اسكريبت كامل بقلم ايمان شلبي
مفيش اكتئاب تاني
مفيش حزن مفيش انكسار
ومن هنا اكتشفت
أن الخروج من حاله الانطفاء قرار نابع من الشخص نفسه
فتحت باب الأوضه عشان أخرج كان هو صحي من النوم
خرجت ووقفت علي الباب وانا جوايا بترعش لكن حاولت مبينش ده قدامه
كان قاعد علي الكنبه بيفرك عينه بنعاس وبيتاوب
مسكت في فستاني بتوتر وانا ببلع ريقي بصعوبه وبهمس لنفسي
ومن هنا اخدت نفس طويل وانا بخطي اول خطوه نحيه المطبخ وبتجاهل وجوده
حسيت بنظراته بتخترقني
لمحت بطرف عيني ملامحه اللي اتغيرت ميه وتمين درجه
دخلت المطبخ وانا بحاول اخد نفسي
حطيت ايدي علي قلبي اللي كان هيقف من كتر التوتر
شويه وبدأت احضر الفطار
وبالرغم انها مش المره الأولي اللي اقف فيها في المطبخ لكن كل حواسي كانت بتترعش وكأني طفله لسه بتتعلم ازاي تمسك الاشياء!
وقفت ابص حوليا باستغراب وانا بسأل بهمس
راح فين ده و...
قبل ما اكمل جملتي كان هو خارج من الحمام وبينشف وشه
بلعت ريقي بتوتر وحطيت الصينيه علي الصفره من غير ما ابصله ولا اوجهله اي كلمه
عديت من جنبه عشان ادخل المطبخ مره تانيه بس مسك ايدي وهو بيقرب من ودني وبيهمس بنبره هزتني
بلعت ريقي بصعوبه وانا برد بصوت مبحوح
ل لا م مش جعانه
بص في عيوني وهو بيسألني بهدوء ورقه وكأننا عشاق!
ليه
كده انا حره
قولتها بجمودبعد ما حسيت اني هضعف و سحبت ايدي من أيده وانا بدخل المطبخ بخطوات سريعه من غير ما ارد علي سؤاله
استني هنا انا بكلمك
افندم!
قرب مني بعصبيه وشدني من دراعي جامد
ضغطت علي شفايفي عشان معيطش بس للاسف دموعي خانتني كالعاده ونزلت علي خدي
غمضت عيني بۏجع
لو سمحت سيب دراعي بيوجعني
ساب دراعي وهو بيبصلي وبيتنفس بسرعه وعروق رقبته بارزه
بصلي من فوق لتحت وزعق فيا
ياريت تغيري القرف ده كمان عشان مهما عملتي مش هبصلك لاني فعلا مش طايقك
حضري نفسك بكره علي الساعه سبعه
قالها بجمود قبل ما يخرج من باب البيت وانا مشغوله في التنضيف..
سيبت اللي في ايدي ورديت بصوت مبحوح
اشمعني!
معزوم انا وانتي علي فرح واحد صاحبي
رجعت اكمل تنضيف وهزيت اكتافي ببرود
بس انتي معزومه معايا
وانا مش بحب الافراح
معلش تعالي علي نفسك
لفيت وبصيتله بابتسامه كلها بسخريه
عشان ايه
يعني ايه
يعني اجي علي نفسي عشان ايه
عشان منظري بكره قدام اصحابي كل واحد جاي ومعاه مراته
مش مضطره اجي علي نفسي عشانك
والله!
ايه مالك
انتي بتتكلمي كده ليه اتعدلي بدل ما تزعلي مني
قالها پحده وهو بيكشر وبيبصلي بغيظ ..
بصيتله بتحدي وانا بربع ايدي في بعض وبرفع حاجبي ببرود
وياتري بقي ناوي تعمل ايه هتضربني
مش انا اللي امد ايدي علي ست
هويت راسي بيأس وانا ببتسم بسخريه وبرجع اكمل تنضيف
اخد نفس عميق وهو بيقولي بضيق
بكره الساعه سبعه تكوني جاهزه
قال جملته وقفل الباب وخرج من غير ما يسيبلي فرصه اني ارد حتي
رميت المخده اللي كانت في أيدي وانا بجز
علي اسناني بغيظ وپصرخ بصوت مكتوم وعيوني بتلمع بالدموع
عااااااا حيوان حيووووووان بكرهك
الباب اتفتح مره تانيه وطل برأسه وهو بيقولي بكره وغل
وانا عمري في حياتي ما کرهت حد قد ما كرهتك انتي طالق
يتبع
احببني_بعد_الطلاق
إيمان_شلبي
البارت صغير انا عارفه بس معلش اعذروني باذن الله بكره هنزل بارت اكبر واحداث عظمه
بس ياتري لو انتوا مكان إيمان هتعملوا ايه
البارت الثالث بقلمي إيمان شلبي
انا اللي اتسبت طول الوقت عشان مارضيتش اكون سايب وقلبي اتذل واتعلق باكتر حبل كان دايب
ومهما تحن وتنادي خلاص باب الرجوع اتسد
بكيت بعد الفراق عادي
بكيت على نفسي مش علي حد
فات يومين علي طلاقي
يومين مشوفتش اصعب منهم
لو فضلت اوصف شعوري لسنين طويله مش هقدر اوصف اللي جوايا
مين قال إن الزعل بعد الفراق بيكون علي اللي فارقنا!
زعل الشخص علي نفسه اسوء واقسي انواع الحزن
زعل الشخص علي قلبه مشاعره روحه اللي متعلقه بشخص بالرغم من أفلاته ليها بكل قسوه
كنت منعكفه في اوضتي وسط أحزاني وانطفاء روحي ومشاعري المهدوره وقلبي المشروخ
رافضه اشوف حد
رافضه الكلام مع حد
رافضه الاكل
رافضه الحياه من أساسها
عمري ما كنت اتخيل انه يفلت ايدي بالسهوله ديه!
عمري ما كنت
