زين

معاهم
نيرة مش سامعة
لؤي بقولك أوعي تكوني نسيتي سبب قربك منهم ايه
نيرة فتحت الاسبيكر وقالت اتكلم كدا ي لؤي عشان الصوت كان واطي
لؤي بزهق عملتي أيه في موضوع زين يا نيرة 
نيرة زين لسه معترف بحبه ليا امبارح
لؤي احلفي
نيرة والله وانا وافقت بس قولتله هقول للعيله الاول
لؤي بضحك يعني خطتنا ماشيه صح
نيرة و اوووي كمان الغبي فاكرني بقى بحبه والكلام ده ميعرفش ان مفيش غيرك بس اللي قلبي حبه
لؤي طبعا حاولي التصميمات تيجي بسرعه و افضلي قربي منه كده لغاية ما ناخد اللي عايزينه
نيرة حاضر بس عارف اللي عجبني ايه
لؤي ايه
نيرة ان هدير مثلت المشهد صح
لؤي عشان الفلوووس يا نيرة مش قولتلك ان الفلوس بتغير الانسان
نيرة بضحك معاك حق التصميمات هتكون معاك يا حبيبي و بعد ما نسرقها بفتره كده هسيب زين و ارجع شركتك بقى عشان بجد
زهقت
لؤي الشركه مستنياكي
نيرة طب سلام دلوقتي يا لؤي عشان لسه طالعه من الاجتماع وعايزه اريح شويه
لؤي سلام يا قلب لؤي
أغلقت الهاتف ونظرت خلفها وقالت پصدمه 
نيرة پصدمه ورد !!
ورد بدموع لييييه
انتهي البارت رأيكم فضلا خاېفه اقول قولوا رايكوا في مازن تقولولي خليه البطل
دمتم في امان
كسرةقلوب
رواية كسرة قلوب
بقلم حبيبه مصطفي 
ياقوت
البارت السادس 
أغلقت الهاتف ونظرت خلفها وقالت پصدمه 
نيرة پصدمه ورد !!
ورد بدموع لييييه
نيرة ينفع تسمعيني صدقيني انتي فهمتي غلط
ورد انا فهمت صح الكلام كان واضح من اول المكالمه
نيرة افهميني يا ورد طيب
ورد بدموع لا يا نيرة لأن أنا سمعت وفهمت كل حاجه ولو سمعتك دلوقتي هتحاولي انك تغلطيني الكلام كان واضح يا نيرة فمش محتاج تعديل منك
نيرة اه يا ورد دي انا الاول كنت شغاله في شركة لؤي وانا وهو بنحب بعض بس اما الشركه بدأت تخسر بسبب شركة زين اتفقنا اني هروح اشتغل عند زين وأسرق التصميمات واديها ل لؤي عشان شركة زين هيا اللي تخسر هو في البدايه مكانش واثق فيا لأني كنت موظفه جديده بس لما قعدت هناك لمده سنه دلوقتي خلاني السكرتيره بتاعته و اهو اتقدملي كمان
ورد بدموع لا بجد انتي مش عارفه اقولك ايه يعني بتعملي ده كله عشان تسرقي المعلومات من عند زين توديها ل لؤي
نيرة ب بجاحه ايوه بما ان شركة زين مشهوره في السوق فكل ما شركته تكسب لؤي هيخسر
ورد انتي كده بتكسري ثقته فيكي
نيرة وفيها ايه يعني
ورد نيرة ده اتقدملك يعني بيحبك وغير كده انتي وافقتي هتعملي ايه في الموضوع ده
نيرة مش عارفه بس هوافق لغاية ما نتخطب على الاقل اكسب وقت و اقرب منه اكتر و بعدها اقوله مش مناسبين و امشي بس كده
ورد بدموع انتوا ازاي كده هااااه قوليلي انتوا ازااااي معندكوش قلب ولا ډم و لا احساااااس كده فهميني ازاي بيجيلك قلب تكسري ثقة حد فيكي ازاي بيجيلك قلب ټجرحي الشخص اللي قدامك وكل ما يفتكرك يحزن وبس ازاااي انتوا بتبقوا معتقدين انه موقف و فات و هيتنسي لكن لااا والله لما تكسري ثقه حد هيفقد الثقه في كل شخص حواليه لما تسيبي شخص بيحبك في نص الطريق رغم انه مش فكر حتي انه يأذيكي هيعتقد ان الكل هيسيبه و هيبدأ ېخاف يقرب من اللي حواليه كل موقف و ليه اثر و الاثر ده هيفضل معاه لغاية ما ېموت بلاش يا نيرة زين بيحبك فعلا وافقي عليه او تبعدي عنه و مش تأذيه
نيرة انا بحب لؤي و طالما بحبه فأنا مستعده أجرح زين
ورد بدموع متجيش على شخص بريء عشان شخص انتي بتحبيه متكسرهوش يا نيرة لأن كسرة القلب وحشة والله
نيرة ورد انا مش هسمحلك تدخلي في اي حاجه تخصني زي ما عملتي مع بابا و امير تمام دي حياتي وتخصني انا
ورد بدموع اه صح انتي من البدايه قولتي انك بتساعدي لؤي عشان هددك ب بابا يعني انتي كدبتي علينا هنا
نيرة يوووه على شغل التحقيق ده طالما دي حاجه متخصكيش واسمك مش جاي فيها يبقى متدخليش
ورد بدموع نيرة بالله عليكي قولي لزين الحقيقه
نيرة انتي مالك زعلانه عليه اوي كده هاااه لا تكوني معجبه بيه
ورد مش معجبه بحد يا نيرة بس انا مش زيك حتى لو شخص اذاني مبعرفش اجرحه ده غير ان زين مش اذاكي اساسا
نيرة متدخليش انتي فاهمه
ورد يا تقولي لزين الحقيقه يا تبعدي عن لؤي و اعماله الغلط ومن الأحسن تبعدي عن لؤي و تختاري الشخص اللي بيحبك فعلا
نيرة لؤي بيحبني يا ورد
ورد لؤي بيستغلك يا نيرة و هتقولي ورد قالت بس عموما معاكي وقت لبكره ان مبعدتيش عن لؤي هقول لزين الحقيقه مش هساعدك في ان اخلي الشركه تخسر لأن جدي سعد تعب لغاية ما يوصلها للشهره دي فأنا مش هخليكي تضيعي مجهود و تعب حد من سنين طويله في يوم واحد وبرضوا مش هخليكي تكسري ثقة حد و ټجرحي مشاعره انا قولتلك اهو وانتي حره
تركتها ورد في الغرفه و نزلت إلى الحديقه 
نيرة ماااشي يا ورد ماااااشي
عند اسر كان يجلس في مطعم الفندق مع زين 
اسر على الهاتف اه يا جدي احنا كويسين
سعد الله طيب يا حبيبي سلملي على الباقي
اسر حاضر يا جدي يوصل
سعد الله هتيجوا بكره صح
اسر ايوا يا جدي
سعد الله ماشي يا حبيبي خلي بالكوا من نفسكوا
اسر حاضر
سعد الله سلام
اسر سلام
اغلق الهاتف و قال 
اسر جدي وحشني اوي
زين اه والله و امي برضوا و البت رنا
اسر يلا هنروح بكره
زين اول ما اروح هقولهم على موضوعي انا و نيرة
اسر والله يا زين فرحان عشانك اوي
زين ربنا يخليك يا حبيبي
نزلوا البنات و جلسوا مع اسر و زين عند ورد في الحديقه 
مازن احمممم
ورد نظرت له وقالت ااا ازيك
مازن جلس و قال الحمد لله بخير وانتي عامله ايه
ورد انا الحمد لله بخير
مازن يارب دايما هااه قاعده لوحدك هنا ليه
ورد عادي بحب اقعد في الجنينه اوي
مازن فعلا وانا بحب الطبيعه جدا بحس براحه نفسية كده
ورد بإبتسامه فعلا مازن
مازن نعم
ورد ينفع تقرأ قرأن يعني انا فاكره لما كنا في الاسانسير انت قرأت قرأن و بصراحه يعني صوتك اللهم بارك حلو في القرأن
مازن بإبتسامه حاضر يا ورد
بدأ بقراءة بعض الأيات 
في المطعم 
رويه اومال ورد فين
نيرة تقريبا قاعده في الجنينه
رويه هيا كويسه يعني ولا اروح اشوفها عشان تقعد معانا
نيرة لا لا سيبيها هيا بتحب تقعد في اماكن الطبيعه جدا
رويه اه تمام
عند ورد 
ورد على كده بقي انت حافظ كام جزء
مازن ٢٤ ادعيلي اختمه
ورد اللهم بارك بجد
مازن تسلمي
ورد اااه صح انا همشي بكره بإذن الرحمن
مازن بزعل اه توصلي بالسلامه
ورد شكرا
مازن بجد كانت صدفه حلوه
ورد فعلا عن اذنك انا طالعه الأوضه بقي
مازن اذنك معاكي
ورد سلام
مازن سلام
انتهي اليوم و صعد الجميع إلى غرفته و جاء تاني يوم 
في الصباح و خصوصا في غرفه ورد و نيرة 
ورد و هيا تأخذ ملابسها نيرة هاتي معلش الخمار اللي عندك ده
نيرة تعالي خوديه انتي
ورد يا نيرة معلش مش هتخسري حاجه
نيرة خوديه انتي يا ورد و ابعدي عني بقى
ورد ماشي يا نيرة
اخذت ملابسها و نزلت تحت وجدت زين ينتظرهم 
ورد بإبتسامه صباح الخير
زين صباح النور اختك جهزت
ورد اه قربت تخلص اهو و تنزل
زين اه صح هيا قالتلك حاجه عني
ورد حاجه عنك زي ايه
زين اني هكلم اهلي النهارده و اجي اتقدملها يعني
ورد اه اه قالتلي مبارك و ان شاء الله تكمل على خير
زين يارب هشوفك كتير هااه فنحاول نستحمل بعض او بالمعنى الأصح تتعودي اني هكون من عيلتك يعني جوز اختك وكده
ورد قول ان شاء الله الاول
زين ان شاء الله
ورد بص يا زين ممكن اكون اتكلمت معاك بطريقه رخمه ساعة موضوع هدير و نيرة اختي انا اسفه لأن عرفت ان ده مش ذنبك يعني انا اتسرعت في الحكم و اسفه اني قولتلك انك عديم الشخصيه ساعتها انا كنت مټعصبه لأن مش بحب حد يأذي شخص انا بحبه
زين اممم بصراحه ساعتها مكنتش طايقك لأن اول مره حد يتكلم معايا بالطريقه دي
ورد عارفه والله عشان كده بعتذر خصوصا لما عرفت انه مش ذنبك
زين بعدم فهم يعني ايه
مش ذنبي عايز افهم
ورد اااا عادي يعني هتعرف مع الوقت
زين لا عايز افهم دلوقتي
ورد مش عايزه اتدخل في العلاقه بينك انتي و اختي من دلوقتي
زين بعدم فهم ايه اللي دخل الموضوع ده في العلاقه بيني انا و اختك مش فاهم دي كانت حاډثه و خلصت خلاص
ورد احممم انا كنت عايزه اعتذرلك مش اكتر
جائت رغد وقالت 
رغد صباح الخير
ورد صباح النور
زين اومال اسيا و رويه فين
رغد نازلين اهو
اجتمع الجميع و لكن كانوا بإنتظار نيرة 
كان مازن يقف من بعيد ثم نظر لورد و أبتسم لها ثم ذهب 
جائت نيرة وقالت معلش علي التأخير
زين لا لا ولا يهمك
رغد طب يلا بينا عشان الطيارة
ذهبوا إلى المطار و حجزوا تذاكر الطيارة كان زين يجلس بجانب ورد اسر بجانب رغد اخته اسيا بجانب رويه نيرة كانت بعيده عنهم 
عند أسيا و رويه في الطيارة 
اسيا اه صح انتي متعرفيش
رويه تركت هاتفها معرفش ايه
اسيا ان زين اخويا بيحب نيرة و اعترفلها و هيا وافقت هيكلم جدو و العيله النهارده عشان يحدد معاد و يروح يتقدم
رويه بسعاده بتهزري
اسيا لا والله مش بهزر
رويه اخيرا بقي زين وقع اااخ واللي يشوفه وهو بيقول لاااا انا مش بتاع حب و جواز و الكلام ده مش يشوفه وهو كده
اسيا اه والله بس مضايقه اوي علي رغد
رويه ليه
اسيا اصل بدأت تحكي لها تفاصيل هذا اليوم عند اعتراف زين لنيرة 
عند ورد و زين 
ورد بضحك هههههه ده الدب ان شافها كده هيعلقها
زين نظر لها وجدها تشاهد ماشا والدب قال يارب انا عايز نفس العقليه دي و الروقان ده وانا هعيش في سلام والله
ورد بتقول حاجه
زين لا لا كملي
ورد بإبتسامه ماشي
هبطت الطائرة و نزل الجميع 
اسيا بجد كانت رحله حلوه جدا شكرا ليكم
نيرة العفو يا اسيا انتوا اللي شكرا بجد
زين لما تروحي البيت طمنيني ماشي
نيرة بإبتسامه ماشي سلام
ركبت هيا و ورد التاكسي و ذهبوا إلى منزلهم 
في منزل محمد 
جميله قوم يا يزيد افتح الباب
يزيد ثانيه يا ماما
جميله مش هقول تاني يا يزيد قوم افتح الباب
يزيد حاضر يا ماما ثانيه بس
جميله ما تقوم يابني هو اللي قدام الباب هيفهم يعني ايه ثانيه
يزيد يوووه قايم اهو
جميله ونعم الاحترام عرفت اربي
فتح يزيد و وجد نيرة و ورد 
يزيد نيرو وحشتيني
نيرة وانت كمان وحشتني والله
يزيد ادخلي ادخلي
دخلت نيرة و خلفها ورد و اغلقت الباب 
ورد وانا وحشتك صح
يزيد انتي ايه اللي جابك
ورد اه يا زباله
يزيد البيت كان هادي
ورد بتركيز يزيد مش ده ثانيه كده ده شرااااابي
يزيد ايه ده هو جه رجلي ازاي
ورد والله! انت ادرى اقلعه
يزيد لا شكله حلو
ورد اقلعه انجز
يزيد لا بقولك
ورد أنت كدا شحات و بجح
مسكت يزيد من التيشيرت 
ورد لا ما انت هتقلعه يعني هتقلعه
خرج الاب محمد وقال انا عارف والله بما ان في دوشه يبقي ورد جت
جميله دول اول ما دخلوا و هما بيتخانقوا
ورد ماما خليه يقلع الشراب بتاعي
يزيد والله ابدا
ورد يعني كده ماااشي متزعلش بقي اه صح ازيكوا يا جماعه