طفلتى الناضجه كامله بقلم إسراء ابراهيم
تكون بعيدة عن خالد يدوب بتحضر ليه اكله وحاجته لكن مفيش اختلاط بينهم ولو هو حاول يتكلم معاها كانت بتصده وده خلاه يبعد اكتر كانت لابسة وشايلة شنطتها وخارجة من اوضتها بسرعة وقابلت خالد عند باب الشقة
خالد برفعة حاجب بصلها من فوق لتحت حضرتك لابسة ورايحة فين كدة عالصبح وكمان من غير ما تقوليلي
رهف بجدية وهي بتعدل شنطتها بتوتر انا رايحة جامعتي وبعدين اقولك ليه احنا اتفقنا اننا جيران مش اكتر يعني كل واحد حر في حياته
خالد بجدية وهو بيشاورلها تمشي اتفضلي قدامي عشان اوصلك ولما تخلصي ترني عليا هاجي اجيبك واياكي كلامي ميتنفذش يا رهف
رهف پخوف وهي بتمشي قدامه حاضر
عند الجامعة كان واقف خالد مستني رهف بعد ما رنت عليه وشافها بعد ما وصل بدقايق وهي خارجة من الجامعة مع اتنين من صحباتها بس فجأة وقفت لما سمعت شاب بينده عليها واتعصب خالد اوي لما شافها واقفة بتكلمه وبتبتسم ليه فقرب منهم پغضب ولما شافته رهف بصت لاحمد زميلها بتوتر ورجعت بصت لخالد اللي وقف قدامهم احمد باستغراب وهو بيشاور علي خالد مين حضرتك تعرفيه ده يا رهف
اتعصب خالد من رد رهف وانها انكرت ومرضيتش تقول لزميلها انه جوزها وانها للدجادي رافضة وجوده في حياتها فلقي نفسه بيتكلم باندفاع وهو بيمسك ايد رهف وبيسحبها لحضنه ابن عمها وجوزها كمان ولا ايه يا حبيبتي
اټصدمت رهف وبصت لخالد پصدمة واستغراب وضيق منه لانه حطها في موقف زي ده اما خالد ففهم نظراتها ليه واتجاهلها بس اللي شغله اكتر وخلي الڼار تقيد في قلبه انه شاف الحزن والخزلان في عيون احمد اللي كانت مركزه علي رهف فشد خالد رهف من ايديها واخدها ومشيو بسرعة وهو جواه بركان ثائر
رهف پصدمة وهي باصة لخالد انت بتقول ايه ايه اللي هيكون بيني وبينه انت تقصد ايه
