روايه جديده بقلم شهد سامح

اختفيت

وأول ما دخل شغلت الفيديو وظهرت في الفيديو وأنا بقول: نزلت النهاردة اشتريت كلبشات زي بتاعتك أصل أنا كمان يا حضرت الظابط مش بسيب حقي ومش هاخد قلبك بس تؤ أنا طماعة وهاخدك كلك وهحطك جوة الكلبشات وهرمي مفتاحها بعد كده أنا شريرة بقى وحبي شرير زي وللأسف مضطر تستحمله وبما إني للأسف حبيتك فلازم اعاقبك إنك خليتني أحبك.....فغيرت أوضتك تاني وقبل ما تتعصب بص وراك وأنت هتنسى كل حاجة

والفيديو خلص وظهرت أنا ورا يوسف وكنت لابسة فستان فرح أبيض

وأول ما شافني قال پصدمة: قولي كده إنك بتحبيني تاني

قولت پصدمة: نهار أسود هو ده كل الي هامك أنت مش شايف أنا لابسة أيه

قولي بحبك تاني وبسرعة كده

طيب مش قايلة

طلع مسدسه وقال بټهديد: قولي.....بحبك

أنت خلقك ضيق كده ليه بحبك يا عم واكتشفت إني محبتش راجل غيرك يا يوسف

ونزل مسدسه من على دماغي وقال بثقة: كنت عارف إنك هتحبيني على فكرة

قولت بغيظ: تصدق إنك متستاهلش كل الي أنا عاملاه ده

وكنت همشي فمسك إيدي وقال بابتسامة: بس هو أيه القمر ده أنا كده هحبسك بجد عشان محدش يشوفك غيري

بعد أيه بقى لسه واخد بالك

يا حبيبي أنا واخد بالي من زمان عشان أنت كل يوم جميلة

عرفت تثبتني ماشي تعال بقى عشان نقطع التورتة

ومر خمس شهور بعد اليوم ده

وفي يوم صحيت لقيت نفسي تعبانة ودايخة وكنت شاكة إني حامل......أصل الأعراض الي عندي دي ديما بشوفها في المسلسلات عند الواحدة الحامل

جيبت اختبار حمل وقولت اشوف وهنا كانت صدمتي لما عرفت إني حامل

حضنت الاختبار بسعادة وجريت ناحية الأوضة وأنا بصحي يوسف وبقوله: يوسف الحق يا يوسف يا يوسف اصحى بسرعة

يوسف قام وقال بقلق: في أيه يا نغم

قعدت جنبه وقولت: أصل النهاردة حصل حاجة غريبة

وأيه هي وبسرعة عشان خلقي بدأ يضيق

قولت بصوت واطي: بدأ

بتقولي أيه يا نغم سمعيني

ولا حاجة يا روحي ده البيبي هو الي بيقول

بيبي مين

قولت بتاعنا......أنا حامل

ويوسف قال: بجد ولا مقلب من مقالبك السخيفة

لا والله بجد

بانت فرحته وقالي: مبروك يا روحي

قولت بخبث: يوسف البيبي عايز يروح يشوف السچن

مسكني من هدومي وهو بيقول بتحذير: أيوا أنا عارف الشغل ده الناس بتتوحم على الأكل يا روحي مش ع الأماكن ومفيش سجون يا نغم

خلاص خلي الواد يطلع فيه سجن ولا حاجة وذنبه هيبقى في رقابتك

سابني وقام وهو بيقول: ربنا يهديك يا نغم

ابتسمت وأنا بقول بهمس: لو مكنتش بحبك بس يا جو بحلاوتك وأنت متعصب دي

وأيه تاني يا روح جو قولي متتكسفيش

قولت پصدمة: أنت سمعت ازاي

حط إيدي على قلبه وقال: عشان ده بيحس بيكي ديما وطول مهو بيدق كده هيدق بحبك أنت بس يا أول وآخر واحدة حبيتها وهحبها في عمري كله

تمت

شهد:سامح