اسكريبت الجزء الثاني

كلها انك بتقول صاحبتك وهي زميلتك
علي فكره انا عارف الفرق بينهم... وانا بقولك هي صحبتي مش زميلتي
_ انت عااايز تنقطني.. هاا رد عليا عايز تشلني يعني!
الله! هو انا اتكلمت
_ لالا دا انت ملااك
طب ما انا عارف
_ اوووف.. يا مستفززز
اهدي بس كده مالك
_مالي.. هو انت شايفني بشد في شعري
لا بس م...
_ وبعدين انت ازاي تسيبها تقعد في المكان بتاعي.. للدرجادي سهل تجيب اي حد مكاني
ميرا متأڤوريش دا مجرد كرسي
_ بس دا مكاني.. ليه تقارنها بيا.. ليه تخليها زي
لا علي فكره هي مش زيك
_ اومال ايه فهمني
هي صحبتي لكن انتي لا.. انتي ا.....
_ انا ايه انطق
فضل سااكت كتير اووي ساكت و باصصلي في عيني قولتله بصوت واطي وهادي
_ انا ايه يا مازن قول... انا بنسبالك ايه
اختي.. انتي بانسبالي اختي يا ميرا
_ نعااااااااااام يا اخوياااا اخت مين يلاااا انت قله النوم مقصره علي نفوخك ولا ايه انت عبيييط
مش دا كان رأيك امبارح ولا ايه
_ اه بس ا...
مفيش بس يلا بقا اطلعي.. وصلنا
_ مااشي يا مازن ماشي
قعدت الم الاسكيتشات بتاعتي وشنطي والموبايل والحاجات وانا ببرطم
_ بصوت واطي وبرطمه ماشي يا مازن الكلب... مااشي.. اختك!! بقا انا اختك.. جاتك خوت في نفوخك.. وقال ايه هي صاحبته وانا اخته.. هو حد بيستحمل بلاويه وبروده وتقل ډم امه دا غيري.. حد بيستحمل قمصه دا غيري اصلا.. مااشي يا مازن ماشي
طبعا هو كان سامعني وعمال يضحك بصوت عالي وضحكه استفزني اووي روحت نزلت ورزعت باب العربيه ورايا وانا اصلا مش طيقاه وطلعت علي السلم وانا بهبد وارزع
وصلت الشقه لقيتها هااديه خالص ومنه طالعه من المطبخ بنفس مشهد المره اللي فاتت لما كنت طالعه ومټعصبه.. بس المرادي كان في ايديها طبق رز بلبن.. الله يحرقك يامنه دا وقته يا ام كرش
_ انتي جايلنا ولا جايه للمطبخ ما تخفي شويه مش هنلاقي اكل يكفينا لاخر الشهر
يا سااتر انتي مالك داخله بزعابيبك كده ليه.. سيبيني اخمن اټخانقتوا تاني صح!!
_ اه
طب اجري غيري هدومك وتعالي احكيلي بالتفصيل
_ ماشي
غيرت ودخلت اقف في البلكونه شويه اشم هوا حاسه اني مخنوقه.. طلعت البلكونه لقيته واقف تحت وماسك موبايله وبيلعب فيه.. استغربت انا طالعه من حوالي ربع ساعه.. ايه موقفه كل دا.. وليه متصلش يطمن عليا
رنيت عليه وانا متغاظه ومش طيقاه اصلا.. اول مارنيت بص علي البلكونه.. لقاني واقفه راح ابتسم ورد عليا
بأبتسامه الو.. ايه لحقت اوحشك
_ انت بتعمل ايه تحت.. مروحتش ليه
مستنيكي تطلعي
_ وافرض مكنتش طلعت
انا متأكد انك كنتي هتطلعي
_ والله!! وانت جايب الثقه دي منين
انا اللي مربيكي يابنتي
_ طب علي فكره بقا انا مكنتش هطلع وطلعت بالصدفه
لا انتي طلعتي عشان انتي مخنوقه.. وانتي لما بتبقي مخنوقه بتقفي في البلكونه او اي مكان فيه هوا
_ امم كويس ان حضرتك عارف اني مخنوقه
هو انا عارف انك مخنوقه بس مش فاهم ليه ايه السبب
_ عارف ليه
ليه
_ عشان انت غبي
ايه دا ان....
_ انت تسكت خاالص وتسمعني لحد ما اخلص.. انا مش غبي بس.. دا انت متخلف وحمار ومبتفهمش وقماص ومتعجرف وبارد وكل حاجه غلط فيك وعلي فكره انت مش اخويا هاااا انت مش اخوياااا ف بطل تقول اختي اختي عشان انا مش اختك... وانت معندكش صحاب غيري ساامع
وروحت قفلت السكه في وشه ببص عليه لقيته عمال يضحك... ايه اللي