ريحه فين

توتر قلق كل المشاعر الملخبطه كنت مطمنه عشان بابا موجود بس.!
حضرتك طلبتنى يا فندم
لاحظ وجودى فعقد حواجبه وإبتسامته بدإت تقل معقول فهم إنى بنته! أو إنى كنت بقدم شكوى ضده
بابا شاورله يقعد مد إيده ناحيتى وهو باصصله
أحب أعرفك أمل..بنتى
أخد نفس وهو بيقعد على كرسى مكتبه
اللى حضرتك أهنتها قدام زمايلها وخضت فى عرضها
سمعت صوته وهو بيبلع ريقه بتوتر عينيه جت على كل حاجة فى المكتب إلا أنا وبابا
بابا كمل كلامه من غير ما يسيبه يبرر أو حتى يسمعه
إتفضل دلوقتي إنت موقوف عن العمل لمدة تلات أيام ومتحول للشؤون القانونية
وقف مكانه وكان لسه هيتكلم قاطعه بابا أو عميد الكلية
ده إجراء طبيعى لو أمل ماكانتش بنتى كنت هعمل كده برضو إنت خضت فى عرض بنت وإنت مرتاح بدون حتى تأنيب ضمير ودلوقتي تقدر تتفضل.
عدى تلات أيام ياسمين كل يوم فيهم تتحايل عليا أحضر المحاضرات وأنا أرفض الوضع صعب على بنت زيى موقف وحش! هدخل المدرج إزاى بعد اللى حصل ببقى مكسوفه وأنا بتخيل الناس بيبصولى ويقولوا هى دى اللى الدكتور قال عليها كذه.
تفتكرى إيه ممكن يحصل يا ياسمين
تفتكرى باباكى أستاذ ودكتور خالد هيسكت على اللى حصلك ده
بدلت الموبايل من إيدى اليمين لإيدى الشمال وحطيت السماعه على ودنى
بس بابا ملوش دخل بعد كده هو إتحول للتحقيق
أنا متأكده إنه مش هيخرج من الموضوع بالسهولة دى
نفخت بضيق مش عايزه محور حياتى يبقى الموضوع ده خلاص بقى هو كده كده هيتعاقب.
قوليلى يا ياسمين سجلتى المحاضرات وكتبتبها
أيوه بعتهملك كلهم واتساب
قفلت الموبايل فى نفس الوقت اللى بابا دخل فيه أوضتى
عامله إيه يا حبيبتي
الحمد لله يا بابا 
ماتغيبيش من الكليه تانى إنت أشرف وأنضف بنت فى الدنيا ماتخليش كلام حد يأثر عليكى وصدقينى حقك هييجى
طب عرفت حاجة يا بابا
عرفت إنك مش أول بنت يقولها كده
إتعدلت فى قعدتى وأنا ببصله بتركيز غمزلى بطرف عينه وهو بيبتسم
هنزعله جدا عشان زعلك وعشان أثر على نفسيتك ونفسية بنات تانيه غيرك
عرفت بعدها إنه إتنقل من الجامعه كلها لجامعه تانيه فى محافظه أبعد مع وقفه عن العمل لمدة سنة كعقاپ لإللى عمله معرفش ليه كان بيتصرف كده وبيقول الكلام ده بس اللى عرفته إن سبب فصله مش أنا ولكن الموضوع كان ممتد من قبل دخولى الجامعه أصلا وإنى مش أول بنت يقولها حاجه زى دى بل فى بنات إتقالها كلام أسوأ وشباب برضو وبناء عليه تم فصله من الجامعه لإنه إتسبب فى أذى نفسى لكتير من الطلاب والطالبات
هتنزلى الجامعه
غمزتله وأنا بلف ضهرى
طالما زعلتوه أوى كده مفيش مشكلة
سالوقوع فى الحب فى حد ذاته حرام
نظريه لا تحترم وبعدين
بدلت سماعة الموبايل لودنى اليمين
بعدين إيه يا مروان إنت مش حاسس بالذنب
سمعت صوت تنهيده طويله عدى تلات ثوانى وجانى الرد
حاسس والله بس مش قادر أبعد عنك إستحملينى شويه تلات شهور على الأقل
بصيت على الدبله اللى فى إيدى وأنا بفتكر كلامه مسحت أثر دمعه على عينى ورجعت كملت غسيل الأطباق
الأكل جاهز
إتخضيت من وجوده المفاجيء واللى ماحستش بيه فبصلى بإستغراب
إيه مالك شفتى عفريت ولا إيه
بصيت للأطباق من تانى وأنا برد عليه
أيوه جاهز غير هدومك وخمس دقايق أكون غرفت الأكل
مشى كام خطوة من المطبخ لحد أوضته سمعته بيسألنى بصوت عالى نسبيا عشان يوصلنى للمطبخ
بنتك صاحيه
شطفت إيدى من أثر الصابون وبدأت أغرف الأكل وأنا ببادله الإجابه بعد تنهيدة حزينة
لا نايمه
حطيت الأطباق على السفرة ورجعت دخلت المطبخ تانى
مش هتاكلى
لا مش جايلى نفس
شغلت حنفية المياه وبدأت أعمل أى