من قلب الواقع
فوقت فوقت على أخر كلمة قولتها من تاني! في فرق كبير أوي بين حكايتي وحكاية الفلم ده البطل هنا كان بيحب البطلة من الأول ولكن يوسف محبنيش البطلة كانت بتفكر حبيبها بذكرياتهم الحلوة سوا وأنا ويوسف ملناش ذكريات حلوة سوا! كل ذكرياتنا سوا سودا وقاسېة!
البطلة كانت بتحاول تفكره بحبها كانت بتحاول تفكره أنه كان بيحبها زي ما هي بتحبه بس يوسف مش بيحبني ولا حبني ولا حتى هيحبني! خرجت من الدوامة دي على صوت التلفزيون هو وبينزل بتتر النهاية خلصنا الفلم وقبل ما يتكلم أو يعمل أي حاجة كنت بتحرك أنا وبقف وبقول
أمم... أنت هتنامي فين النهاردة
قالها بتوتر هو وبيلعب في دقنه بعشوائية! ضحكت ببرود وقولت
في أوضتي زي كل يوم! هيكون فين
ما كفاية كده يا نور تعالي نرجع زي الأول زي... زي أي اتنين متجوزين.
أنت وحشتيني أوي.
ابتسمت وسحبت أيدي منه أنا وبقول
good night baby.
شوفته هو وبيتنفس پعنف وبشد شعره الطويل بعصبية!
أتعلق أتعلق وبقى متشعلق في حبال الهوا الدايبة تالت خطوة تمت بنجاح وبأسرع وقت كمان فاضل الخطوة الرابعة والمهمة ودي خلاص فاضلها تكة وحدة بس!
شهر عدى وأحنا على نفس الخط خط الأهتمام المتبادل هو مهتم بيا وأنا مهتمية بيه وبنفسي كل يوم يجي بدري عشان نتعشى سوا في البيت أو برا مثلا! أو عشان نتفرج على فلم السهرة سوا وأنا كل يوم بليل اتصل بيه أول لما تدق الساعة سابعة عشان أشوفه هو فين وأقوله أني مستنياه على العشا وميتأخرش عليا بيقفل معايا ويجي جري على ملى وشه.. اللي كنت بحلم بيه زمان أنه يحصل بقى بيحصل بالظبط بس في الخطة! الزعيق أختفى التأخير في الرد أتبخر في الهوا التأخير عن البيت مبقاش موجود كل شيء بقى مثالي!
قالها وهو بيشاور بالتذاكر في الهوا بحماس شديد كنت قاعدة على الكرسي قدام التلفزيون وفي أيدي مك الكابتشينو بتاعي بصيتله بطرف عيني وقولتله في دلال
تؤتؤ مليش مزاج النهاردة.
حماسه أختفى قرب خطوة مني وقال
ليه دي مسرحية كوميدية حلوة أوي من النوع اللي بتحبيه حتى.
كان قرب يشيط من كتر الڠضب والغيظ ولكني تجاهلته تماما وكملت فرجه على الفلم اللي كان شغال ولكني لمحته وهو بياخد نفسه وبيفك أول زراير قميصه وبيقول
طيب يا ستي بلاها مسرح الليلة خلينا في البيت ونقضي السهرة مع فلم الليلة.
قالها وغمز ليا وضحك قابلت ضحكته بضحكة بسيطة أتعدلت وحطيت المك بتاعي على التربيزة وقولت
قولتها وأتحركت من مكاني خدت المك تاني ودخلت على المطبخ عشان أغسله لقيته جيه ورايا وقالي بستغراب
ليه هتنامي بدري كده ما تعالي نتفرج على الفلم سوا.
مليش مزاج استمتع أنت والأكل بتاعك في الميكرويف.
مش هتاكلي معايا زي كل يوم
سبقتك أنا تصبح على خير.
