انا وحماتى بقلم هويدي زغلول كامله
عندكم علطول دنا حتى مجتش هنا من زمان ولا شوفتيني علطول ولا انتي مش عايزة تشوفيني
ميرفت
لا ياختي مش عايزة أشوفك خالص
هيام
وانا مش جيالك انتي انا جاية في بيت ابويا هو مش هنا ولا ايه
ميرفت
لا عنده مبطشية وهيبات في الشغل وهيرجع الصبح روحي وابقي تعالي الصبح
هيام
انتي هتطرديني من ابويا وسعي كده خليني ادخل وسبتها ودخلت على جوه
ميرفت
بيت ابوكي مين يابت البيت ده بيتي انا
هيام
طيب سبيني انام الليلادي لحد بابا مايرجع الصبح ونبقا نشوف ده بيت مين سبيني في حالي دلوقتي بقا
وسبتها ودخلت اوضتي لقيت اختي الصغيره نايمة على سريري وصحيت لما شافتني وقالتلي
هيام
حبيبتى ياتوتا انتي كمان وحشتيني اوي انتي اللي منيمك هنا
توتا
منا بنام في الاوضة دي من ساعت لما انتي مشيتي ماما قالتلي انها هتبقا اوضتي والاوضة التانية لاخواتي الولاد ينامو فيها
هيام
طيب انا هنام جنبك النهارده ماشي
وفضلت صاحيه طول الليل افتكر عمايل حماتي وابنها ومش عارفة هعمل ايه مع الناس دي بس قررت احكي لبابا كل حاجة
والصبح بابا رجع من الشغل وهيام قالتله
المحروسة بنتك جات امبارح بالليل وجايبة شنطة هدومها
فوزي
جايه بشنطة هدومها ليه جوزها ڠضبها ولا ايه
معرفش ياخويا اهي عندك جوه ادخلها
ودخل بابا صحاني من النوم واترميت وفضلت اعيط
فوزي
مالك ياهيام هو سعيد زعلك ولا ايه
هيام بټعيط
سعيد وامه يابابا
فوزي
طيب اهدي واحكيلي وساعتها ميرفت كانت واقفه معانا في الاوضة وانا قولتله
انا عايزة اتكلم معاك لوحدنا
ميرفت
يعنى انا اللي عزول طيب ياختي اديني خارجة بره في الصاله وخرجت ميرفت وفضلت احكي لبابا كل اللي بيعملوه معايا وبابا ساعتها اتعصب وقالي
ومحكتيش كل اللي بيحصل معاكي ده من زمان ليه ياهيام يعنى شغلوكي خدامة عند الناس وكمان عايزين يجوزوكي واحد تاني هي الناس دي اټجننت ولا ايه
دي ناس متعرفش ربنا يا بابا انا مش عايزة ارجعهم تاني خليني هنا معاكم وطلقني منه
فوزي
انتي
هتفضلي هنا في بيت ابوكي ولو هو عايزك يجي يتكلم معايا وساعتها هيبقا في كلام تاني
ارتاحي انتي ياحبيبتي وسبني وخرج بره الاوضه وميرفت قالتله
ها ايه الاخبار هترجعها لجوزها
فوزي
ارجع مين ياولية هو اللي مزعلها يبقا يجي هنا يتكلم معايا واشوف حكاية امه ايه
ميرفت
نعم ياخويا يعني قاعدتها هطول عندنا هنا
فوزي
هطول ولا هتقصر انتي مالك انتي دي بنتي والبيت بيتها تقعد الوقت اللي هي عايزاه
ميرفت
لا ياحبيبي انا ناقصة هم وانت مش ناقص مصاريف كفاية عليك مصاريف العيال الصغيرين
بقولك ايه يا ميرفت هيام بنتي زي أخواتها وكلهم عندي زي بعض ومش بفرق بينهم وانتي كمان مش عايزك تعامليها وحش كفايه اللي هي فيه واللي شافته انتي فاهمة ولا لا
وعند حماتي سحر بنتها قاعده معاها قالتلها
وبعدين ياما هي البت هيام هتفضل قاعدة في بيت ابوها كده كتير
ماجدة
انا مستنيه يومين كمان وأروح للراجل ابوها ده ونشوف هيقول ايه
سحر
ما زمان البت حكتلة كل حاجه
ماجده
ماتحكي هو انا كنا عملنا فيها حاجه لسمح الله
سحر
طيب لو سألك عن موضوع جوازها من ابن خالتي هتقوليلو ايه
ماجده
ملكيش دعوه انا هتصرف
سحر
ياريت تتصرفو وترجعوها بسرعة شقتي عايزة تتنضف ياما وحماتي كل شويه تهزق فيا وكمان انا قربت اولد يعنى لازم تتنضف في أسرع وقت
ماجدة
اتنيلي بقا واسكتي لحد مانشوف هنعمل ايه
سعيد
هنروح نجيب البت هيام امتى يا أمي من بيت ابوها
ماجده
انا هاروح انا اجيبها انت مش جاي معايا
سعيد
احسن برضو روحي انتي بدال متخانق مع الراجل ابوها ده
وجه خالد عند حماتي
خالد
امال هيام فين ياخالتي مش باينة هي مش موجوده ولا ايه
ماجدة بارتباك
هيام لا مش
