هنتطلق امتا

تسامحني ده بقي شي مستحيل ي بوي.. وخلاص كلها شهر وتولد ونتطلق 
مش هتتطلجوا ي ولدي وبكره افكرك.. ربك هيبعتلك الحل وهيحنن جلبها عليك 
يارب ي بوي 
.................... 
خالد خالد.. النتيچه طلعت ونچحت ي خالد نچحت 
بجد ي عين.. الف مبروك ي حبيبتي.. عمي عرف ولا لسه 
ايوا عرف اول ما چيت خبرته واصل 
كده عمي مالوش حجه بقي انا هروح احدد معاه معاد الخطوبه.. بحبك بحبببك
كنت واقفه متابعه الحوار بين عين وخالد.. وقد ايه الفرحه ماليه وششهم ضحكت وافتكرت ايام خطوبتي انا ونادر.. دموعي خانتني ونزلت
اني نچحت ي نجمه وخالد هيخطبني من ابوي.. اني فرحانه جوي 
مبرووك ي بنت عمي تستاهلي كل خير ي حبيبتي 
وسابتني وجريت وهي بتتنطط
.................. 
عمي ممكن اتكلم معاك شويه 
تعالي ي خالد 
طب بعد اذنك انا ي بوي 
لا استني ي نادر لازم تكون موجود وانا بتكلم مع عمي 
ميلزمنيش اسمع كلامك
بعد اذنك ي بوي
خرجت وانا شايط منه.. هو السبب هو لو مكنش موجود ف البيت ده كان زماني انا ونجمه سوا دلوقتي بتعلق شماعتك ع مين بس ي نادر انت اللي غلطان وضيعت نجمه من ايدك بس انا ندمت وهي مش عايزه تسامحني ما انت اللي غبي غبييي 
كان جوايا صراع بيني وبين ضميري اللي مفشلش يعذبني كل الفتره اللي فاتت ديه.. خرجت من الدار وركبت عربيتي وسوقت بطريقه چنونيه.. شريط أحداث الشهور اللي فاتت كلها بتعدي قدامي.. رجعت لوعيي بسرعه كان فيه حد معدي قدااامي ملحقتش افرمل
حااسب حاسب حااااااسب 
يتبع 
بق والأخير
كنا بليل والدنيا ضلمه كحل مكنتش شايف انا خبطت مين.. نزلت بسرعه اشوفه.. لقيتها بنت ف منتهي الجمال.. لقيتها مغمي عليها ومتعورة فوق حاجبها.. شيلتها بسرعه وركبت العربيه ورجعت ع البيت 
________________
مش ناويه تحني بجا ولا ايه ي نجمة 
مش احنا متفقين ي عمي ليه بتطلب مني كده دلوقتي 
عشان ي بتي وجتها كنتي ف حاله عفشه جوي وكنتي مستحيل تفكري ف مسامحة نادر ي بتي لكن دلوقت عدى وجت كبير اتغيرت فيه حاجات كتير واصل منهم نادر وانتي شوفتي بعنيكي كيف بجا حاله 
بس انا لسه قلبي متعور منه ي عمي.. مشهد انه بيخوني مبيروحش من قدامي.. كل ما اجي خلاص اسامحه تيجي نفس الصوره تكرهني فيه... انا بقالي شهور ف الدوامه ديه ي عمي 
فضلت اعيط وعمي خدني ف وطبطب عليا 
ده شيطانك ي بتي.. شيطان فرحان انه هيفرق زوجين عن بعض وېخرب بيت... ذنب ايه الطفل ده انه ياچى ع الدنيا يلاجي ابوه وأمه منفصلين عن بعضيهم.. انا مش هضغط عليكي بس فكري تاني ي حبيبة عمك عشان خلاص كلها كام يوم وتولدي
سابني ومشي.. فضلت افكر كتير انا بحبه.. بس كبريائي مانعني بس ي نجمه انتي ادتيله درس مش هينساه وتاب اهو وباين عليه الندم يعني انا اعمل ايه ازاي هقدر اكون معاه تاني وارجع زي زمان طالما بتحبيه كله هيرجع زي زمان واحسن انا اصلا بتلكك اول ما يرجع هروح اقوله اني مسمحاه من زمان اصلا وبحبه ابن اللذينه ده واقعه اوي وعملالي فيها زعلانه وانتي ھتموتي عليه اصلا خلاص بقي ده انتي رخمه رخمه رخمه يختي ما انتي بټشتمي نفسك 
............... 
انت ي غفييير الزفت.. افتح البوابه بسرعه
أمرك ي نادر بيه
واطلب الدكتور عبدالرحمن بسرعه
حالا ي بيه
.............. 
نادر!!!!.. خير ي ولدي ايه اللي حصل ومين البنيه ديه عاد 
كنت ماشي شارد ي بوي وخطبتها ڠصب عني جبتها ع هنا وطلبتلها عبدالرحمن وهو ف السكه
طيب اطلع بيها فوج ي ولدي لغايه ما ياچي
بت ي بهيه
نعم ي عمده
اطلعي نادي نجمه وعين خليهم يچوا ع اوضه الضيافه بسرعه
يارب سترك يارب
...............
خير ي عبدالرحمن ي ولدي
كل خير ي عمدتنا.. هي الحمدلله كويسه بس عندها شويه چروح وانا عالجتها.. وهتفوق بعد ساعه ان شاء الله.. خلي بس حد يغيرلها هدومها عشان مليانه ډم
تسلم ي ولدي.. تعبناك معانا 
متقولش كده ي عمي احنا أهل.. انا هروح اطمن ع نادر بقي بعد اذنك 
اذنك معاك