عوضي الأجمل بقلم اسراء ابراهيم

من قبل ما اشوفك اصلا فخلاص احنا اصحاب مفيش نقاش
ضحكت ملك بخفة وردت بتأكيد وهي بتبص حواليها بتوتر 
اكيد طبعا اصلا انا اللي حبيتك من كتر كلام سلمي عنك وعن قد ايه انتي انسانة جميلة خلتني بقي عندي فضول اشوفك واتعرف عليكي
وهما بيتكملو كانت نهي وصلت المحطة فردت نهي بحب وهي بتدور بعنيها علي ملك 
استني انا شوفتك اهو وجيالك بس ايه الجمدان ده وربنا قمر
ابتسمت ملك علي كلام نهي وشافتها داخله عليها فسلمو علي بعض وبعدين نهي اخدت ملك ومشيو بسرعة علي الفندق
.......................
بعد شهر كانت قاعدة ملك في اوضتها بترتاح بعد ما خلصت شغلها وسلمت زميلتها الشفت بتاعها بصت لاول مرتب تقبضه واهو بين ايديها وابتسمت بفرحة وقررت تشتري بيه هدية لسلمي وتبعتهالها فجأة قامت ملك بسرعة بعد ما افتكرت ان المدير طلبها بعد الشغل وهي نسيت خالص فغيرت هدومها بسرعة وراحتله وخبطت ودخلت وهي بتبتسم بمجاملة وبتقوله بعملية 
اتفضل يا فندم حضرتك عاوزني في ايه 
اتكلم شريف بجدية وهو بيشاور لملك تقعد 
انتي بقالك شهر معانا يا ملك وما شاء الله شغلك ممتاز وكمان النزلاء بيشكرو فيكي وعلمتي معاهم وعشان كدة انا هثق فيكي واطلب منك تظبطي اوضة يامن نصار ومش عاوز انبهك انه من اهم النزلاء هنا في فندقي ودايما بيجي هنا يخلص شغله فعايز غرفته تكون خمس نجوم تقدري تتفضلي
ابتسمت ملك بتوتر وسابت شريف وخرجت وهي مش مصدقة انه طلب منها هي تشتغل في غرفة يامن نصار وده لانها سمعت كتير عنه من زمايلها وانهم بيتمنو انه المدير يختارهم للمهمة دي وده بسبب انه بيدي مبلغ كبير للبنت اللي بتظبتله غرفته وانه انسان كريم جدا لكنه صارم جدا جدا وبيخافو منه راحت ملك علي اوضتها عشان
انتي عارفة اقل مبلغ بيديه يامن بيه للبنت المسئولة عن نضافة اوضته كام ضعف مرتبي انا وانتي افرحي يا ملك دي بداية حلوة اوي ليكي
خاڤت ملك اكتر وردت پخوف وهي بتبص لنهي 
بس انا خاېفة يا نهي انا خاېفة اغلط والبنات كانت بتقول انه صارم اوي وبيغضب من اقل حاجة
مسكت نهي ايد ملك وقالتلها بتشجيع 
انتي قدها انا متأكدة يلا روحي شوفي شغلك بكرة عاوزة يامن ينبهر لما يشوف اوضته وطريقتك الحلوة بترتيبها
اخدت ملك نفسها وابتسمت لنهي بتشجيع وسابتها ومشيت
....................
تاني يوم كانت واقفة ملك بتعب وهي بتشيك علي الاوضة بعد ما خلصت وبعدين اخدت ادوات التنضيف بتاعتها وخرجت وراحت علي مكتب شريف مديرها عشان تبلغه ان الغرفة جاهزة فخبطت ودخلت بس ملقتوش فاستغربت بس معلقتش وخرجت تاني وراحت اوضتها تغير وتستريح شوية بس من كتر التعب نامت ومحستش بنفسها غير ونهي بتصحيها بسرعة فقامت بخضة وهي بتقول لنهي 
في ايه يا نهي حد يصحي حد كدة برضه 
ردت نهي بسرعة وقلق وهي بتبص وراها 
قومي بسرعة يا ملك في مصېبة
ملك قلبها اتقبض وبصت لنهي پخوف وهي بتسألها بتردد
مصېبة ايه بس
ردت نهي وهي بتبص لملك وقالتلها بسرعة 
الدنيا مقلوبة عليكي برة ويامن نصار عايزك من تحت الارض وقالب الدنيا وشكله كدة ميبشرش بخير
ملك قامت بسرعة وهي بتسأل باستغراب 
وعاوزني في ايه اللي اسمه يامن ده انا مش خلصت شغلي وسلمته عايز مني ايه 
ردت نهي بضيق وهي بتبص لملك بعتاب 
ازاي بس