ظلم ابويا ج 2

اعملها ليك الاول..
حمدي
لا يا بنتي شكرا كتر الف خيرك...
_ وبعد شويه رجع ايهاب من الشغل وكانو قاعدين بيتغدو ومريم قالت..
مريم
انت هتنزل تاني الورشه ولا لا..
ايهاب
لا هبقي انزل بالليل شويه انتي مالك بقي ايه اللي مدايقك..
مريم 
ما انا لو اتكلمت معاك هتدايق يا حبيبي..
ايهاب 
فهمت اللي عايزه تتكلمي فيه يبقي خليكي زعلانه احسن..

مريم بضيق
طيب هو ما فيش حد من اخواتك بيجي يطمن علي ابوك..
ضحك ايهاب بسخريه وقال
لا ما فيش ولاد الست اللي هو زمان رماني انا وامي في الشارع عشانها ما صدقو خلصو منه ويحمد ربنا اني مقعده عندي..
مريم بضيق
بلاش كلامك ده لو سمحت يا ايهاب ده ابوك وكلامك ده معاه حرام..
ايهاب 
حتي لو حرام انا مرتاح وانا شايفه متعذب كده واقسم بالله يا مريم لو عرفت انك بتعصي كلامي وبتعمليله حاجه مش هتفضلي علي ذمتي دقيقه واحده..
مريم قامت وقالت 
لا حول ولا قوة الا بالله لو سمحت يا ايهاب ما تدخلش في تصرفاتي انا مش هفتح سيرة ابوك تاني معاك وانت كمان سيبني اعمل اللي يريحني..
ايهاب پحده 
اللي عندي قولته وعايز اشوف ازاي مش هتنفذيه..
اتنهدا مريم بضيق وقالت
ماشي يا ايهاب انا شبعت هعملك الشاي..
ايهاب
لا شكرا كتر الف خيرك انا نازل تحت وهبقي اشرب الشاي تحت...
_ وطلع ايهاب وهو مدايق جدا وبعد كام يوم كان قاعد في الورشه وقربت منه بنت شكلها جميل وقالت..
البنت 
انت ايهاب مش كده..
ايهاب بهدوء
ايوه انا انتي مين..
البنت
انا ساره حمدي اختك..
وقف ايهاب وقال بضيق
نعم عايزه ايه..
ساره 
لا مش عايزه حاجه انا بس كنت مسافره ورجعت وعرفت انك اخدت بابا عندك وكنت عايزه اطمن عليه..
ايهاب پحده 
تطمني عليه لا والله هما اخواتك ما قالولكيش انهم رموه في الشارع وانا اللي اخدته..
ساره بقلق
لا ما قالوش كده هما قالولي انه قال عايز يقعد عندك ومشي..
ايهاب 
واديكي عرفتي الحقيقه وابوكم مش عايز يشوفكم تاني..
ساره 
لا هو يمكن قصده اخواتي انا مستحيل بابا يقول كده عليا لو سمحت خليني اشوفه واطمن عليه..
ايهاب پحده 
مالكيش حد عندي وامشي من هنا وما تجيش هنا تاني..
ساره 
هو انا جايه اشحت منك و بعدين انت ازاي بتعاملني كده انا اختك علي فكره..
ايهاب بسخريه 
لا مش اختي انا ماليش اخوات وابوكي قولتلك هو مش عايز يشوفك..
ساره بضيق 
ماشي يا ايهاب بس علي فكره بقي انا اختك ڠصب عنك وهاجي تاني عشان اطمن علي بابا..
_ قالت كلامها ومشيت وبصلها ايهاب وابتسم علي طريقتها وقال لنفسه..
ايهاب
طلع في حد في عيالك اصيل يا حمدي بس انت ما تستاهلش حد يحبك ولا يحن عليك..
_ وبعدين كمل شغله وفي شقته الباب هبط وراحت مريم فتحت الباب ولقيت ساره قدامها..
مريم 
نعم..
ساره 
انا ساره حمدي اخت ايهاب...
مريم ابتسمت وقالت 
اهلا ويهلا اتفضلي انا اسفه بس اول مره اشوفك يعني فمعرفتكيش..
ساره دخلت وقفلت الباب وقالت
لا ولا يهمك كفايه انك ذوق مش مدب وبجحه زي جوزك..
مريم ضحكت وقالت 
اخوكي وانتي حره فيه انا ما اقدرش اقول حاجه..
ساره
طيب انا عايزه اطلب منك طلب ممكن اشوف بابا..
مريم 
طبعا يا حبيبتي ده هيفرح جدا لما يشوفك...
_ واخدتها مريم ودخلو عند حمدي اللي فرح جدا لما شاف ساره وقالها اللي حصل..
ساره 
انا مش مصدقه والله ان اخواتي يعملو كده ايه الجبروت اللي هما فيه ده..
حمدي 
ربنا يسامحهم انا مش زعلان منهم دي ذنوب وبتخلص...
ساره 
طيب يا حبيبي انت مرتاح هنا انا ممكن اخلي جوزي يجيبلي شقه واقعدك فيها و..
حمدي 
لا يا بنتي ازاي تخلي جوزك يجيبلي وانا عندي ولادي الرجاله واهو ايهاب اخوكي مش مخلي حاجه نقصاني..
ساره 
مدام انت مرتاح معاه يبقي انا كمان مرتاحه يا بابا..
حمدي 
انا بس عايز منك طلب واحد بس..
ساره 
انا تحت امرك يا حبيبي خير ان شاء الله..
حمدي 
عايز منك انك كل شويه تيجي تزوريني ولو قدرتي تخلي اخواتك يجو واشوفهم تبقي عملتي فيا اكبر معروف....
ساره 
انا من ناحيتي اكيد هاجي وازورك علي طول واخواتي اوعدك اني هحاول اخليهم يشوفوك..
قبل ما يرد عليها حمدي دخل ايهاب وقال پحده 
انتي بتعملي ايه هنا امشي اطلعي بره يلااا..
_ وبكدا خلصت حلقة النهارده ونتقابل الحلقه الجايه..