ريحه فين

بس ماينفعش أروح لو حد عرف إن ليا علاقة بيه هتحصل مشكلة كبيرة خصوصا إنى بقيت مخطوبه دلوقتي..
ألو..
مروان..
إتشنهفت بخضة وفرحه وحزن وكل المشاعر المختلطه
الحمد لله إنك فقت وبقيت كويس يا مروان إيه اللى عملته ده إحنا مش صغيرين على الكلام ده
إسكتى يا نور
قمت بإتجاه الباب بصيت بره عشان لو فى حد أبقى واخده بالى وبعدين قفلت الباب كويس ورجعت قعدت على السرير
لا مش هسكت يا مروان دى مجرد خطوبه إن شاء الله مش هتكمل وإن شاء الله هنبقى مع بعض إنت مش صغير يا مروان عشان تفكر كده
صوت حزين مشاعر غلبها اليأس صوت مشدود عايز يعيط وماسك نفسه
أنا تعبت يا نور غلط فى إيه لما حبيتك أيوه غلط إنى كلمتك بس ماعملتش أى غلطة وربنا يشهد إنى كنت بعاملك بإحترام ذنبى إيه أشيل بيت كامل مكون من أربع أفراد وأنا لسه عيل صغير فى تانية إعدادى لو إخواتى إتجوزوا بعد ما أنا أخطب كان هيحصل إيه يانور ليه الدنيا والناس ظالمينى كده!
حاولت أكتم صوت عياطى أخدت نفس ورجعت أطمنه
إختبار من ربنا كل دى حاجات ربنا بيبتلينا بيها عشان بيحبنا والله ماتقلقش لعله خير يمكن اللى حصل يبقى سبب فى جوازنا وهو يبعد عنى..
كلمة ورا كلمة وطمنته خرج وبقى كويس مابقتش أتواصل معاه بأى شكل عشان حاليا مش من حقى حاجة زى كده عدت أيام وأسابيع وشهور عملت كل حاجة عشان أفركش خطوبتى بس ماكانش بيبعد عنى كنت ھموت من الخنقه كنت حاساه كويس لكن عمرى ما إرتحتله كان هيجرى حاجه لو بابا سابنى أقرر المرة دى كمان
إتجوزنا مروان ماكانش كويس بس ماكانش ينفع أتابع أخباره أو حتى أسأل عنه..
بعدت عنه كل البعد بعدت فى المسكن وفى المشاعر وفى كل حاجة جمدت مشاعرى ناحيته عشان حرام عليا..
وصلنا يا مدام
شلت دماغى من على الشباك بنعاس بعد ما فقت من شرودى
شكرا
سحبت شنطتى ورايا ودخلت
نور إيه الشنطة دى
دخلينى الأول بس يا ماما
إدخلى يا حبيبتي
بابا فين
فى الحمام
لما يطلع هحكيلكو..
وبس يا بابا هو ده كل اللى بيحصل مع بنتك ماكنتش بشتكى عشان ماتزعلش من نفسك عشان رمتنى الرمية دى أنا مش زعلانه منك يا بابا أنا مقهوره مش عارفه ليه عملت فيا كده..
مسكت المنديل ومسحت دموعى
مش مهم خلاص المهم دلوقتي إنى هتطلق منه أنا مش هستحمل اللى بيحصلى ده
أحمد ماكانش عايز يطلقنى حصل مشاكل كتير وكان ھيتهجم علينا فى البيت أكتر من مرة لولا الجيران لحقوه كان أذانى أنا والبنت رفعت قضية وكسبتها وإطلقت بابا طول الوقت يقولى حقك عليا وإنه ماكانش قصده يإذينى بقيت كويسه فى بعده عدى شهرين على الطلاق كنت فيهم أفضل كتير
أنا نازلة يا ماما عايزه حاجة
لا يابنتى خلى بالك من نفسك ومن سيلين
حاضر
باكيت بامبرز..
هزيت دماغى بأيوه
أيوه هو ده شكرا جدا وعايزه الطلبات دى لو سمحت
حاضر
مشيت من قدامه ورحت قعدت على الكرسى إللى عند الكاشير وأنا بلاعب سيلين
إتفضلى يا فندم
شكرا
وقفت أطلع فلوس من البك لكن كان صعب عشان شايلة البنت سمعت صوت من ورايا كإنى أعرفه كويس
هاتيها لحد ما تخلصى..
لفيت ضهرى أبصله لقيته هو.. مروان يا الله حلو أوى
قلبى كان هيقف من الخضه والفرحة وكل حاجة ليها علاقة بالمشاعر 
نور..!
أخد البنت منى وهو بيبتسم إبتسامة حفظاها كويس
بنتك
رديت عليه وأنا بدفع الفلوس وإيدى بترتعش
أ.. أيوه
إسمها إيه
سيلين..
إطلقت
أيوه من فترة الكلام ده
وقفت مكاني بفرحة
إنت متأكد
فى إيه يابنى الجيران كلهم عارفين مش مصدقنى إسأل
سبته ومشيت إبتسامتى كانت
من الودن للودن أخيرا! أخيرا يا نور..
رحت لحد بيتها بدون معاد ومن غير حتى ما أكلمها فتحتلى مامتها واللى قالتلى إنها عارفه الموضوع
إتفضل!!
إزي حضرتك
سكت ثانتين وأنا بدارى لهفتى
أنا مروان
لقيتها إبتسمت بصت وراها ورجعت بصتلى تانى
أهلا يابنى فى حاجة ولا إيه
أيوه الحاج هنا
لا يابنى والله شوية كده وييجى
ينفع أدخل
إتفضل
دخلتنى وقعدت إستأذنت منى ودخلت سمعت صوت نور بتتكلم معاها لكن كلامهم ماكانش واضح جابت حاجة أشربها وجت
إتفضل
لاحظت إبتسامتى فضحكت
يعنى ماشاء الله شايفاك مبسوط فرحنا معاك
بصيت للأرض وعينى مدمعة
أنا جاى أطلب إيد نور
سمعت صوت الباب بيفتح ووالدها بيدخل بصلى بإستغراب ورجع بص لمامة نور
تعالى يا حاج تعالى
شدته من إيديه وهى بتضحك
مروان طالب إيد نور..
عدى شهر وبعدها إتخطبنا على قد المر اللى عشته فى حياتى على قد ما أنا حاسس بإنتصار دلوقتي حب عمرى بعد كل ده إتحقق..!
إستنيتك كتير..
وماطلعش على الفاضى يا مروان
اللى عشته فى بعدك مش قليل..
عشان اللى هنعيشه مع بعض كتير كتير أوى
ألسنا أحق بقلب سعيد..!