هوس مريض ج1

مايه يا ماسه معلش 
ماسه حاضر يا حبيبي 
وطلعت ماسه 
هند إزاى انت اللى تشرب العصير يا كمال 
كمال شربتهونى ڠصب عنى أعمل أيه لو كنت اعرف انها هتختار البرتقال مكنتش حطيت حاجه وخۏفت لحسن تحس ان في حاجه لو مشربتش المانجه 
هند تقوم ټموت نفسك 
كمال هو الزفت ده بېموت هتموتى ماسه يا هند ده انا اشرب من دمك 
هند لا يا حبيبي ده بس بيتعب الرحم عندها وانت معندكش ف كان ممكن يقتلك فاهم 
ماسه رجعت اتفضل يا حبيبي 
هند طيب انا همشي بقي خلى بالك منه يا ماسه 
ماسه في عيونى يا هند طبعا من غير كلام 
ومشيت هند وماسه أدت كمال الدواء ومعاه برشام منوم علشان تبتدى الخطه بتاعتها 
يا ترى أيه هى 
هوس مريض 
البارت الرابع 
بعدما كمال نام ماسه فتحت موبايله وشافت كل بلاويه اللى متفق مع هند عليها فيه وهيعملوا فيها ايه نسخت كل ده على الفون وعلى فلاشه ونزلت على موبايله برنامج تجسس مخفي يبعتلها كل تسجيل مكالماته واى رسايله على الواتس اب 
دخلت نامت صحيت الصبح لقت كمال مجهز فطار 
كمال قرب من دماغها وباسها وقعد يلعب في شعرها شويه وهي فتحت عيونها واتخضت اول ما شافته 
كمال في ايه يا ماسه بقالك كام يوم متغيره وتشوفينى تتخضي جامد كده ليه 
ماسه مش قصدى يا حبيبي بس حاسه إنى تعبانه 
كمال حبيبتى انا جهزتلك الفطار وعملتلك احلا عصير 
ماسه مش مصدقه كمال انت عمرك ما كان لك علاقه بالمطبخ أبدا وكنت بتكرهه حتى تدخل تجيب لنفسك مايه 
كمال وفيها ايه لما أدلع مراتى حبيبتى شويه ثوانى وهجيبلك صينيه الاكل والعصير مهم جدا تشربيه مفيد جدا ليكى دى بصراحه الحاجه الوحيده اللى عملتها بإيدى 
ماسه طيب هقوم اغسل وشي وناكل على السفره أحسن 
كمال يا قلبي متتحركيش من مكانك انتى النهارده يوم دلع وبس 
وراح جاب الاكل وكان مصر جدا ان ماسه تشرب العصير وهي عرفت ان حاطط فيه الدواء 
ماسه هشرب لوحدي يا حبيبي لا طبعا فين الكوبايه بتاعتك ثوانى أجيبلك واحده 
كمال أشربي انتى العصير كله وانا هروح أجيب لنفسي واجى مش هتأخر 
استغلت ماسه خروج كمال من الاوضه ودلقت العصير من البلكونه في الجنينه ورجعت مكانها بسرعه 
كمال انا رجعت يا قلبي ها شربتى العصير 
ماسه اه يا حبيبي ده جميل جدا أبقي اعمل انت العصير دايما 
كمال في نفسه خلاص يا ماستى فاضل شويه وتبقي ملكى للابد ومش هيكون عندك خيار تسيبينى أبدا 
ماسه كمال كمال بقالى شويه بكلمك روحت فين 
كمال فاق سورى يا حبيبتى بس سرحت في شعرك الطويل اللى بعشقه ده انتى بتحلوى كل يوم أكتر 
ماسه بكسوف خلاص بقي علشان بتكسف صحيح انت مش هتروح الشغل 
كمال زهقتى مني يا حبيبتى 
ماسه لا مش قصدى بس انت عمرك ما غبت عنه أبدا 
كمال النهارده ليكى وبس 
وماسه قامت اخدت دوش وغيرت هدومها وجهزت نفسها وكمال كل شويه يبص في ساعته وبدأ يتضايق 
كمال خرج يكلم أخته ماسه بسرعه فتحت موبايلها علشان تسمع كلامه 
كمال انتى يا ست هند مفيش حاجه حصلت لها لحد دلوقتى زى القرد اهى عماله تتنطط 
هند انت حطيت الدوا في العصير زى ما قولتلك 
كمال ايوه ومحصلش حاجه لحد دلوقتى 
هند خلاص يا كمال هاتها بحجه الفحص وانا هدخلها عمليات على