورد بإبتسامه ايوه هو كده فعلا
في الليل عاد الجميع إلى منزله 
في ڤيلا سعد على الغداء 
سليم بس مش بدري يا زين
زين لا يا بابا مش بدري يعني ننزل نجيب الدهب بكره و الخطوبه تبقي بعد بكره و الفرح بعده بيومين
سندس طب قولت لنيرة يا حبيبي
زين ايوه يا ماما و قالت لأهلها موافقين فشوفوا مين اللي هيروح بكره معاها وانا هبقى اجي من الشركه على محل الدهب
سمر انا اكيد جايه 
سندس هروح انا وسمر و ثناء بكره عندهم ناخدها هيا و والدتها
زين تمام ماشي
سعد و أخيرا عشت لليوم ده
زين ربنا يطول في عمرك يا جدي
في منزل محمد 
جميله حاسه انه بدري اوي
نيرة متهيألك يا ماما
جميله يعني خلال اربع ايام هتكوني متجوزه يا نيرة
ورد انتي ناويه تخلليها جنبك ياست الكل ولا ايه
جميله تؤ يابت بتدخلي بيني انا واختك ليه
يزيد مش عارف طالعه حشريه لمين
ورد ولااا هقوملك
جميله بس انتي و اخوكي خليني اكلم بنتي بقي براحتي
ورد كلميها ياست جميله
جميلة طبعا حضرتك هتيجي معانا بكره ياست ورد
ورد أكيد دا أنا أخت العروسة و بعدين أنا عندي كام نيرة 
نيرة بتوتر لا يا ورد مينفعش أصل مين هيقعد يعمل الغدا لبابا وأمير و يزيد انتي عارفه ان بابا و أمير مش هيكونوا موجودين بسبب الأجتماع
ورد بحزن قليلا بس أنا أختك يا نيرة ولازم أكون معاكي
نيرة عارفة يا حبيبتي و كدا كدا هتشوفي الدهب لما نيجي
نظرت ورد لوالدتها الصامته فتنهدت وقالت ماشي يا نيرة اللي يريحك يا حبيبتي
كان يوم طويل و انتهي بأحداثه في الصباح 
نيرة ماشي يا ماما هالبس الصندل و خلاص
جميلة ماشي ورررد يا ورررد
ورد نعم
جميله هعتمد عليكي في الغدا النهارده ماشي
ورد حاضر مټخافيش
جميله اما نشوف ايه اللي هييجي ورا كلمه مټخافيش دي
نيرة انا خلصت يا ماما
جميله يلا يا حبيبتي
نيرة هرن علي زين هشوفه هيقولي هما فين
جميله لا مش تشغليه تعالر ننزل تحت نستناهم
نزلت جميله و معاها نيرة و وجدوا سندس و سمر و ثناء ينتظروهم في العربيه بعد ترحيبات ذهبوا الي محل الدهب 
في الشركه 
زين ماشي يا اسر هعتمد عليك انت في موضوع اللبس
اسر متخافش والله انا كلمت خالدو قال هيجهز بدل الخطوبه و الفرح
زين اما نشوف
اسيا يلا سلام احنا
زين على فين
اسيا هنروح الڤيلا نجيب رنا و عنود و بعدها هنروح المول نشوف الفساتين
اسر ماشي خلي بالكوا على نفسكوا
رغد حاضر
اسر رويه لو شوفتي علي و عمر خليهم يكلموني عشان الاتنين تيليفوناتهم مغلق
رويه ماما واخده الفون من علي بس حاضر هخلي عمر يكلمك
ذهبت البنات 
زين وانا كمان لازم امشي عشان الحقهم
اسر تمام و انا داخل الاجتماع اهو
زين لو في حاجه ابقى رن عليا
اسر ارن ايه انت في ايه ولا في ايه دلوقتي
زين تصدق انا غلطان
ذهب زين إلى محل الذهب و كانوا يختاروا الشبكه 
عند منزل محمد 
ورد يا بتااااع النعناع يا منعنع يا منعنع يااااااا جاااايه جااايه
ذهبت لتفتح الباب 
امير سنه عشان تفتحي
ورد كنت بغني مش فاضيه
امير دخل و قفل الباب احنا اسفين لحضرتك والله اومال ماما فين
ورد ماما و نيرة راحوا يجيبوا الشبكه
امير طب هييجوا قبل الغدا
ورد لا انا اللي هعمل الغدا النهارده
امير بتهزري
ورد لا والله
امير بالله عليكي اطلبي اكل من برا
ورد متخافش والله
امير طب انا هدخل اخد دش و يكون الغدا خلص
ورد اممم هو صعب بس هحاول
دخل امير ليأخذ دش 
ورد ياااااااا منعنع ياااااا منعنع يوووه بقي
فتحت الباب 
يزيد ايه ياااا منعنع هنعملوا ازاي اخوكي جه
ورد انت عرفت منين
يزيد شوفته لما كنت في السوبر ماركت
ورد اهم حاجه جبت الاندومي
يزيد ايوه بس ابوكي
ورد بمقاطعه يا اهبل ابوك ميعرفش شكله هو هياكل و خلاص و كدا كدا ماما هتيجي بعد الغدا هيا و نيرة
يزيد ماشي اما نشوف
دخلت ورد و عملت اندومي للجميع 
خارج محل الذهب 
زين تمام يا ماما هوصلهم انا بالعربيه بتاعتي و لو كدا السواق ياخدكوا بالعربيه اللي جيتوا بيها
سندس ماشي يا حبيبي
ركبت نيرة و جميله مع زين في العربيه 
عند منزل محمد 
يزيد اه يا بابا لسه مش جم
محمد طب الغدا فين
ورد اهوو يا بابا السفره جاهزه
محمد ذهب إلى السفره وقال ايييه ده !
ورد دي مكرونه بشوربه
محمد يعني ايه مكرونه بشوربه دي
ورد طعمها حلو والله دوق كده
امير بصوت واطي الله يحبك يا شيخه
ورد بنفس الصوت اي خدمه
محمد امممم طعمها حلو اوي
يزيد طبعا يا بابا مش ورد اللي عملاها
اكل الاب و وقع تحت خداع ابنته 
تحت منزل محمد 
زين والله يا امي شبعان
جميله والله مش هسيبك يا زين هتطلع يعني هتطلع و بعدين ورد اللي هتعمل الغدا النهارده فيلا يا حبيبي متكسفنيش بقي
زين بعد محايلات حاضر يا امي
فتح يزيد الباب 
يزيد اهلا بخطيب اختي نورتنا
زين بنورك يا يزيد
دخل زين إلى الصالون ودخلت ورد الغرفه لترتدي الخمار 
جميله امام زين ايه يا محمد ورد عملتلكوا غدا ايه
محمد عملتلنا مكرونه بشوربه
امير بضحك وصوت واطي اااالبس اختك اتقفشت ياعم يزيد
يزيد المشكله ان انا اللي جايب الاندومي
امير ماما هتعمل منكوا صباع كوفته والله لا ومين موجود خطيب اختك
جميله بإستغراب ايه مكرونه بشوربه دي
نيرة بإبتسامه يارب ميكونش اللي في بالي
زين ليه ايه اللي في بالك
نيرة بضحك هتعرف بعد شويه استني
جميله هقوم اجيب عصير و جايه
دخلت الام جميله إلى المطبخ و خرجت ورد من الغرفه وجلست بجانب يزيد و امير و نيرة و زين على الانتريه 
ورد بسس بسس
يزيد عايزه ايه
ورد هيا ماما فين
يزيد بس عشان اتقفشتا بسبب ابوكي وبعدين امك في المطبخ
ورد ليه قالها ايه
نيرة قالها كلنا مكرونه بشوربه
جميله من المطبخ يااااالهوووووووي
خرجت وقالت 
جميله ومعها اكياس الاندومي مكرونه بشوربه يا محمد مكرونه بشوربه صح دي اكلتك اندومي
محمد اندومي ايه
جميله والله اندومي لا وانا بقول لزين اطلع يا حبيبي دي ورد عامله الغدا
ورد والله طعمه حلو و عجب بابا
جميله لا وجايبه خمس اكياس
ورد ايوه عشان يكفينا انا و بابا و يزيد و امير
محمد
عايزه ټموتي ابوكي يا ورد عايزه تجيبي لأبوكي السړطان يا ورد
ورد والله يا بابا طعمه حلو و بعدين متنكرش انه عجبك
جميله لا و من بجاحتها حطالي الاكياس على الرخامه
ورد فيها ايه يعني عملت الچريمه ونسيت امحي اثارها
محمد دي كانت هترتكب في ابوها و اخواتها وانا بقول ازاي مكرونه بشوربه بطعم اللحمه
ورد ايه بس يا بابا و بعدين انت قولت اهو بطعم اللحمه يعني اكلتلك مكرونه و شربتك شوربه و كمان ده كله في طعم لحمه يعني تلاته في واحد و كمان ب ٥ ج بس
محمد بصراحه كان طعمه حلو
جميله انا معتمدش عليكي في حاجه أبدا والله
ورد كان طعمه حلو والله
الاب محمد بس اندومي يا ورد اندومي
ورد اهو هيقول نفس الاسطوانه تاني
الاب محمد عايزه تجيبي سړطان لأبوكي يا ورد و تموتيه اخص
ضحك الجميع و خصوصا زين ثم ذهب إلى منزله انتهي اليوم المتعب وجاء تاني يوم
في الصباح 
سندس لا زين قالي الخطوبه تبقى عائليه بس لكن في الفرح هنعزم صحابنا و شركائنا
ثناء نفسي اعرف بيخبيها من الكل ليه
سمر حقه وبعدين هو و خطيبته حرين مع بعض
رنا ماما الخطوبه هتبقى هنا صح
سندس اه و الفرح هيبقي في الفندق
في الليل في منزل محمد 
جميله طب اتصلي على روفيده تروح معاكي
ورد بتعب لا يا ماما انا هروح اهو عادي
جميله انتي حظك نحس يعني ولا حضرتي قرايه الفاتحه ولا الخطوبه هتحضريها
امير هو بمزاجها يا ماما طب اجي معاكي يا ورد
ورد لا يا ميرو وبعدين دي خبطه خفيفه
امير طب لو عوزتي حاجه رني عليا
ورد حاضر
ذهبت ورد لتكشف على رجلها التي اصيبت من حاډثه العربيه عند خروجها من الكليه
ذهب الجميع بدون ورد إلى حفل الخطوبه و كانت حفله رائعه ارتدوا الخواتم و رقصوا معا وبعد ليل طويل و احاديث طويله ذهبوا الي المنزل 
في منزل محمد 
ورد متقلقيش والله قالي خبطه بسيطه و اداني مرهم
جميله طب الحمد لله
ورد اهم حاجه بقى ننزل نشوف الفساتين بكره بما ان الفرح بعد بكره يا عروووسه
نيرة بسعاده مزيفه اه يا حبيبتي عقبالك
ورد لا يا نيرو تفي من بوقك وبعدين انا عايزه اهتم بدراستي
امير بإبتسامه ايوه ايوه انتي هتقوليلي ثم غمز 
ورد صبرني يااارب
خلد الجميع إلى النوم و جاء الصباح و كان قبل الفرح بيوم
أستيقظت نيرة على صوت الهاتف فتحت المكالمه وقالت 
نيرة الو
لؤي ايه عملتي ايه
نيرة انت فين هاااه عماله ارن عليك وانت مبتردش
لؤي عملتي ايه عرفتي تجيبي التصميمات
نيرة يووووه بقى لؤي انا فرحي بكره
لؤي پصدمه ايه
نيرة والله الفرح بكره مش هينفع ارجع في قراري من دلوقتي انت في طريقك وانا في طريقي
لؤي انتي بتهزري يا نيرة
نيرة مبهزرش بس قولي كدا اعمل ايه
لؤي هشوف حل
نيرة بإستهزاء حل ! سلام