يونس

تحت كويسة.
مش حساك يا هالة كويسة.
انتهدت وبصتلها أنا مش كويسة مش كويسة يا إلهام زوجي وماټ و ولادي بقوا يتمي وهم مكملوش سنة ونص حتي وأنا وبقيت أرملة لا والأنيل من كل ده أني أتزوج أخوه أخوه الل طول عمره بيكرهني ومش طايقني لا وكمان أتزوج وهو مكملش سنة حتي.! أنا مش كويسة يا إلهام ومش عارفة أبقي كويسة أنا تعبت.
قربت وحضنتني شششش أهدي أهدي يونس طيب والله وعمره ما كرهك بالعكس وبعدين أنتو تزوجتوا علشان تكوني وسط ولادك ومتبعديش عنهم وبعدين أنت لسه صغيرة فيها إيه لم تتزوجي يعني . حاولي تبقي كويسة مش علشان حد بس علشان نفسك وعلشان ولادك و افتكري أن يونس طيب وجدع وعمره ما كرهك..
سرحانة في إيه.
اټخضيت من صوته يونس صوته قوي وخشن مش زي يوسف حتي شكله مش زيه مع أنهم أخوات بس مش شبهه بعض يمكن عيونهم نفس اللون بس الشكل والهيئة والجسم لا يوسف كان جسمه نحيف وصوته حنين بس يونس لا يونس جسمه طويل وعريض من لعبه للرياضة صوته خشن وفيه بحة لطيفة في نفس الوقت بصتله بتركيز للحظة وبعدين اتكلمت مفيش الولاد فين.
قعد قصادي ناموا وجدتهم ودتهم أوضتي..
أتوترت للحظة و وقفت إحم طب هروح أشوفهم.
أقعدي يا هالة عايز أتكلم معاك.!
أتنفس بصوت عالي وبدأ يتكلم أنا عارف إنك واخدة علي خاطرك مني بسبب أسلوبي الحاد معاك بس معلش ده طبعي أنت طبعا عارفة أني أصغر من يوسف بسنة واحدة بس بس هو كان مرح وروحه حلوة مش زيي عارف أني يمكن قاسې وعصبي شوية بس أنا مش قصدي أكون قاسې عليك زواجي منك كان مفروض علي زي ما هو كان مفروض عليك أنت وصية يوسف لي أنت والولاد علشان كده مكنتش أقدر أبعد عنكم ولا أخليكم تبعدوا عننا علشان كده كان لازم الزواج ده أخيرا أنا بتمني نكون كويسين مع بعض ونكون صحاب حتي علشان الولاد بس إيه رأيك.
بصتله وأنا بفكر وللحظة حسيت أنه كلام صح علشان الولاد حتي أنا مش هقدر أبعد عن ولادي ولا هقدر أني أربيهم لوحدي حسيت بطيف يوسف قدامي وبيهز رأسه وبيبتسم ف أنا تلقائي قلدت حركته كالعادة وأبتسمت.
موافقة يعني .
فوقت علي صوته وأختفاء طيف يوسف أيوة موافقة المهم عندي الولاد.
تمام كده مد أيده يونس إبراهيم تسعة وعشرين سنة وخريج صيدلة و إنت.
ابتسمت هالة محمد ٢٤ سنة وخريجة تجارة.
ضحك وأنا ضحكت ودي كانت بداية قصتنا..
يا عمر مالك بس يا حبيبي. قولتها بعياط وأنا بحاول أخليه يبطل عياط وينام.
بټعيطي ليه. قالها بخضة لم شاف دموعي.
عيطت أكتر عمر