سيأتى العوض بقلم امانى السيد
لما يزعلها بصى يا زوزو لو بس فكر فكر يزعلك انا موجوده هرفعلك عليه قضيه ايه اخليه يلف حوالين نفسه
زليخه قادره وتعمليها
كلهم ضحكوا عليها
وائل اختك عايزه واحد قادر
يسر لا يا خفه منك ليها انا عايزه واحد يتقى ربنا واحد مش عينه زايغه واحد الاقيه فى ضهرى مش انا اللى ابقى فى ضهره واحد يكون عارف هو عايز ايه من الحياه مش لسه بيفكر واحد طموح مش مهم غنى فقير المهم انه يكون عارف هو عايز ايه ولما يتجوزنى يكون عارف انه خلاص لقى نصه التانى ومافيش حاجه اسمها نص تالت عشان يتجوز عليا مش واحد بعد سنتين تلاته يزهق يقولى اصلى حبيت واحده تانيه ولا واحده تانيه عجبتنى عايزه واحد راكز كده فى نفسه مش اى واحده تبصله يريل عليها
يسر مالكش دعوه يا خفيف وبصت لنرجس ربنا يعينك انتى مستحملاه ازاى ده
نرجس لا والله وائل طيب ومحترم وبيراعى ربنا فيا ومابيزعلنيش
يسر الله يهنى سعيد بسعيده
المهم يا ماما انا عايز اشوف العريس ده بقى واتكلم معاه
زليخه بكره عيد ميلاد بنته وهيعمله هنا هنروح بكره باذن الله عيد الميلاد واتعرف عليه براحتك
باتت زليخه عند وائل وتانى يوم كلهم لبسوا وجهزوا وراحوا عيد الميلاد
دخلت زليخه ومعاها اولادها واستقبلهم ريحان ويحيى وبعديهم كان زاهر ومراته
ريحان بعت عربيه جابتهم
رولين راحت وقفت مع صحر واديتها هديه عيد ميلادها وبرضو يسر وفرحت صحر بالمفاجاه وكانت رولين طول الوقت واقفه مع صحر وبتهزر وتضحك معاها
يحيى راح وقف مع يسر
يسر الهديه جاهزه معايا في العربيه بتاعت وائل تحب تنزل تاخدها
يحيى اه يلا ننزل نجيبها نزل وائل مع يسر وجابوا الهديه بتاعت صحر
كانت عباره عن بوكس كبير فى جميع انواع الخرز والمقص خيوط مختلفه بانواع مختلفه
يسر بص الحاجات دى هتخليها تبتكر وتشغل دماغها اكتر من الانترنت والتابلت
يحيى عندك حق انا كنت بفكر اجبلها تاب جديد بس قلت هو طول الوقت اصلا ماسكه واحد مش عايز اسحلها اكتر
وهما بيتكلموا وصل عزت وسماء وشافهم يحيى واستاذن من يسر عشان يستقبلهم
عزت أهلا بيك يا يحيى عامل ايه
يحيى بخير الحمدلله . ازيك يا انسه سماء
سماء الحمد لله انا بخير
يحيى طيب اتفضلوا اتفضلوا مايصحش نقف كده واخدهم وطلع ونسى يسر
يسر استغربت قله ذوقه معاها المفروض نزلت معاه كان قالها انه طالعةاو على الاقل عرفها على الناس اللى كانت معاهم
يسر لنفسها انت انسان قليل الذوق بس انا هكمل عيد الميلاد عشان خاطر صحر وماما مش عشانك
فضلت يسر تتمشى فى عيد الميلاد شويه تقف مع اخوها وريحان وحبه مع مامتها وخالها وبصت على يحيى لقيته واقف مع سماء بيهزر ويضحك
سماء ممكن اشوف اختك عشان اديها هديتها
يحيى اه طبعا اتفضلى واخدها وعرفها على صحر
سماء ازيك يا صحر عامله ايه كل سنه وانتي طيبه
صحر وانتى طيبه وبتبص لوائل عشان يعرفها هى مين
وائل دى انسه سماء بنت عزت بيه معانا من البلد وجولك مخصوض
سماء اتفضلى حبيبتي دى هديه حلوه اوى هتعجبك وخصوصا لما تجمعيها وعايزاكى تبقى تقوليلى رايك فيها لما تخلصيها
سماء دخلت اكونت يحيى وبعدين جابت اكونت صحر واختارت صوره ليها وكبرتها وبعدين عملتها بازل عشان ضحر ترجع تجمعها تانى ومعاها برواز صغير بينور فى نفس الصوره البازل عشان يساعدها في تكوينها وكانت حطاها في علبه كبيره هى اللى عملاها بنفسها ومزيناها بنفسها
واثناء حديثهم دخل عليهم مهران
صاحب يحيى اتعرف عليه عن طريق واحد صحبه بس مهران ظابط وكانوخدوم جدا وساعد يحيى فكذا حاجه ومن ساعتها بقوا صحاب
دخل مهران وضړب يحيى على ضهره يحيى بۏجع الايد دى انا عارفها وبص لمهران
يحيى حبيبى وحشتنى نفسى مره تدخل داخله هاديه حرام عليك ضهرى
مهران انشغ يلا فى ايه هو اومال لو قلتلك تعالى ماتش مصارعه هتعمل ايه
يحيى يا عم سبنى في حالى
