بنت عمى

سمعت صړاخ جاي من عند بيت عمي كان نفسي يكون اللي في بالي غلط بس طلع هو اللي حصل .
_ البقاء لله 
ونعم بالله 
ۏفاة عمي كانت شبه الكل منتظرها تحصل لأنه كان مريض سړطان بس هما مكانوش زعلانين بل كانوا مستنين أنه يمشي بفارغ الصبر عشان كل واحد ياخد حته من اللي هيسيبه وراه وهو ال 
معتز يعني أي الصندوق فاضي 
روضة زي ما بقولك الصندوق فاضي مفيهوش غير الجواب ده 
معتز أمال الدهب راح فين! 
خالد تقريبا مفيش دهب يا ولاد فايز 
معتز يبقى أنت اللي أخدت الدهب يا خالد ماهو أنت أقرب واحد ليه

خالد وأنت عارف إني مش هاخده واخبيه عنكم لكن طمعكم هو اللي خلاه يتصرف فيه ويبعده عنكم 
روضة الدهب لازم يتلقي ويتوزع علينا 
خالد طب استنى أخوكي يرتاح في توربته الأول وبعدين ندور على اللي وراه .. وريني الجواب ده فيه أي
كنت واقف ورا الباب وسامع كلامهم عمي معتز الكبير وعمتي روضة الحرباية طول عمرهم عاوزين ياخدوا الدهب بتاع عمي لأنه كان فاتح محل دهب ورثه من جدي وجدي كان وراثه من جده هما مكنش فارق معاهم غير أنهم ياخدوا الدهب أخد أبويا الجواب من عمتي وبدأ يقرأه ليهم ..
لقد سفكت الحياة أرواح الذين آمنوا بأنها باقية لهم وما الواقع إلا سفوك واقع كذاب أوهم البشر بأنهم خالدون حتى زرع بداخلهم الطمع والانانية ما تبحثون عنه لن يطيل أعماركم بل سيزيدكم وهما فإذا اردتم إياه ستجدونه في مستنقع أحلامي .
روضة أنا مفهمتش حاجة
معتز أي معنى الكلام ده يا خالد 
خالد واضح زي الشمس 
روضة واضح إزاي مقالش فين الدهب 
خالد لا اللي واضح هو كلامه على طمعكم وانانيتكم 
معتز أنا ماشي بس الدهب هلاقيه يا خالد وساعتها هديك نصيبك ومش هسرقك زي مأنت فاكر 
روضة ولو مش عايز نصيبك انا ممكن اخده ياخوياا 
خالد ياخدكم ربنا امشوو
بعد ما مشيو دخلت ل أبويا عشان أتكلم معاه وافهم اللي حصل .. 
_ وأنت هتعمل أي طيب! 
عمك شايل الدهب بس معرفش فين 
_ بس أكيد سايب حاجة يقولنا بيها 
مسبش غير الجواب ده
_ أنا سمعتك وأنت بتقراءه
أنا متأكد أن الجواب فيه المكان
_ عمي كان متجوز صح! 
وطي صوتك محدش يعرف حاجة عن الموضوع ده 
_ طب اتجوز إزاي 
كان فاتح محل في المنتطقة اللي جمبنا في بيت جدك القديم شاف واحدة هناك ف اتجوزها وأنا كنت معاه 
_ مش يمكن هي تعرف شاله فين 
لا أكيد متعرفش
_ طب ممكن اخد الجواب 
هتعمل بيه أي! 
_ هركز فيه شوية يمكن أوصل لحاجة 
خده 
_ بس لو لقينا الدهب هنعمل بيه أي 
لما نوصله الأول
أخدت الجواب من أبويا ومشيت روحت الأوضة بتاعتي فضلت اركز في الكلام ولقيت كلمة سفكت لقيت معناها اراقته أو صبته يعني تعبته أو دلقته ليها الف معنى وكلهم في النهاية تحت بند واحد وهي أنها تعبته مفهمتش بردو سبت الجواب ودخلت عشان أنام افتكرت أن صفاء ممكن تقدر تساعدني في الحوار ده بس لقيت نفسي تعبان دخلت نمت وقولت هكلمها الصبح .
_ أقطع دراعي لو مكنش اخوكي خالد يعرف مكان الدهب فين
خالد لو كان يعرف مكنش هيسكت كل ده 
_ وبعدين لحق شال الدهب إزاي من المحل وخفاه المحل مفيهوش جرام واحد حتى
ما يمكن الدهب لسه في المحل مخرجش منه 
_ تفتكري 
نجرب وندور
أخدت معتز ونزلنا محل الدهب الوقت كان متأخر بس الموضوع كان يستاهل أننا نغامر عشانه نزلنا المحل فضلنا ندور