اتجوز واحده ارمله

أتجوز واحد أرمل ي مامااا
وماله بقا ان شاء الله
ي ماما اكيد هيبقا بيحن لمراته وده انا مش هقدر استحمله
 كل سنه وانت طيبه ي حور عقبال مليون سنه
والسنه الجايه تكوني ف بيت جوزك ان شاء الله
وانت طيبه ي طنط
كل سنه وانت طيبه ي قلب خالتك عقبال مانشوفك عروسه
وانا طيبه ي خالتو
قعدت وكل اللي ف بالي لي لي كل مناسبه لازم الجمله الشهيره بتاعت السنه الجايه اشوفك ف بيت جوزك دي استفادو اي لما قلوها بجد

اصلا اصلا انا مش عاوزه اتجوز..
مسكت ورقه وقلم وقررت ولأول مره هكتب الكلام اللي بقعد افكر فيه سمعت ان الموضوع مريح بس كنت مفكره تفاهه بس اهو حاجه تسليني
كتبت انهارده تميت ال 31 اه متستغربوش انا لسه متجوزتش طبعا بالنسبه لنص الشعب المصري اني كده خلاص فاتني قطر الجواز والكلام الكتير اللي بنسمعه مع اني دايما مقتنعه ان الجواز ملوش سن وان قطر الجواز ده مش موجود اصلا مجرد كلام من طنط حشريه اللي بتقعد تقوله ع اي بنت كسرت ال 25 ده غير طبعا ان ف بنات بيتقلهم كده ف بعض المناطق بمجرد ماتتم ال 20 ومحدش اتقدملها الفكره هنا
هل هما اللي هيعيشو..!! لا.. خلاص بيتدخلو لي مايسيبو كل واحد ف حاله..
سبت الورقه وبعدها ده سؤال بيتكرر كتير بقاله كذا سنه من اي حد السؤال اللي بيحيى اي حد يعرف اني مهندسه يعني معايا شهاده بشتغل يعني مش كسوله ولا حاجه مؤدبه و محترمه وعارفه ربنا يبقا اي اللي ماخر جوازها كده
حسيت پخنقه فجأه سبت الورقه والقلم ودخلت نمت انا فعلا مرهقه
مامت حور وهي وفاء حور اصحي ي بنتي الفجر هيفوتك
حور صحيت اهو ي ماما قومت صليت وقرات الاذكار ومسكت المصحف اقرأ فيه شويه ووقفت عند آية أفلا يتدبرون القرآن
وفكرت فيها احنا لي مش بنهتم بتدبر القرآن رغم ان ده فرض علينا كلنا احنا اه مش فرض علينا حفظه بس لازم نفهمه عشان ده ديننا
جت ف بالي فجأه انا لي مبحفظش القرآن واعرف تفسيره واتعلمه مانا مش ورايا حاجه يعتبر
وبالفعل نويت اني لازم اتعلمه قومت فطرت وجهزت نفسي وروحت الشغل
رجعت ع العصر وانا طايره من الفرحه
وفاء ربنا يسعدك دايما اي سر الفرحه دي بقا عريس صح
حور ابتسامتها اختفت وقالت بلا مبالاه لا لقيت نقراه قريبه من الشغل وهبدا اروح من بكره ان شاء الله
وفاء اه طيب ماشي ي حبيبتي ربنا يثبتك
دخلت اوضتي وقررت ان مفيش حاجه هتمنع فرحتي اني هبدا احفظ كلام ربنا
سمعت فيديو لشيخ بيتكلم عن الرضا وان كل حاجه ف حياتنا ليها سبب والأهم من كل ده الرضا الرضا مش ف الحاجه الحلوه اللي بتجيلنا وخلاص لا رضا واحد اتولد وهو أعمى مش بيشوف رضا بنت اتجوزت واكتشفت أنها مبتخلفش رضا ام ابنها ماټ بعد ما كبر قدام عينها رضا زوج بدخل قليل يدوبك بيكفي اكل عيلته
رضا كل واحد وانه يستنتج حمكمة ربنا من أقل حاجه بتحصله
قعدت افكر اي ممكن يكون حلو ف اني مثلا متجوزتش لحد دلوقتي ف حين ان اللي قدي ممكن يكون عنده عيل واتنين وتلاته بعدها بصيت ليومي بملل برجع من الشغل اقعد ع الموبايل شويه اساعد ماما ف حاجه وانام اصحي الفجر اصلي واقرا قرآن واروح الشغل وارجع اكل وانام وهكذا لحد ماتخنقت
قلت بكل حماس انا هغير نظام يومي وهستفاد من كل ثانيه مش هفضل محاصره نفسي ف دايره