مطلوب عروسه لحمايا بقلم مروة حمدى ومنى عبدالعزيز 

كملت شهر جواز وانا شغالة خدمة لحماتك لحد ربنا ما افتكرها وقولت خلاص هرتاح من القرف طلعلى حماكى زى فرقع لوز ودلوقت أخيرا هرتاح واحس انى عروسه وفى بيتى تقوليلى فرحانه ده انا لولا الملامه والوليه ال ډمها منشفش فى التربة كنت زغرطت من الفرحة متعرفش انا كنت قد ايه طايرة من السعادة وعماد بيقولي الخبر وانهم نازلين
البلد يخطبوا لابوهم . 
نوال تسمع صوت جاي من التليفون قربت من بدرية وقعدت جنبها بفضول تسمع كلام رضا. 
رضا نوال اهدي كده واسمعي كلامي للاخر من غير ما تقاطعني انتي والغبية اللي جنبك. 

نوال 
هو في ايه ومالك ډخله حاميا عليا انتي كمان يا رضا. 
رضا بحدة نوال مش وقته قمصتك ولويه بوزك انتي وبدرية كفاية بسبب طريقتكم دى مع رجلتكم خلتهم راحوا يخطبوا لابوهم وهيجوزوه بنفسهم وقال اي فرحنين انتم الاتنين ونزلين فرحنين عشان هتخلصوا من كام طبق زيادة وترويق شقة كل كام يوم وبخبتكم خلتوهم يقنعوا ابوهم بالجواز وكمان يخطبولوا بنفسهم اسمعوني بقي انتم الاتنين وخلي غيرت السلايف دى على جنب وشوفوا بغبئكم عملتم ايه. 
نوال بتريقة كام طبق هي اختك مقلتلكيش على العزايم والناس اللي ډخله خارجه دا انا حيلي اتهد من غسيل المواعين وترويق الشقة. 
بدرية برفع حاجب وتمتمه وصلت لنوال لتكلمها پحده. 
بدرية اللي يسمعها وهي بتقول حيلها اتهد ما يشفش الحلل اللي مركنها تحت الحوض والتراب اللي على العفش دا انا حيلى ال اتهد من عفنتها. 
نوال بدرية هتعمليهم عليا دا انتي استاذة في التركين وانا اتعلمت منك. 
رضا اخرسي انتي وهي انتم في اي ولا ايه. 
نوال رضا بقلك ايه خلصنا وقولي اللي في جوفك انا مش طيقه اقعد مع اختك في مكان واحد. 
رضا بقلكم ايه لو ما سكتوش وسمعتوني انا هقفل وابقوا عيطوا على خيبتكم وانتم ورجلتكم مرمين في الشارع وتقولوا ياىيت اللي جري ما كان. 
نوال پخوف وغوشتني يا رضا في ايه انتي تعرفيه واحنا لاء. 
رضا في مصېبة ياختي حماكي هيجوز. 
نوال وايه المصېبة في دى. 
رضا قلتلك ما تقاطعنيش ولو مش فاهمه باعني ايه مصېبة هفهمك بطريقتك يعني شريك معاكم في الورث وامكن تكون بنت حركه ولونه تلحس عقله وتخليه يكتب ليها كل حاجه ومش بعيد تخلفله عيل وبردة يكتب ليه كل حاجه وتطلعوا من المولد بلا حمص وتترموا في الشارع. 
نوال بسخريه خلفة اي اللي بتكلمي عليها هو في سنه دا في الرمق لما هيخلف. 
رضا انتي هبله مش شايفه حماكي عامل ازاي دا واخد باله من صحته و اللي بيشوفه مع ولاده بيقول انه اخوهم الكبير بيخلف لو حتى عنده تمانين سنه يبالك بقي بحماكم اللي في الستين وكمان ليه سنين بيخدم في حماتكم وهي تعبانه ياعني اي ضحكه حلوة وكلمتين من العروسة هتخليه يرحع ابن عشرين سنه .
نوال بلجلجه اتعدلت في قاعدتها وقربت من التليفون على رايك يا رضا دا عماد لسه قايلي ان جده خلف على تمنين سنه عمتهم دولت بس ازاي فات عليا الكلام دا ومجاش فب بالي ان حمايا يبق زى ابوه. 
رضا اخيرا فهمتي. 
نوال ايوا ياختي فهمت رضا شوري علينا ياحببتي نعمل ايه ولا اقولك انا هتصل على عماد واقوله كل اللي قلتيه دا. 
رضا بهلع اوعك تعملي كدا وتوعي حماكم بالكلام دا . 
بدرية طيب شورينا نعمل اي. 
رضا مفيش
غير حل واحد تشوفوا وحده تكون مکسورة ملهاش حد يقفلها لاب ولا اخ وتكون في اديكم زى اللعبه وترضي بالي ترموهلها وتحمد ربنا عليهوالاهم متكونش ليها في الخلفه والمياعه. 
بدرية وهنلقي فين وحده بالمواصفات دى. 
نوال سرحانه في كلام رضا وقفت مرة وحده بفرحه لقتها. 
بدرية ورضا هي اي اللي لقتيها. 
نوال وانا لاقيتها.
رضا وبدرية مين
نوال اخت جوز اختى
بدرية مين فيهم
نوال سوما.
رضا بس سوما متجوزه من وهى عيلة صغيرة.
نوال سوما مطلقة بقالها سنه قاعده عند اختى.
بدرية يختتاى على البنية وقعت تحت ايد فرحه وهى ال تتحط على الچرح يطيب.
نوال بسخريه زيك بالظبط
بدرية طب وايه وضع اختك معاها.
نوال حته عجينه من أيدها دى لايدها دى.
رضا كده تسمعونى انتوا الاتنين كويس وانا اقولكم هتعملوا ايه اصل خلاص مافيش هروب طالما حطوا
عماد وهو بيرمى نفسه على الكرسى مشوار يهد الحيل