جاسم

تعبان جدا وعاوز استريح ومش فاضى لسهرات شيرى 
شيرى مسافر فين يا فهد 
فهد دبى شغل هناك 
شيرى ياخساره لو كنت اعرف كنت جهزت نفسى وسفرت معاك يا بيبى وكنا اتفسحنا سوا وقضينا وقت يجنن سوا 
يارا بصوت واطى بيبى لما يخدك يا شيخه والحمدالله انك متعرفيش لزقه 
فهد تجى فين بقلك شغل
فريده هتغيب هناك يا فهد 
فهد مش عارف يا ماما لما اخلص الشغل ال هناك 
شيرى هتوحشنى اوى يا بيبى 
يارا وحشك قطر يا بعيده 
فهد بيكتم الضخكه لما سمع اخته وهيا بصتله وبتضحك 
جمالات فريده هانم العشا جاهز 

فريده طب روحى يا جمالات نادى منصور
بيه يلا 
وقاموا يتعشوا وبعديها استأذن فهد وطلع اوضته يرتب شنطته ويجهز كل الاوراق ال هيخدها معاه وبعدين اخد شور ودخل على سريره ينام بس كل تفكيره فى صاحبه العيون الساحره واتمنى يشوفها تانى وفضل يفكر فيها لحد مانام 
صحى فهد وجهز نفسه عشان السفر نزل من اوضته بكل ثقه وغرور 
فهد صباح الخير 
منصور صباح الخير يا حبيبى خلاص مسافر دلوقتى 
فهد ايوه يا بابا الطياره كمان ساعتين 
منصور توصل بسلامه يابنى خلى بالك من نفسك وسلملى على ادهم وقوله عمك بيقولك انت وحشته وعاوز يشوفك
فهد حاضر يابابا احنا كنا متفقين نخلص الشغل ال هناك وهينزل معايا اجازه 
منصور تيجوا بسلامه يا حبيبى 
فريده مش هتفطر يا فهد 
فهد لا مش هقدر متاخر اشوف وشكم بخير 
يارا قامت تجرى ورا اخوها فهد هتوحشنى اوى 
فهد وانتى كمان يا قلبى خلى بالك من نفسك عمار هيعدى عليكى يوصلك ومتغلبهوش انا عارف دماغك فاهمهة
يارا مبسوطه جدا حاضر يا فهود ثق فى اختك هههههههه
فهد ثق يبقى هتعملى كارثه هههههه سلام يا لمضه
يارا سلام يا حبيبى ترجعلنا بسلامه
بعد ما مشى فهد 
فريده منصور مش هتكلم مع فهد عشان موضوع جوازه من شيرى 
يارا شيرى مين دى يا ماما ال فهد يتحوزها دى انسانه تافهه وسطحيه وفهد عمره مايوافق بيها 
فريده بزعيق يارا متدخليش فى الكلام مفهوم ويلا اطلعى على اوضتك اجهزى مش عندك كليه 
يارا باصه ل ملمتها وزعلانه من طرقتها 
منصور معلش يا حبيبتى متزعليش واطلعى يلا اجهزى عمار زمانه جاى يوصلك 
يارا حاضر يابابا
منصور بعد ما يارا طلعت فى ايه يا فريده انا صابر على اسلوبك ده عشان الولاد واننا مبقناش صغيرين 
فريده طرقتى مالها يا منصور وبعدين انا عوزه افرح بفهد بوحده تليق بيه 
منصور وانتى شايفه ان شيرى هيا ال هتليق بيه 
فريده مالها شيرى بنت اختى وعارفنها والدها كان من اعز اصحابك وشريك الله يرحمه 
منصور ابوها كان ونعم الرجال الله يرحمه بس انا بقول على البنت نفسها طبعها وتصرفتها غير فهد خالص مش هتنفعه 
فريده يعنى ايه يا منصور انت مكلمتوش 
منصور يا ستى كلمته وهو
رفض الموضوع وقالى مش شيرى ال تليق تجوزه وتبقى ام اولاده 
فريده يعنى ايه الكلام ده مش هينفع لما يرجع ليا كلام تانى معاه 
منصور بياخد نفس طويل وبيقول فى نفسه ربنا يصبرنى عليكى وقام وسابها دخل المكتب 
وصل عمار الفيلا عشان ياخد يارا للكليه 
عمار صباح الخير يا عمى 
منصور صباح النور يا عمار عامل ايه وحشتنى محدش بيشوفك بقالك فتره 
عمار معلش يا عمى انت عارف فهد والشغل مش رحمنا خالص 
وانت كمان وحشنى والله 
منصور ربنا معاكوا يا حبيبى معلش هنتعبك معانا كل يوم فهد حكالى على ال انت عملته مع يارا ربنا يبارك فيك يابنى 
عمار تعب ايه تعبكم راحه وانا معملتش غير ال مفروض اعمله يارا غاليه عليا جدا قصدى علينا هيا جهزت ولا لسه 
منصور هبعتلها جمالات 
منصور جمالات جمالات شوفى يارا خلصت ولا لأ قوليلها عمار مستنيها تحت
جمالات حاضر يا منصور بيه 
طلعت جمالات تنده يارا 
وبعدين نزلت يارا ودخلت عليهم المكتب كانت لبسه درس رقيق جدا وبتضحك وظهرت غمزتها وبتقولهم صباح الخير 
منصور صباح النور يا قلبى 
عمار اول ما شافها فصل باصص ليها وسرحان وبيقول فى نفسه يخربيت جمالك ده انتى خطړ عليا 
منصور اخد باله من سرحان عمار فى يارا وبيدعى ربنا ان يكون عمار من نصيب بنته لانه راجل وهيكون مطمن على يارا وهيا معاه 
يارا عمار يلا انا جهزه
عمار اه ايه طب يلا بينا 
يارا يلا 
خرجوا من المكتب ومنصور بيبتسم على لخبطه عمار وبيقول فى نفسه يارب ال شفته يكون حقيقه مكنش بوهم نفسى 
نروح لبطلتنا صاحبت العيون الزيتونيه الساحره 
حنين تصحى من النوم تبوس بنتها همس وتخرج من الاوضه 
صباح الخير يا ماما 
امل صباح الخير يا قلب ماما هتروحى تستلمى الشغل النهارده 
حنين ايوه يا حبيبتى هفطر وادخل البس وانزل على طول نور هتعدى عليا 
امل ربنا معاكى يا بنتى ويعوضك خير 
حنين يارب يا ماما خلى بالك من همس واديها الدوا فى معاده 
امل متقلقيش همس دى قلبى دى اغلى منك 
حنين ربنا يخليكى لينا يا ماما وتفطر حنين وتدخل اوضتها تلبس عشان تبدا اول خطوه فى تحقيق حلمها وطموحها انها تبقى من افضل المهندسين فى مصر 
اما فى العربيه 
عمار انتى هتخلصى محاضرات امتى 
يارا الساعه ٣ 
عمار تمام هتلقينى مستنكى بره لما تخلصى 
يارا عمار 
هى اول ما نطقت اسمه بصلها وقال فى نفسه هو انا اسمى حلو كده ولا عشان هيا ال بتنطقه من شفيفها ال زى الكريز دى يخربيتك يا بت هتجننى الصبر يا رب 
يارا فضلت تنده عليه وهيا مكسوفه من نظرته ليا وبتتمنى ان يكون احساسها صح وعمار بيبدلها نفس الشعور 
عمار اسف سرحت شويه كنتى بتقولى ايه 
يارا كنت بقول شكرا على تعبك معايا 
عمار شكرا ايه ده انا ال بشكر الظروف ال خلتنى اوصلك كل يوم وبيبتسم ليها بطريقه خطفت قلبها 
وفضلوا طول الطريق يبصوا لبعض
وحسين بحاجه بس محدش فيهم قادر يصرح لتانى على الجواه خاېف يكون بيوهم نفسه وصلوا عند الكليه 
عمار خلى بالك من نفسك ولو احتجتى حاجه كلمينى على طول 
يارا حاضر باى 
عمار بعد ما مشيت مع السلامه ياقلبى لازم اوصل لقلبك يا احلى يارا شفتها 
ومشى بالعربيه راحل الشركه عشان الاجتماع 
اول ما وصل الشركه دخل بثقه وقوه لاتقل عن فهد 
دخل على مكتبه وطلب السكرتبره بتاعته 
عمار هدى هاتى الملفات ال عندك وتعاليلى 
هدى حاضر يا فندم
اتفضل يا فندم دى الملفات ال محتجاه توقيعةحضرتك 
عمار طيب سبيهم هرجعهم اول ما المهندسين الجدد يوصلوا دخليهم اوضه الاجتماعات وبلغينى 
هدى حاضر يا فندم 
وصلت حنين ونور الشركه بطلتهم الحذابه وراحت نور على مكتبها لما حنين راحت مكتب عمار 
حنين صباح الخير فى ميعاد مع مهندس عمار
هدى صباح النور حضرتك من المهندسين الجدد 
حنين ايوه 
هدى طب اتفضلى اوضه الاجتماعات وعمار بيه هيدخلكم
دخلت حنين اوضه الاجتماعات لقت حسام بيضحكلها 
حنين عارفه ان حسام بيحبها بس هيا شيفاه اخ وبس 
صباح الخير 
حسام صباح النور عامله ايه 
حنين تمام الحمدالله
عمار دخل اوضه الاجتماعات عرف المهندسين على بعض 
كده انتم عرفتم بعض ندخل فى المهم 
فى مشروع جديد الشركه هتنفذه مجموعه فنادق فى شرم ولان مجموعه الزينى معروفه بشغلها المميز فانا عاوز تصممات مميزه جدا او بمعنى اصح مبهره حضرتكم انتم الخمسه هتشتغلوا عليه قدامكم ٣ اسابيع بالكتير المشروع مهم جدا ومش عوزين تاخير وانا هتناقش معاكم فى التصميم قبل ما يجى مهندس فهد من دبى وهختار من التصاميم افضل اتنين فيهم ولما يرجع مهندس فهد هنقشوهم وعلى فكره صاحب التصيمم ال هنختاره فى النهايه هو ال هيسافر معانا دبى لمشروع كبير جدا هناك وطبعا دى هتكون فرصه ليكم اى حد بيتمناها ماشى 
الجميع تمام يا فندم .
عمار تقدروا تروحوا على شغلكم 
هدى هتعرفكم مكتبكم فين ربنا معاكوا
تروح حنين على مكتبها مع نور فى نفس الاوضه 
نور عملتى ايه 
حنين تمام مهندس عمار قال على المشروع الجديد وهشتغل عليه 
نور ربنا معاكى يا حبيبتى
حنين يارب يا نور عوزه اثبت نفسى وحقق طموحى 
نور ان شاء الله طول عمرك شاطره
انتى ناسيه انك الاولى على الدفعه 
حنين ربنا يستر من قرك ده 
وبيضحكوا هما الاتنين 
ويمر اسبوع على ابطالنا ليس فيه الجديد غير ان 
عماركان يوصل يارا كل يوم الكليه تحت نظراته العاشقه لها 
ويارا بدات تحس ان عمار يكن لها مشاعر وانها تعيش اجمل ايام حياتها لمجرد انها تراه كل يوم وتكون بقربه 
وعمار سعيد للساعات التى يسرقها من الزمن معها وهى بجانبه 
وحنين بتشتغل على المشروع بكل مجهود وحماس 
اما فهد كان بيشتغل هو وادهم وبيحاولوا يخلصوا شغلهم بدرى عشان ينزلوا مصر ولم ينسى صاحبت العيون الزيتونيه التى اسرته ويتمنى ان يجمعه القدر بيها مره ثانيه 
يمر كمان اسبوع على ابطالنا قربت حنين فيه تخلص المشروع وبتتمنى المشروع يعجبهم وبتحاول تتجنب حسام على قدماتقدر فى الشغل بسبب نظرته ليها ال كلها حب وعشق ليها 
فهد وادهم قربوا يخلصوا شغلهم ويرجعوا مصر 
اما عمار بعدما وصل يارا زى كل يوم ورجع على الشركه والابتسامه مش مفارقه وشه عشان كل يوم يشوف حبيبت قلبه يارا وهو قاعد سرحان فيها وبيفكر انه لازم يعترفلها بحبه لانه خلاص مبقاش قادر يخبى ولا يبعد عنها خصوصا الاسبوعين ال فاتو قربوا من بعض جدا ومش متخيل بعد كده انو ميشفهاش كل يوم هو وعشقه ليها واخد قرار انو لازم يكلمها
وفجأه تلفونه رن بص على الرقم لقاه يارا قلبه كان هيطير من السعاده اول ما فتح الخط 
عمار ايوه يا يارا 
يارا بټعيط جامد جدا وبتقول اسمه بالعافيه
عمار اول ما سمع صوت عياطها قام وقف واتخض عليها ووجعه قلبه يارا حبيبتى مالك فى ايه 
يارا اول ما سمعت كلمت حبيبتى سكتت مره واحده ومردتش 
عمار مأخدش باله انو قلها حبيبتى فضل ينادى عليها يارا يارا ردى عليا مالك بتعيطى ليه طمنينى عليكى 
يارا وهى بټعيط تانى عمار تعال الكليه دلوقتى 
عمار وهو بياخد مفتيحه وبينزل يجرى من الشركه طيب انا جايلك حالا بس عشان خطرى اهدى ومتعيطيش وصل عمار الكليه فى وقت صغير مش عارف هو وصل ازاى وكان هيعمل كذا حاډثه بس هو كان تفكيره فى يارا وبس عرف انها فى اوضه العميد خبط الباب ودخل 
السلام عليكم وبص على حبيبته لقى دموعها نازله على خدها جامد جدا وفى شاب واقف فى الاوضه باين عليه انو صايع 
عمار بص للعميد
انا المهندس عمار الاسيوطى 
العميد اهلا يا فندم طبعا حضرتك غانى عن التعريف 
عمار خير يا فندم ايه ال حصل بظبط 
العميد والله انا قلت للانسه يارا انا هحل الموضوع ومتتعبش حضرتك 
عمار موضوع ايه بظبط انا هنا مكان فهد اخوها لانه مسافر 
العميد اصل حصل مشاده بينها وبين زميل ليها وانا
هخليه يتأسفلها حالا 
عمار يارا بصلى ايه ال حصل هو بيتكلم وبحاول يسيطر على غضبه
يارا بصتله واول ماشاف عيونها قلبه كانه انطعن بسکينه على دموعها وشكلها وبدات تحكيله ال حصل 
عمار اهدى يا يارا واتكلمى براحه 
يارا حاضر البنى ادم ده انسان مش محترم بيحاول كل يوم يعكسنى ويرزل
عليا وبيقول وسكتت شويه 
عمار