روايه ادم وفريده كامله
وطلبوا
عشا وفضلوا يتكلموا ويضحكوا وبعد العشا طلبت ليان شيشه
فريده ايه ده يا ليان انتي بتشربي شيشه
ليان ايه يا بنتي عادي
فريده بس ده مضره جدا
ليان يا فري بقى ده انهارده بنحتفل بنجاحنا
هنا انا بقالي كتير بقولها لازم تبطلها وهي مش عايزه
فريده مامتك وباباكي بعرفوا
ليان لا طبعا انت عارفه التفكير الشرقي
هناعلى فكره التفكير الشرقي غالبا بيبقى صح جدا
فريده انا موافقه على كلام هنا
ليان انا بقى ضد الفكر الشرقي المتخلف اللي دايما بيقيد البنت ويدي الحريه للولد
فريده بصت في الساعه لقيتها 8 و نص فقامت بسرعه وقالتلهم
ليان شوفتي بقى لو كنتي ولد ما كنتيش قومتي
فريده انا قومت عشان وعدت أدم اني ارجع البيت الساعه 9
هنا برافو
عليكي يا فري كده هيثق فيكي وهيوافق تخرجي معانا تاني
ليانانا مش مصدقه انك كنت عايشه في المانيا
فريده متنسيش ان بابا الله يرحمه كان مصري
هنا يلا يا فري عشان متتأخريش
فريده باي
هنا مع السلامه
ليان باي
و خرجت فريده من الكافيه و ركبت العربيه ووصلت البيت الساعه 9 بالدقيقه لقيت عمتها نامت وملقيتش أدم فطلعت اوضتها غيرت هدومها ونامت
فات التيرم التاني ونجحت فريده و عمتها كانت فرحانه بيها وأدم باركلها وقالها تختار هديه بس هي شكرته وفي يوم على الفطار
فريده ولا حاجه يمكن اروح النادي مع طنط
أدم اوكيه روحوا وانا هجيلكوا نتغدى سوا
وخرج أدم راح الشغل و طلعت فريده اوضتها تغير عشان تروح النادي ولبست بارتاكور جينز وعليه بلوزه قصيره خضرا و كوتشي ابيض وعملت شعرها ضفيره لورا ونزلت لقيت عمتها بتقولها
سلوى معلش يا فريده انا تعبانه شويه روحي انت
فريده سلامتك يا طنط اطلبلك الدكتور
سلوى لا يا حبيبتي انا هطلع ارتاح في اوضتي
فريده طيب انا هطلع معاكي
سلوى لا يا حبيبتي روحي النادي غيري جو وكمان عشان تتغدي مع أدم هناك
فريده لا مش هروح من غير حضرتك
وراحت فريده النادي وكانت متعرفش حد خالص وفضلت قاعده على ترابيزه عالبيسين تتفرج عالاطفال اللي بيلعبوا وافتكرت باباها الله يرحمه لما كان بيلاعبها وهي صغيره وهي قاعده لقيت مايه جت علي هدومها كلها فاتخضت وبصت لقيت شابين بيلعبوا ورشوا ميه عليها من غير ما يقصدوا ففريده وقفت عشان تمسح المايه بالمنديل فخرج شاب منهم وقرب منها
الشاب انا آسف جدا مكنتش اقصد
بصتله فريده لقيته شاب طويل وشعره اصفر وعينيه خضرا وشكله مؤدب جدا فقالتله
فريده حصل خير
الشاب بجد مكنتش اقصد
فريده ابتسمتخلاص حصل خير
فريده مدت ايدهااهلا بيك انا فريده سنه تانيه كلية ادارة اعمال الجامعه الالمانيه برده
مراد ايه الصدفه الحلوه ده
فريده هي فعلا صدفه
مراد انتي قاعده لوحدك ليه
فريده لسه معرفش حد اصلي رجعت من المانيا اول السنه الدراسيه
مراد معقول لسه متعرفتيش على حد ده النادي كله اصحابي ثواني هغير هدومي وآجي اعرفك على اصحابي
وراح مراد يغير وساب فريده تستناه ولما رجع كان لابس شورت ابيض
وعليه تيشيرت ازرق وشبشب ازرق وقالها
مراد اتاخرت عليكي
فريده ل ا ابدا
وفضلوا يتمشوا لغاية ملاعب التنس ودخلوا لقيوا شلة بنات و ولاد واقفين بيشجعوا واحد صاحبهم وهو بيلعب وعرفها مراد على اصحابه
و كانوا كلهم في الجامعه الالمانيه والامريكيه وقضت فريده اليوم معاهم ومحستش بالوقت خالص غير وموبايلها بيرن
فريده الو
أدم ايوه يا فريده انتوا فين
فريده انا في ملاعب التنس
أدم طيب انا جايلك
وبعد شويه جه أدم وكان لابس شورت اسود وعليه تيشيرت احمر وشوز اسود وكان لابس نظاره شمس ففريده بصت عليها فسألها مراد
مراد مين ده يا فريده
فريده ده أدم ابن عمتي
بنت من البناتواو ده وسيم اوي
فريده باصتلها وحست انها مدايقه من كلامها وسكتت
أدم هاي يا جماعه
مراداهلا بيك انا مراد
أدم اهلا يا مراد انا أدم بقى عندك اصحاب يا فريده
فريده اتعرفت عليهم انهارده
أدم طيب يلا عشان نروح نتغدى
بصت البنت لأدم ومدت ايديهاهاي انا مي
أدم اهلا يا مي فرصه سعيده يا جماعه عن اذنكوا
فريده باي يا مراد
مراد باي يا فري
ومشيت فريده مع أدم وراحوا مطعم النادي وبعد ما قعدوا
أدم هي ماما مجتش ولا ايه
فريده لا اصلها تعبت وطلعت ترتاح في اوضتها
أدم بصلها اوي وقالها زهقتي لوحدك
فريده لا ابدا
أدم انتي عرفتي مراد ازاي
حكتله فريده اللي حصل وقالتله انهم زملا في الجامعه وطلبوا الغدا وفضل أدم يسألها على دراستها وبعد الغدا روحوا البيت وأدم غير هدومه وراح الشركه تاني وفضلت فريده بقيت اليوم لوحدها في الجنينه
بعد اسبوع نزلت فريده عشان تفطر مع عمتها ولقيت أدم موجود وحط ادامها علبه ملفوفه لفة هدايا
فريده ايه ده
أدم بصلها بحنانكل سنه وانتي طيبه يا فريده انهارده عيد ميلادك
فريده انت عرفت منين
أدم العصفوره قالتلي مش هتفتحي الهديه
فريده فتحتها لقيت دبدوب بينك وماسك علبه بينك صغيره فتحتها لقيت سلسله دهب ابيض وفيها نجمه الماس
