روايه قمه الروعه

مخنوووق
فأبتلع إياد ريقه
تمااام تعالى نقعد فى اى كافيه
تمام يلا بينا
ذهب أمجد و إياد إلى اقرب كافيه وجلسا معا فنظر له إياد
خيير
انا و نهال سبنا بعض
فأبتلع إياد ريقه
عارف
هى قالتلك 
ايوة
طب ايه السبب انا قصرت معاها فى حاجة 
تنهد إياد
القلب يا أمجد هى كانت معجبة بيك فى الأول انت فيك صفات تلفت نظر اى بنت
تحدث أمجد بأختناق شديد
لكن كبيرى اعجاب مش حب صح 
شعر إياد بالحزن على حال أمجد ولم يرد أن يجعله حزينا اكثر لذا قرر ان يخبر أمجد بأرتباطه ب نهال فى وقت آخر أيضا حتى لا يفهم أحدهم نهال بطريقة خاطئة لذا أجاب عليه قائلا
ليه بتقول كده !!! يعنى هو مفيش غير نهال هتحب وتتحب تانى
فهز أمجد رأسه
إن شاء الله
حاول إياد أن يجعله يبتسم قليلا
طب تشرب ايه انا عازمك بما انك مڼهار عاطفيا
اعتدل أمجد قليلا ثم قال
بما انك انت اللى عازم 2 فرخة مشوية ع بيتزا وسط 2 برجر خليه صغير ع بطاطس محمرة كده ممكن تجيب 3 باكتس وبيبسى وعصير لانى بحب السوايل كتير وكيلو كفتة ع لحمة والسلطات
فرفع إياد حاجبه
ېخرب بيتك
ايه منهاااار
انت متأكد انك كنت بتحبها 
ابتسم أمجد بإسى
كنت مبسوط معاها كنت حاسس اننا متفاهمين وفينا حاجات كتير شبه بعض
بس ده مش حب
يمكن
المهم انا سألتك تشرب ايه مش تاكل ايه 
هو ده اللى عندى ٠٠ هتجيب الأكل برده
ياا سااااتر استنى لما اطلب ونش يجى يشيل الطلبات دى
فأبتسم أمجد
بينما كانت سمر مع نهال فى الغرفة الخاصة بها فى القصر
ايه يا بت هتفضلى كده 
اهاااا مش قادرة اقوم
فنظرت لها سمر وهى حزينة
طب انا ينفع ادخل المطبخ بتاعكوا ده اعملك اكل
روحى اعملى اى حاجة
انتى جعانة
انا مكلتش من امبارح
ېخرب بيتك انا نازلة اعملك اى حاجة تاكليها
اووك
وصل إياد إلى القصر وقرر الصعود إلى غرفة نهال فطرق باب غرفتها فجاء صوتها الضعيف
مين 
انا إياد
طب استنى
فذهبت لتحضر حجابها ثم عادت مرة اخرى لتجلس على الفراش
اتفضل
فدخل إياد وجد وجهها لونه اصفر وشاحب
مالك يا نهال انا هطلبلك دكتور شكلك مش طبيعى
لا انا هاكل سمر بتعملى اكل وهاكل لو متحسنتش نبقى نروح لدكتور
انتى ليه خاېفة اجبلك دكتور
مش خاېفة بس ملوش لازمة
فنظر لها وشعر بالضيق على حالها ثم قال بحنان
وحشتينى
ابتسمت نهال بخجل
ميرسى
طب انا موحشتكيش !
اممممم يعنى
بقى كده
يووووه بقى يا إياد
انتى بتحبينى يا نهال بجد 
فرفعت حاجبها
انت غبى
فنظر لها بشدة
هو ده بقى لقبى الجديد
اه master fool
فأبتسم لها ثم تحدث مشاكسا إياها
ولازمتها ايه بقى مستر ده انا برستيجى ضاع
فأبتسمت فى تلك اللحظة اتى ل نهال اتصاال فإخذت الهاتف وجدت ان المتصل سما فإجابت
سمسمتى وحشتينى
انتى اكتر بقى بس انتى مبقتيش تسألى خااالص
معلش يا سمسمة كنت تعبانة شوية وحصل ظروف وحاجات جديدة وكده
انا كمان زيك بس انا عاوزكى تعرفى ان آدم هيجى يخطبنى يوم الخميس إن شاء الله
وااااااو مبرووووك يا حبيبتى
عاوزكى معايا اليوم ده وتنقيلى لبس كده
حاااضر من عينيا
خلى بالك ع نفسك
انتى كمان يا حبيبتى
ثم أغلقت الهاتف فنظر إياد لها
مين سمسمة دى 
عضت نهال شفتاها پغضب ثم قالت
سما اعتقد فاكراها اللى نفسك تتجوز واحدة شبهها
قرر إياد ان يشاكسها
سمااا !!! ياااه ليها وحشة بجد
فنظرت له بضيق
اطلع بااارة يا إياد
هو انتوا الحريم كده تغيروا من بعض لأتفه الأسباب
فعضت نهال شفتاها
انت بجد عاوز تتجوز واحدة شبهها
بس يا هبلة انا مبحبش غيرك انا بحب بس اشوف غيرتك
لمعت عيناها وهى تقول
بجد يا إياد
بجد يا روح إياد
عموما هى اصلا هتتخطب لمديرها
يااا خسااارة
شعرت بضيق شديد ثم قالت
انت هتجننى
فأبتسم إياد
غيرتك مچنونة زيك
فنظرت له نظرة طويلة فى تلك اللحظة دخلت سمر عليها ومعها صينية الطعاام
عاملالك بقى اكل محصلش
ثم نظرت لمن يجلس معها فأبتسمت نهال
تعالى يا سمورة مټخافيش ده إياد ابن عمى
فرفع إياد حاجبه
هو انا اخوف اووى كده
فأبتلعت سمر ريقها
لا

طبعا بس استغربتك اصل كنت سايبها لوحدها
لا مانا عرفت ان فيها اكل قلت اقعد اكل معاكوا
فأبتسمت سمر
اتفضل
ووضعت سمر الصينية على الفراش ثم قالت ل نهال
يلا كلى يا هاانم
حاضر حاضر ياااا ساااتر
فنظرت سمر ل إياد
بتقول مكلتش من امبارح عجبك كده 
رمقها إياد بنظرة ڼارية ثم قال پغضب
انتى اتجننتى يا نهال 
متكبروش الموضوع ايه يعنى 
هو ايه اللى ايه يعنى اتفضلى كلى
حاضر
ظلوا يتناولون الطعام معا حتى انتهوا فنظرت لهم سمر
انا هروح بقى وهبقى اتصل بيكى يا نونا بليل إن شاء الله عشان اطمن عليكى
اوك يا حبيبتى
ثم نظرت سمر ل إياد
فرصة سعيدة
انا اسعد
انصرفت سمر بينما نظر إياد إلى نهال
شبعتى ولا اطلبلك اكل تانى من بارة
شبعت الحمد لله بس عاوزة انام
تمام يا حبيبتى خلى بالك ع نفسك لما تصحى ابقى بس كلمينى ع الفون عشان اطمن عليكى
ابتسمت نهال قليلا
حاااضر
ابتسم لها ثم اخذ الصينية واغلق عليها باب الغرفة
فى صباح اليوم التالى كانت سمر تجلس فى احدى الكافيهات وتشرب شااى واطلقت بصرها بعيدا وجدت أمجد يجلس مع احد اصدقائه فتحدثت إلى نفسها
اووووه ده شكله أمجد المفروض اعتذر ليه ! بس هو مش قاعد لوحده يووووه بقى انا احسن حل اقوم