انا وجوزى كامله
عز الدين...
رحمه
اهلا وسهلا اتفضل حضرتك اقعد..
ابتسم وقال
هههه حضرتي ما علينا تعالي طيب اقعدي انتي كمان خلينا نتعرف كويس..
وقعدنا قصاد بعض وقال
زي ما امي وصفتك ليا بالظبط شكلك حلو وكمان محترمه باين عليكي..
رحمه بتوتر
شكرا..
طارق
بصي بقي انا عايز اتجوز. واحده تقعد في البيت يعني اتفقنا من دلوقتي انك مش هتقوليلي اشتغل ولا اخرج ولا اتفسح والكلام ده انا لما هكون فاضي من نفسي هخرجك تمام..
رحمه بضيق
تمام..
طارق
حلو وكمان انا عندي توكيل عربيات فشغلي كتير شويه سعات ممكن اتاخر اجي بعد نص اللليل وسعات ممكن اجي الفجر وسعات ابات وسعات بسافر بالاسبوع والشهر انا مش عايز نكد وكنت فين وجيت منين والجو ده تمام..
حاضر..
طارق
واخر
حاجه بقي انا عايز اخلف بسرعه بدل العيل اتنين وتلاته واربعه يعني ما فيش حاجه اسمها كفايه كده عيل او اتنين لا انا ربنا مديني صحه وفلوس واقدر اربي عشرين عيل كمان..
رحمه بهدوء
حاضر...
طارق
شكلك هاديه وعاقله ومش هتتعبيني يا رحمه كده اتفقنا...
_ وبعد ما هو مشي روحت للمشرفه وقولتلها اللي حصل منه وقولتلها كمان..
رحمه
انا مش عايزااه مش موافقه ومش مرتاحه خالص يا ماما خيريه..
خيريه
ما فيش حاجه اسمها الكلام ده يا رحمه احنا خلاص وافقنا وبعدين هو معاه حق..
رحمه
بس انا مش مرتاحه وبعدين هو انا تعبت في تعليمي ليه عشان اقعد في البيت..
لا احنا علمناكي عشان تتجوزي واحد زي طارق كده وبعدين انتي تعرفي طارق ومامته بيدفعو كام كل شهر للدار انتي لازم تضحي وتقدمي للدار زي ما كبرتك وعلمتك وبعدين دي جوازه الف مين تتمناها هنا في البنات بس انا عشان بحبك اختارتك انتي للعريس ده..
_وما كانش قدامي غير اني اسكت واوافق اتجوزو وبعد جوازي منه بسنه كنت في يوم بمسح في الشقه وطلعت حماتي من اوضتها وقالت..
الحما
يا بنتي حرام عليكي نفسك انتي من لما تصحي لحد ما بتنامي مش بتعملي حاجه غير انك بتعملي شغل البيت..
رحمه
اهو بتسلي يا ماما سعاد انا مش معايا حاجه اعملها وبزهق من القعده..
طيب استني انا هاجي اساعدك..
رحمه
لا لا طبعا انتي تقعدي زي الملكه وانا اعملك كل حاجه استني انا عملت كيكه حلوه هجيبلك منها..
سعاد
تسلمي يا حبيبتي والله انا لو عندي بنت ما كانتش هتبقي بحنيتك دي عليا يا بنتي..
رحمه
ما انا بنتك برضو يا ماما دقيقه واحده والكيك والشاي يكونو عندك..
_ودخلت المطبخ وعملت لحماتي الشاي واخدت كيك من التلاجه وطلعت قعدت معاها..
رحمه
برضو يا ماما حضرتك مسحتي الصاله..
سعاد
وفيها ايه اهو حركت نفسي كمان شويه بدل القعده دي وكمان النهارده انا اللي هعمل الغدا وهعملك شوية مكرونه هتاكلي صوابعك وراهم..
رحمه
موافقه عشان نفسي اكل حاجه من ايدك بس بشرط اساعدك فيها...
سعاد بحزن
طيب ما تكلمي طارق يجي يتغدي معانا ده بقاله يومين بايت بره..
رحمه بدموع
هو انا اقدر اكلمه من غير
