قلبي المتيم كامله

تتنهد ماشي يا تميم هلبسه
تميم بسعاده وابتسامه بجد! انا متأكد انك هتحبيه اووي ومتأكد انك هتبقي حوريه من الجنه بيه
ابتسمت.. حسيت انه نعمه من ربنا رزقني بيها.. حبيته اكتر من الاول مليون مره... حسيته فعلا بېخاف عليا وبيحبني.. وعايزني اقرب من ربنا
تميم يلا بقا عشان اوصلك
فيروز لا يا استاذ.. المفروض اني دلوقتي هبقي واحده مختمره.. يعني محرم عليا ومينفعش اني امشي معاك
تميم والمطلوب! انا عايز اوصلك واطمن عليكي
فيروز امشي ورايا لحد ما اوصل لكن مش هتمشي جمبي 
تميم بأبتسامه طب يلا اتفضلي قدامي يا انسه اما نشوف اخرتها
مشيت قدامه وانا قلبي هيقف من الفرحه وصلت وطلعت وعملتله باي باي من البلكونه.. وحكيت لماما اللي حصل
الام هتلبسيه ازاي يا فيروز... النهارده! طب ازااي
فيروز يا ماما ربنا هداني.. اقوله لا! وبعدين انا حاسه اني هبقي حلوه فيه
الام مش عارفه اقولك ايه يابنتي... انا مش معترضه عليه لكن مش النهارده
فيروز صدقيني ياماما هيبقي جميل عليا وبعدين النهارده من بكره مش فارقه حاجه
الام خلاص يا فيروز... ربنا يهديكي يبنتي وبثبتك عليه
الليل جه ولبست فستان اوف وايت عليه خمار نبيتي وجزمه نبيتي وحقيقي كان شكلي حلو اووي يمكن احلي من الطرحه العاديه
طلعت حطيت العصير وسلمت عليهم كلهم ماعدا تميم عديته وقعدت جمب ماما
تميم في نفسه ايه دا البت مسلمتش عليا ولا انا بتهيألي!!!... بس قمررر انا مكنتش متخيل انها هتبقي بالجمال دا
المهم انه فضل سرحان فيا كتير وكل ما اجي ابص عليه الاقيه باصصلي وبيضحك فاتكسفت وادير وشي الناحيه التانيه لحد ما بابا قاله
الاب ولا انت ايه رأيك يا تميم
تميم ها!! رأيي في ايه 
الاب لا دا انت مش معانا خاالص.. قصدي رأيك نقرأ الفاتحه دلوقتي والخطوبه بعد اسبوعين
تميم اسبوعين كتير كفايه اسبوع
الاب هتلحقوا تخلصوا تجهيزات الخطوبه في اسبوع!
تميم يا عمي انا من بكره هتلاقيني جاهز لو عايز
الاب ايه يابني مالك داخل سخن كده ليه.. اهدي شويه مش كده
تميم بأبتسامه وهو ينظر لفيروز الحب ۏلع في الدره بقي يا عمي
الاب اتلم يا ولد... نقرأ الفاتحه!!
تميم والله لو عايزني اقرأ القرآن كله انا موافق
كلنا ضحكنا علي كلمته وقرينا الفاتحه وبعدها بابا قال نسيب العرسان يتكلموا مع بعض شويه
تميم انتي مسلمتيش عليا ليه يابت
فيروز لا دا كان زمان يا بابا.. دلوقتي حرام اسلم عليك لانك مش من محارمي
تميم لا يا شييخه!! بس حلو التغيير دا حبيته
فيروز ..........
تميم ايه دا انا بكلمك علي فكره مبترديش ليه
فيروز هرد اقول ايه ما انت بتكسفني
تميم يا جمالك وانت مكسوف كده ياقمرري
فيروز تميييم
تميم يا قلب تميم
فيروز انت مش قولت هتخرجي
تميم حصلل.. وانا عند وعدي
فيروز طب انا عايزه اكل شاورما
تميم عيوني اللي تطلبيه هعملهولك
فيروز اه بس فيه شرط
تميم ايه
فيروز ان بابا يجي معانا
تميم نعم.. ليه
فيروز عشان لازم يبقي فيه محرم يابابا
تميم اممم شكلي هشوف ايام سووده.. ماشي موافق يلا بينا
خرجنا وجابلي شاورما واتصورنا كتير حقيقي كان يوم حلو اووي واثبتلي انه رزق كبير بعته ربنا ليا

بعد شهرين كنا اتعودنا علي بعض وقاعده في الكافيتريا بتاعه الجامعه كالعاده وبكتب حاجه في الاجنته بتاعتي وفجأه لقيته جه وقعد قدامي وشكله متعصب اووي
تميم بعصبيه انتي ازاااي تسمحي لنفسك تخلي الزفت اللي اسمه مرتضي يقولك اتفضلي يا قمرر!!
فيروز ياتميم هو كان واقف وسادد السكه روحت قولتله لو سمحت عديني راح قالي اتفضلي يا قمر كنت عايزني اعمل ايه يعني اقف اټخانق معاه مثلا
تميم لا ياستي انا اللي اتخانقت معاه وضړبته لحد ما كان ھيموت في ايدي
فيروز الله يا تميم!! ليه كده هو مقالش حاجه لكل دا
تميم مقالش حاجه! كل دا ومقالش... ولا انتي عاجبك كلامه بقا
فيروز انا!... ماشي يا تميم شكرا.. انا ماشيه
تميم خدي هنا بس يا فيروز رايحه فين.. معلش حقك عليا انا اسف مكنش قصدي اقول كده بس انتي عارفه ان مرتضي دا اصلا مش مظبوط وانا الصراحه الډم غلي في عروقي لما قالك كده
فيروز تقوم تقولي كده يا تميم
تميم حقك عليا ياقلب تميم انا اسف... خلاص بقا قلبك طيب يافيري
فيروز ماشي حصل خير... عامل ايه دلوقتي لسه تعبان!
تميم لا الحمد لله خفيت و بقيت