بتخونى صح

أنت مش جعانة يا بنتي ولا أي 
_ زين ممكن تخلص عشان بجد متوترة 
طب أهدي أنا عايز اخرجك من المود ده 
_ حاضر بس ممكن تشوف ماما دلوقتي! 
حاضر هي فين 
_ في الصالة جوه تعالى
دخلت لقيتها قاعدة على الكنبة وبتشرب الشاي وحاجة آخر روقان سلمت عليها وقعدت جمبها وبدأت اكلمها عن عيونها والۏجع لحد ما بدأت أحاول أقولها على شوية أسباب شبه مقنعة وهي مكنش في حاجة على لسانها غير الحمدلله ربنا كريم أنا مكنتش عارف أرد عليها بس بعد عناد اقنعتها نجرب مش هنخسر حاجة ومجبتش ليها سيرة أي حاجة تخص أختها جابت مريم الماية وبدأت اقرأ عليها بعض الآيات وبقيت احط الماية على رأسها وهي كانت بتترعش جامد وحسيت بۏجع جامد في أيدي ومازلت مكمل بردو لحد ما هي هديت خالص والاجواء من حواليها بقيت هادية لقيتها بتمسك رأسها وقالت حاسة بصداع وبتبص على يمينها لقيت كوباية مية مسكتها وشربت وأنا واقف منذهل ومريم واقفة بټعيط وكل ده ومامتها مش حاسة بأي حاجة لحد ما استوعبت الموقف ومشفتش غير دموعهم مع بعض .
_ أنا بحاول استوعب هو ده بجد! 
اه بجد 
_ أنا متلغبطة مش عارفة أقول أي ولا أروح فين أنا عايزة أجري في الشارع من الفرحة أنا مش مصدقة بجد
أهدي طيب براحة مش كده 
_ أشكرك إزاي طيب
لا متشكرنيش أنا اللي عايز أشكر الحظ أنه جمعني بيكم 
_ يابني حسسني أنك عايزني عشان مصلحة حسسني أن في سبب مقنع 
ماهو في سبب مقنع عايزك عشانه
_ أي هو 
عيون .. 
مكملتش الكلمة ولقيت مامتها بتنادي عليها أنا الحظ واقف معايا وقفة جدعنة لدرجة أني مش عارف أقولها كلمة حلوة من ساعة ما عرفتها مفيش حظ تاني بعد كده .
_ سرحان في إيه 
تفتكري هعرف اطمنها 
_ أنت حاسس بأي 
مش عارف يا الاء بس خاېف
_ خاېف من أي بظبط! 
خاېف معاملهاش المعاملة اللي تستحقها واللي تليق بيها 
_ يا بني أنت بتعمل معاها كل حاجة حرفيا أي بنت بتحبها 
تفتكري هي كده مبسوطة 
_ أنا اللي مبسوطالها أنها هتاخد أخويا ده يبختها اللي أنت من بختها 
متأفوريش 
_ والله لا 
طب في أكل 
_ اطلب دليفري 
كريب! 
_ وحواوشي
أنت اللي هتحاسبي
_ كالعادة 
عشان أنت اخت جدعة 
_ وأنت اخ إستغلالي 
بس سكر 
_ ماهي دي المشكلة 
طب قومي اعملي أي حاجة مفيدة في حياتك جتك نيلة
مشروع أخوات فاشل كأننا ولاد خالة أو ولاد عم مش أخوات أصل شغل الخناقات ده والتفاهم ميجيش من إتنين أخوات أبدا بس النصيب بقا .. 
_ نصيب سكر أني أختك 
يخربيت غرورك
_ يابني دي ثقة 
يعني مش تناكة! 
_ تؤ ثقة
مكنش في حل غير أني أفتح دماغها بأقرب حاجة تقابلني بس حظها أنها جريت