اتجوز واحده ارمله

و عندي شرط انها تبر امي وبس كده
حور انا اسمي حور زي ما حضرتك عارف عندي 31 سنه متحوزتش ولا ارتبطت قبل كده و يشتغل ف شركه انا كمان بدور ع زوج يساعدني أقرب من ربنا اكتر ميبعدنيش يكون شغلنا الشاغل تربية أسرة يرضا بها الله و رسوله تساعدني اتعلم اكتر ف ديني
و ف شرط مهم جدا لازم تكون عارفه واصريت يكون من اول مقابله وهو ان انا بروح دار أيتام بقالي حوالي تلت اربع شهور وتعلقت بالأطفال اللي هناك اوي انا مقدرش اسيبهم او استغني عنهم مش هقدر أبدا الأطفال بينادوني ماما مقدرش اجرحهم ابدا او اقلل اهتمامي بيهم عشان كده انا بفكر اسيب شغلي بعد الجواز عشان الأطفال هناك ف الميتم والمرأه عندي اهم و بالطبع هبقا مسئوله عن بيت و اسره هتقدر تساعدني و تشيل معايا مسئولية الأطفال دول و بجديه
محمد بصلها و ابتسم وقال انا مش عادتي اقول كلام وخلاص و مش بعرف أجمل الكلام بس اكيد هيظهر كل حاجه ف فترة الخطوبه وكمل بضحك وادينا هنروح و نشوف الأطفال اللي خاطفين عقلك دول مش يمكن اكون انا بابا
حور بصتله و حست بفرحة طفل يتيم لقا باباه ومامته وتخيلت لو هو فعلا اد كلامه..اد اي الأطفال هتفرح واول حد جه ف بالها زياد اللي كان غيران عليها لما عرف ان فيه عريس اتقدملها
بعد يومين
محمد ممكن ي عمي اخد حور انا و امي و نروح الدار انا و هي و امي
ابو حور ماشي ي ابني معنديش مانع بس تاخد امها معاها
وبالفعل راحوا هما الاربع وعبير و وفاء قعدو ف جمب سوا
زياد امممم انت بقا العريس اللي عاوز تاخد مننا ماما حور صح
أحمد و ده ولد تاني ف الدار وانت بقا هتتتجوزها ومش هتخليها تيجي هنا تاني صح
نور براحه ي ولاد يمكن يكون عمو ده طيب ولا اي ي ماما حور
علي ع فكره ماما حور بتحبنا اكتر من اي حد و لازم احنا نوافق الأول ولا اي ي ماما
حور هربت منها ضحكه خفيفه و قالت وهي بتمثل الجديه احم طبعا طبعا لازم ولادي يوافقو الأول و بعد كده تاخد منهم الأذن عشان تكلمني
عمر لاااااا احنا معندناش بنات تتكلم مع خطيبها طول الخطوبه كده من غير محرم ولا نسيتو ضوابط الخطوبه
حور لا ي استاذ عمر منسيناش خالص الللي تؤمر بيه
جت جنى ودي أصغر واحده فيهم وقربت جامد من محمد وبصت ف عينه وبرقت ومسكت ايده وقالت بطفوله انا موافقه ي ماما حور ايده حنينه اوي و كمان عينه بتقول انه طيب
زياد انت بتعاكسيه ولا اي جنى قدامي كده
جنى طلعتله لسانها وطلعت ع حجر محمد و حضنته انت شكلك طيب صح
محمد حس باحساس غريب اول ماجنى حضنته و لف ايده حواليها واخدها ف حضنه كانت حاجه صغيره خالص عندها ست سنين اصلا وقالها ف حد يشوف القمر ده و ميبقاش طيب ده يبقا قاسې اوي
جنى خد بالك العيال دي مش سهله لازم تكسب حبهم عشان ميخلوش ماما حور تمشي وتسيبك
حور بزعل بس انت شكلك حبيتي محمد اكتر مني كده متحضنيش خالص انهارده
جنى قامت ونطت ع حور هو حد يقدر يعيش من غيرك كده ي ماما وحشتينا اوي ع فكره
حور معلش ي روحي عارفه اني مجتش امبارح وانكو زعلانين بس عاوزه اقول ان مش محمد السبب واخدين بالكو هااا
زياد بقولك اي