حماتى بقلم رحاب القاضي
دي بدل ما والله ما هعمل حساب لحد واربيكي قداامه سامعه ولا لا..
_ وقامت دخلت اوضتها وصبحي قام وقعد جنب رحمه وقال..
صبحي
مالك بقي يا ست البنات مين مزعلك بس قوليلي وما تعرفيش انا ممكن اعملك فيه ايه ده كله اللي مراتي..
قامت رحمه وقالت
بس انا لسه ما بقتش مراتك يا صبحي.. ولو سمحت بلاش الطريقه دي دلوقتي انا طايقه نفسي بالعافيه اصلا..
طيب انا همشيها مكسوفه او زعلانه زي امك ما قالت بس نصيحه ليكي يا بت الحلال تفكيها شويه عشان انتي لسه ما شوفتيش الوش التاني لصبحي وانصحك اصلا ما تشفيهوش..
وقام وقف وقال
السلام عليكم انا دلوقتي..
ومشي صبحي وفتحيه طلعت من اوضة عيالها وقالت..
فتحيه
انتي ايه ناويه تعملي ايه يا رحمه ليه عايزه تضيعي نفسك واخواتك ليه بعد ما ربنا كرمنا من اوسع ابوابه عايزه تقفلي الباب ده..
يا ماما حرام عليكي الكرم اللي حضرتك بتتكلمي عليه ده علي حساب حياتي ومستقبلي انو مشطايقه صبحي وهو خطيبي هطيقه وهو جوزي وانتي بؤضو مخليااني اكمل ڠصب عني في الجوازه دي..
فتحيه
يوووه هو احنا كل شويه هنغني ونرد علي بعض يا بت انتي ولا ايه بقولك ايه انتي تسمعي الكلام وتفردي خلقتك علي الراجل تعابي شوفي الحلويات والاكل اللي جايبه ليكي ولاخواتك وانتي نفسك تتفتح ليه ولامه ولعيلته كلها..
ماليش نفس يا ماما كلي انتي واخواتي واشبعو اشبعو من تمن سعادة بنتك اللي بعتيها لواحد مش بتحبه..
قالت كلامها ودخلت اوضتها وفتحيه قالت
يووووه بنت بومه ونكديه زي ابوها بالظبط اما اخد الاكل ده واكل انا الاول وبعدين ابقي اودي الباقي للعيال..
_ وعدت الايام واتجوزت رحمه صبحي ويوم دخلتهم كانت واقفه رحمه بالفستان ومعاها مامتها ونعيمه ام العريس اللي قالت..
بقولك ايه يا ست فتحيه انا عايزه اطمن علي عروسة ابني الاول قبل ما هو يدخل عليها..
فتحيه
قصدك ايه يا ام صبحي ولازمته ايه الكلام ده هو انتي جايه تاخدي بنتي وسمعتها وحشه لا كفا الله الشړ ده بنتي زي الفل والكل بيحلف بأخلاقها ما تتكلم يا سي صبحي..
صبحي
ايوه صح هو ايه الكلام اللي انتي بتقوليه ده يا اما ما يصحش كده رحمه ست البنات والكل بيشكر فيها وفي تربيتها واطمني يا ام صبحي انا الصبح هاجي واطمنك ان كل حاجه تمام..
بقي كده يا صبحي من اولها يا ابن بطني بتنصرهم علي امك اخص عليك وعلي تربيتي ليك يا ابني ليه كده بقي دي اخرة تعبي عليك واني ما اتجوزتش بعد ابوك وفضلت عايشه عشانك انت واخوك تعمل فيا كده..
صبحي بضيق
خلاص يا اما وحياتي عندك ما تزعلي يا ست الكل واللي عايزااه اعمليه وما حدش هيراجعك في حاجه..
رحمه پخوف
صبحي
جرا ايه يا حماتي ما تخلي بنتك تبطل كلام الافلام ده وبعدين امي وامك بس اللي هيدخلو معاكي وستات زيك..
نعيمه
لااا وخالتك وعمتك يا واااد دي هتبقي ډخله بلدي عشان تبقي انت غير كل اللي اتجوزو في الحاره ونخلي الناس كلها تعرف ان مراتك اشرف من الشرف..
رحمه پبكاء
يا ماما اوعي توافقي تخليهم يعملو فيا كده ابوس ايدك لا والنبي انا ممكن تحصلي حاجه..
فتحيه
وايه بس اللي يحصلك يا بت اقفي كده مظبوطه
وما تخافيش احنا ما عندنااش حاجه نخاف منها واللي عايز يتأكد يتأكد تعالي معايا جوه وانتي
يا ام
