عشقت طالبه

محترم بس انا بقولك ولا ياسين ولا غيره تقفي معاه
حاضر ي بابا
طلعوا البيت وخوخه بتحب الهزار جدا بس مع باباها ومامتها بس وتبان للناس هاديه وهيا عكس كدا تماما
ي ماما انا جيييت
في ايه بتعلى صوتك كدا ليه ي بنت الهبله انت
رضا والد خلود... مش بيقول متخفش من الهبله خاف من خلفتها
حنفييي اقصد رضا انت بتقول ايه قصدك ان انا هبله
انا ابدا يحبيبتي دا انت ست الستات سيبك من بنت الهبله دي
بزعيق... رضااااا
اجري ي خوخه امك اتحولت
بضحك... اجري ي مجديي
بقا كدا طب مفيش عشا
لالا خلاص دا انا راجع من الشغل جعان حقك على راسي متزعليش
خلاص بقا يا مامي حقك علينا
لو مكنتوش حلفتوا يلا انا داخله احضر الأكل على بال ما تغيروا هدمكوا
واتعشوا ف جو اسري جميل
عند ياسين ومامته
كنت واقفه ف البلكونه وشوفتك واقف مع خوخه هوا في حاجه
ابدا ي ماما كنت بس بسلم عليها
بقولك ايه ي ياسين عايزه اتكلم معاك شويه
طبعا اتفضلي ي ماما بس ممكن تعمليلنا شاي الأول من ايديكي الحلوين دول بس بالنعناع
من عيوني ي حبيب ماما
ياسين غير هدومه وراح عشان يتكلم مع مامته
خير ي ماما في حاجه
عندي ليك مفجأه
مفجأة ايه يترا
في بنت زي القمر بنت واحده صاحبتي هيا ف أولى كليه تجاره اسمها حبيبه 
واخلاقها ماشاء الله
لسه بدري اوي ع الكلام دا انا لسه بدرس
بس بتشتغل وبتصرف على نفسك
لا ي ماما انا عايز احب واتحب عايز انا اختار شريكة حياتي
طب يبني انت في واحده ف بالك
بتوتر... لا يماما مفيش
انت ابني وانا عارفاك اكتر من نفسك قولي بس
مفيش حد ي ماما
ورحمة ابوك ي ياسين لتقولي
بعصبيه خفيفه... ايوه ي ماما بحب واحده
مين هيا
ماما مش هقدر اقولك اكتر من كدا ممكن بقا بلاش كلام ف الموضوع دا
شكلك هتستناها كتير
پصدمه... ايه
البارت الأول لو عجبكوا هكملها
بقلم _يبني انا امك يعني حافظاك انت مبتشوفش نفسك عامل ازاي لما بتشوفها
بتوتر... انت .. قصدك . مين
قصدي على خلود
ايه ال انت بتقوليه دا ي ماما
ي حبيبي انا عارفه انك بتحبها من وانتوا صغيرين من ساعت ما نقلوا هنا
Flash Back
الله ي رضا الشقه جميله اوي وكمان هتبقى قريبه من مدرسه خوخه
الحمد لله انا دورت كتير على شقه لحد ما لقيت دي وكمان سألت على الجيران وهما ناس محترمين بصراحه
ربنا يجعلها ادم السعد علينا بس انت هتجيب فلوسها منين دا احنا شقتنا القديمه انت بعتها برخص التراب
ربنا كرمها معايا متخديش ف بالك انت
مساء الخير
مساء النور
هوا انتو السكان الجدد
ايوا ي حبيبتي احنا
اهلا وسهلا انا ام ياسين ساكنه هنا قدامكوا لو احتاجتوا اي حاجه اي خدمه انا موجوده
ربنا يخليكي ي حبيبتي يارب تسلمي انا ام خلود ودي خوخه بنوتي
مشاء الله ربنا يحميها يارب امال فين أخواتها
لا احنا معندناش غير خوخه
ربنا يخليها وتفرحي بيها يارب
صوت من وراهم... يلا ي ماما
تعالى ي ياسين سلم على طنط
اذيك يا طنط
اذيك ي حبيبي عامل ايه مشاء الله عليك
الله ايه البنوته الحلوه دي
دي خوخه ي ياسين بنت طنط الوحيده
اذيك ي خوخه
خلود خاڤت ورجعت استخبت ورا باباها وهيا بتبص ل ياسين
رضا... معلشي ي حبيبي عشان اول مره تشوفك بس
مامت ياسين... ولا يهمكوا يلا نستأذن احنا بقا
Back
عارفه انك من ساعتها وانت متعلق بيها ومكنتش بتحب حد يلعب معاها غيرك وكنت دايما بتجبلها شكولاته بمصروفك ومكنتش بتجيب ل شيماء
.........
رد عليا صح ولا غلط
ايوه ي ماما بحبها بس انت عرفتي ازاي
عيب ي واد انا امك دا كفايه نظرة عينك ولمعتها ليها توترك