زواج تحت الټهديد بقلم إسراء ابراهيم
طمنيها وقوليلها ان اسلام كويس وانه هيروح بس مش دلوقتي فتنام هي
ضحي بصت لمراد بحيرة وكانت بتفكر في كلامه ونظرته ليها بس متكلمتش في الموضوع تاني وفعلا اخدت موبايلها عشان تكلم ملك
............................
تاني يوم دخل اسلام من باب الشقة وشاف ملك نايمة عالكنبة فاتنهد بحيرة ا بس رجع تاني في كلامه وسابها ودخل الاوضة وهبد الباب وراه ووقتها ملك قلقت وقامت بسرعة دخلت ليه واول ما فتحت الباب جريت عليه
ملك بندم اسلام انا اسفة اوي متزعلش مني عشان خاطري سامحني والله انا مش بشك فيك
اسلام بتنهيدة انا تعبت يا ملك من الخناق كل شوية علي حجات متستاهلش انا عارف انك بتغيري عليا بس الموضوع لاني بحس انك مش واثقة فيا وانتي عارفة ان انا مش كدة ولو علي موضوع الخلفة فانتي اللي مأجلاه مش انا برضه يبقي ليه بتعملي كدة
اسلام بابتسامة جذابة واللي بيحب حد وبيخاف عليه اوي كدة بيزعله برضه بذمتك انتي متخيلة اني ممكن ابص لواحدة غيرك انا اصلا مش شايف غيرك يا ملك
ملك بخجل وهي بتبص في عيون اسلام وانا والله بحبك اوي ومش هزعلك تاني بسبب الموضوع ده بص خلاص انسي اللي فات وتعالي نفتح صفحة جديدة
اسلام بحماس ملك لا ده كدة بقي بعد الكلام الحلو ده لازم تعوضيني بفطار تمام
ملك بفرحة ثواني واحلي فطار هيكون جاهز يا حبيبي
.......................................
كانت خارجة ضحي من اوضتها وهي بتتاوب ووقفت اول ما شافت مراد قاعد قدامها عالكنبة وبيبصلها بغموض
ضحي بابتسامة صباح الخير يا حبيبي
مراد بسخرية قولي مساء الخير ده احنا العصر يا ضحي
ضحي ببرود طب وفيها ايه يا مراد ثم انت ايه اللي مصحيك بدري يوم اجازتك اصلا
مراد بسخرية اكبر جايز عشان متعود عالصحيان بدري بسبب شغلي مثلا والمفروض انك عارفة ده
ضحي بتلقائية وهي بتقعد قدامه ايوة يعني المفروض اني اعمل ايه برضه مش فاهمة
ضحي بعصبية خفيفة وانت مجاش في بالك مثلا ان ابنك مسهرني للفجر وڠصب عني راحت عليا نومة كل اللي شاغلك اني اصحي بدري احضرلك الفطار لكن راحتي وتعبي مع ابننا مش مهم ايه يعني ماهو مسئوليتي لوحدي مش كدة
مراد بتنهيدة للاسف عمرك ما هتفهميني انا عارف اني بضيع وقتي عالفاضي انا رايح الشغل
قام مراد مشي وكانت ضحي متابعاه بعنيها وهي تايهة ومش فاهمة هو ليه بيعمل كدة وليه بقي يتلكك ليها علي اي حاجة زي انه عاوزها تصحي بدري تعمله فطار نفخت بغيظ وبعدين قامت دخلت اوضتها
هو انت بتكلم مين
قالتها ملك بفضول وهي متابعة اسلام وهو بيكتب رسايل وبيبعتها عالواتساب
اسلام بتوتر وهو بيقفل الفون مفيش يا حبيبتي دي رسالة شغل
ملك بشك طيب ماشي مش يلا نفطر
اسلام بابتسامة طبعا يلا نفطر بصي بقي صحيح انهاردة عاوزك بليل تلبسي عشان هنخرج بليل نتعشي برة
ملك بفرحة بجد يا اسلام يااه احنا بقالنا كتير مخرجناش سوا
اسلام بحب ملك عشان كدة قولت نخرج ونغير جو البيت يلا هقوم بقي انا
