داغر

طب ماشي..... يا بابا.... بابا
ياااه كويس انك ندهتيني يا روان دا مراد كان واحشني اوي بقالي كتير مشوفتوش 
روان بصت لباباها بعصبيه
ومراد كان بيغظها اكتر ياااه ازيك يا حج... 
دليلا نزلت من العربيه ورزعتها 
داغر براحه يا دليلا
دليلا زي ما تكون. ما صدقت كلمها عشان تطلع فيه كل عصبيتها انت پتخاف عليا كدا ليه ها ليه بتتصل وبتسأل عليا انا بنسبالك اي عشان تخاف عليا انا بنسبالك مهمه صح... طب المهمه اتلغت.... لسه متجوزاك ليه... ليهه
داغر ببرود هخاف عليكي ليه يعني هو انا بطيقك اصلا 
دا انا ببص في خلقتك الصبح بالعافيه!! 

جايه تقوليلي پتخاف عليا ليه انتي عبيطه 
دليلا بصوت عالي طب لما انتي مبطقنيش والمهمه اتلغت لسه متجوزني ليهه ليهه 
داغر ادخلي زاكري يا دليلا
دليلا يعني انت متجوزني وبتهددني ببيتي تمام....من هنا ورايح انت ملكش دعوه بيا عشان كل الاحنا فيه دا علي الورق وبس....يعني لا تتصل بيا...ولا تخاف عليا....ولا توصلني....كل البيني وبينك مصلحه للشغل وبس...
داغر بسخريه ههه موتيني من الضحك 
دليلا واشمعنا انا مبدخلش في خصوصياتك
داغر عشان ملكيش حق
دليلا بسيطه...وانت كمان ملكش حق
داغر لأ انا ليا ونص كمان
دليلا دخلت البيت بعصبيه وهو دخل وقفل الباب وراه
دليلا كانت في اوضتها مش سمعاه
داغر طلعلها وفتح الباب هو انا مش بتكلم
دليلا مين قالك تفتح الباب متعلمتش تخبط
داغر خرج تاني وقفل الباب...
البسي اي حاجه وابقي انزليلي...
دليلا لبست چيبه سودا وتيشرت اسود وكوتش ابيض ومسيبه شعرها ونزلت....
كانت هتفتح الباب وتخرج
داغر علي فين...
دليلا قولتلك متدخلش
داغر قرب منها بعصبيه مكتومه مدخلش لا بجد
دليلا ينفع اعرف انت عايز اي 
داغر هو انا كل لما اكلمك تقوليلي عايز اي.....انتي مجنونه
دليلا خبطته في كتفه بأيديها انت المچنون هو انت مش شايف افعالك.....واحده مكاني المفروض تكون بتذاكر وبتاخد دروسها وعايشه مع اهلها و فرحانه وبتقابل صحابها لاكن مش علطول تعيسه....مش علطول تعيسه...
داغر مسك ايدها بقوه حياتك مش ليكي لوحدك وانتي عارفه كدا كويس
دليلا بدموع لا ليا للوحدي دي حياتي انا......حياتي انا انت فاهم يعني اي حياتي....يعني ليا انا....يعني تخصني انا
داغر لا حياتك تخصني..متخصكيش انتي حياتك ملكي انا
دليلا بدموع انت بتقصد تظلمني وتجرحني.. بتقصد تبين اني ضعيفه انت انسان انسان انت مش انسان 
داغر مسح علي وسه عشان ميبينش دموعه وقال في سره انا عايش عشانك يا دليلا.... انا بعشقك.... 
دليلا بدموع طول عمرك هتفضل ساكت عمرك ما هتواجهه الحقيقه.... 
زقته بعد وقت كأنها بتكرهه وطلعت اوضتها
داغر لامس شعره بتوتر ومسك تلفونه مراد...انت معايا
مراد معاك
داغر خبرهم اني هخرج من المهمه دخل المقدم عمر بدالي
مراد مالك يا داغر بقالك فتره مش علي بعضك
داغر معلش محتاج اكون لوحدي لفتره كدا
سلمي عايزه ادبر للبت الاسمها دليلا دي علقھ مۏت
شيماء البت دي مش سهله دي محتاجه مجموعه بنات ومجموعه ولاد كبيره يضربوها
سلمي والله ليكي حق
دليلا كانت قاعده في اوضتها بتزاكر....
اسيا رنت عليها 
دليلا نعم يا اسيا
اسيا ابعتيلي عنوان بيتك
دليلا حاضر هبعتهولك 
اسيا انا اديت رقمك لأياد
دليلا ليه كدا يا اسيا
اسيا هو فضل يزن عليا.....
دليلا تمام اقفلي دلوقتي
دليلا نزلت تشم هواء شويه وكانت بترش الزرع
داغر جه من وراها واداها شال عشان متبردش
دليلا
لفتله ورمت خرطوم المايه في الارض وفضلت متنحه في عيونه ومش قادره تبعد عنه ابدا بنظراته ليها زي

ما تكون نظراته بتشدها كل ما تحاول تبعد
داغر عينيكي اللونهم عسلي دول حلوين
دليلا في سرها نظراتك حلوه اوي
داغر انتي لسه متعرفيش حاجه عني يا دليلا
دليلا بهدوء انت المش عايز تحكيلي
داغر بص في عيونها الاتنين ومسك ايدها وحطها علي قلبه
بصي بينبض ازاي.!!....تعرفي انا بحس بأيه دلوقتي 
دليلا بتوتر وبرود بأيه
داغر انا عاشق يا دليلا انا مغرم بيكي جوايا كلام مش قادر اوصفه ليكي انا بعشقك....مش بس بحبك مسك ايدها الاتنين... 
دليلا كانت تايهه في عيونه
دليلا بأستغراب ا.. انت مستوعب الانت بتعمله... 
داغر مستوعب ومستعد اقضي عمري كله معاكي يا دليلا
دليلا فاقت من التفكير الهي فيه وعرفت ان داغر اصلا مقلهاش حاجه وهي كانت بتحلم مش اكتر ولما نزلت علي ارض الواقع تاني لقت نفسها قاعده بتزاكر زي ما كانت ولا نزلت تحت ولا داغر كلمها ولا حاجه...... 
كملت مزاكره و هنا كان الباب خبط.... 
دليلا كويس انك اتعلمت تخبط قبل ما تدخل.... 
داغر دخل وماسك في ايده صنيه.... عليها عصير ووجبه
دليلا ده اي ده انشاء الله
داغر دا اكل اي مش شايفه
دليلا بعصبيه طب ما تتكلم عدل يعني وبعدين تعالا وصلني بكرا المستشفي
داغر بتساؤل ليه انشاء الله 
دليلا بطفوله هيكون ليه يعني هروح اعمل عمليه قلب... هروح عشان افك الجبس دا اتضايقت منه.... 
داغر پخوف عليها وانتي بقيتي تقدري تمشي علي رجلك اصلا... 
دليلا بشمأزاز وانت مالك اصلا
داغر اتكلمي معايا بأحترام 
دليلا بعصبيه لييه 
داغر عشان جوزك... 
دليلا سكتت وهي بتتريق عليه
داغر قام من جمبها كلي اكلك واشربي العصير وخلصي مزاكرتك.... ونامي
دليلا بتعاملني كأنك بابا اوي
داغر في سره ما انتي بنتي وكل حاجه ليا....
خرج وهو بيبوصيلها بتحذير..انها تكمل مذاكره وهي لفت بالكرسي وهي بتضحك علي طريقه كلامه معاها...
روان ما تخلي حسن هو اليروح يوصل الطلبات دي يا بابا...
لا يا روان حسن مش موجود وانا الواقف في السوبر ماركت مين غيرك هيروح يوصل الطلبات....
روان يووه 
هات العنوان... يا بابا.... 
سميحه البت دي ملهاش غيرنا لازم نروح ونسأل عنها يا عاصم
عاصم انا روحت يما وكسفتني.... 
سميحه لا لا لازم نعرف اتجوزت امتي وفين القسيمه ونعرف كل حاجه.... 
عاصم انا مش هروحلها تاني خلاص انتهي... 
سميحه انا هروح... 
عاصم دلوقتي قلبك حن 
ما انتي طردتيها وراحت عاشت
في دار ايتام كنتي فين ساعتها
سميحه سكتت بخبث
دليلا كانت خلصت مزاكرتها 
وقعدت شويه تبص من
الشباك.... 
وتفكيرها في داغر مبيخلصش
طب اي السبب اليخليها تفكر في واحد هي بتكرهه
هي عقلها مصر ان هي بتكرهه 
داغر
بس قلبها.... مبيقولش كدا
دليلا خرجت من اوضتها وهي نازله الجنينه مقدرتش تشوف اوضه داغر من غير ما تبص عليه او حتي تشوفه....
فا خبطت ودخلت.....
كان عامل نفسه نايم عشان يشوف دليلا هتعمل اي
دليلا دخلت بخفوت وببطئ وشدت الكرسي براحه وقعدت جمبه وهي بتبص لشكله 
مش قادره اتخيل اني ممكن يكون في قلبي ليك ذره حب...ولا قادره اتوقع اني في يوم من الايام ممكن احب واحد زيك اصلا.....بس ڠصب عني لما بشوفك بحس ان فرحانه من جوايا حتي لو مبينه ده....مبقدرش اعدي من علي اوضتك من غير ما اشوفك....مبكملش يومي من غير ما ابص لعيونك.... حتي صوتك العالي وعصبيتك....بفتقدهم لما مش بشوفك.....انا في ايه الانا فيه دا اسمه ايه انا بكرهك بكرهك اوي انت دمرتني اكتر من الاول...........
دليلا خرجت من الاوضه...
وداغر قام وبعد ما سمع الكلام فرح....ولما افتكر اخر جمله فضل يضحك عليها طفله!!...بتحبك طفله متردده في كل حاجه.... مره انا بحبك ومره انا بكرهك.... 
انا غلطان اني بكلمها اصلا او بتعامل معاها عشان معودهاش عليا..... عشان انا اصلا مبحبهاش
بس قلبه بيقول غير كدا
اي اليخليه ېخاف..او يغير او يهتم او يبص لعيون دليلا بالمنظر دا غير انه بيحبها 
كمل نومه ......
وهي دخلت اوضتها عشان تصحي لمدرستها
روان كانت عامله كحكه منحكشه..... وعماله ترن الجرس 
مراد خرج اي عمال..رن رن...
روان برقت پصدمه هو انت 
مراد انتي جايه لحد باب بيتي وتقوليلي هو انت...
روان علي اساس اني هقصد اجي وبعد كدا اتفاجئ!! 
مراد انتي الجايه لحد باب بيتي مستنيه مني اي
روان مستنيه منك تاخد الطلبات......
مراد مكنتش اعرف ان الحج هيخليكي انتي التوصليلي الطلبات....
روان اديك عرفت....
مراد خرجت من شقته....
روان زقته في كتفه وجريت علي السلم......
مراد مجنونه..
في صباح يوم جديد....
دليلا لبست لبس المدرسه وكانت مسيبه شعرها وماسكه شنطتها ونازله من علي سلم اوضتها ونازله للمطبخ عشان تحضر اكلها....
داغر برضو كنتي هتعملي نفس العمله.....وتمشي من غير ما تخليني اوصلك 
دليلا لفتله لسه بحضر الاكل شوفتني خرجت من غير ما اقولك.....
داغر جدعه مع الوقت هتتعلمي.......
دليلا متعصبنيش انا ال في دماغي بعمله يعني كل دا بمزاجي....
داغر بمعاكسهوقعتي بلسانك.
معني كدا انك مستنياني اوصلك بمزاجك....
دليلا سكتت بكسوف ووشها احمر مكانتش عارفه تقول اي
داغر نزل وخدها من ايدها وركبها العربيه....ووصلها لمدرستها....
داغر مسبهاش تنزل لوحدها ولسه بيحس بغيره عليها...نزل وخدها من ايدها وډخلها المدرسه.....
اياد طلع يجري عليها اول ما شافها..... وداغر كان معاها
اياد بنهجان دلي..دليلاهه...دليلا ازيك...
دليلا بتوتر عشان داغر جمبها ا..ازيك يا اياد...
اياد شدها من ايدها تعالي هعرفك علي بقيت الشله...
كانت اسيا وصلت ووراها شيماء وسلمي....
داغر بغيره تعرفها علي مين عيد تاني كدا 
اياد مين دا 
دليلا سكتت
داغر بعصبيه ملكش دعوه بيها يلا....
اياد زقه في كتفه وانت مالك انت كنت سألتك ولا دخلتك...
داغر مسك ايده وضربه بالروصيه في راسه وانا لسه هستني منك انك تدخلني يلا..
اياد وقع في الارض ماسك راسه..... 
دليلا كانت ساكته بكسوف ووشها كله احمر من كسوفها من الناس العماله تبص عليها وخصوصا صحابها
اسيا بتفاجئ هو مين دا يا دليلا وازاي سيباه يعمل كدا
داغر بعصبيه جوزها.......
اسيا اتفاجئت وسكتت
وسلمي وشيماء اما مصدقوا يمسكوا في دليلا حاجه...
داغر وصلها لفصلها ومشي...
دليلا من كسوفها من الناس دخلت الحمام وفضلت ټعيط قدام المرايه....ووشها كله احمر
اسيا دخلت وراها....
اسيا بټعيطي ليه يا لي..لي..
دليلا بأنهيار متنطقيش الدلع دا تاني انتي سامعه....
اسيا بأستغراب في اي!! 
دليلا سحبت مناديل وخرجت بعصبيه.....
واول ما دخلت الفصل كانت نشفت وشها ومسحت دموعها
شيماء متجوزه عندها ١٨ سنه انتوا متخيلين
اياد كان ساكت بغيره
سلمي لا مش متخيله ازاي واحده تتجوز وهي صغيره كدا.
اسيا ما تحترموا نفسكوا بقا
كريم اظاهر انها هي وجوزها بيلعبوا كونج فو اصلهم في الضړب مشاء الله عليهم...
دليلا كانت قاعده وبتحاول ترفع راسها ومتدمعش
سلمي طب و علي كدا مامتك وباباكي موافقين
شيماء طبعا موافقين مش شايفين واحد غني اكيد هيوافقوا.....ما هما شبهها كلاب فلوس.....
دليلا قامت والعصبيه كانت هطق من وشها مسكت شيماء جيبتي سيرتي سكتلك.....اتخانقتي معايا سكتلك..... شتمتي فيا سكتلك لاكن تجيبي سيره اهلي مش هسمحلك ولا هسكتلك...
اسيا كانت بتحاول تمسك ايد دليلا وتحوش عن شيماء هت..ھتموت..ھتموت في ايدك يا
دليلا....
وسلمي من خۏفها من دليلا..طلعت تجري....
دخلت الميس....
اي الانتي عماتيه لزميلتك دا
دليلا بعصبيه دي مش زميلتي انا لو اطول اموتها هموتها
الميس شدت دليلا من ايدها وخدتها

علي المدير....
ازيك يا مستر اكرم انا ميس روان الميس الجديده....البنت دي مانت هتخنق صاحبتها قدامنا كلنا....دي مجنونه ومينفعش تقعد معاهم في الفصل.....
دليلا كانت في ملكوت تاني اصلا وشها هينفجر من العصبيه والظلم طابق عليها من داغر و من الميس ومن صحابها و في كل حته....
روان احكي للمستر يا شيماء البنت دي عملت معاكي اي
شيماء كانت هتخنقني يا مستر
كنت ھموت في ايدها....
المستر واي السبب الخلاها تعمل كدا.....
شيماء مفيش ضيعتلها تليفونها من غير قصدي واول ما جيبته اتهمتني اني كنت سرقاه وكانت هتخنقني....
دليلا من كتر الظلم مقدرتش تتكلم او ختي تنطق زي ما