هنتطلق امتا
عمي بكل عقل وحكمه
مكبر الموضوع ليه عاد ي نادر.. مرتك قالتلك انه سوء فهم.. وانا واثق ف بتي كويس وواثق خالد كمان
رد نادر بصوت عالي
ولو ي بوي المنظر اللي شوفته يحرج الډم واحنا صعايده ولا ايه ي بوي
صوتك ميعالش عليا ي ابن العمده اتحشم
انا اسف ي بوي بس
مبسش انتهينا مش هنعملوا قصه.. لو زعلت نجمه تاني انت حر عاد.. مرتك حامل ولا نسيت
ايه ده بجد حامل.. مبروك ي نجمه
مش محتاجين مباركتك ف شي ياريت تخليك ف حالك ومتدخلش
الصراحه استغليت انه غيران عليا كده ورديت بابتسامه
الله يبارك فيك ي خالد عقبالك
قولتها ومشيت وانا باصه لنادر بصه هو فاهمها كويس..
____________________
بت ي بهيه
أمر جنابك ي عمدة
اطلعي يلا نادى ع أهل البيت عشان عايزهم
.......
خير ي بركتنا
كل خير ي خالد ي ولدي
كنت قاعده متابعه نادر وبصاته لخالد وكل ما عيني تيجي ف عينه ابص ف مكان تاني وابتسم
بكره بمشيئة الله تعالى هنصحى كلنا من الفچر عشان هنسافر اسكندريه نجعد ف دارنا اللي هناك ونتفسحوا فيها يومين تلاته
الله بجد ي بوي
والأستاذ خالد جاي معانا بقى ولا مش حابب يبقي تقيل علينا
لا خالص ده انا متحمس جدا.. ديه شكلها هتبقى رحله قمررررر
ضحكت جامد بس ف سري.. أول مره أشوف كائن بيقدر يعصب الرائد نادر زوجي العزيز.. كنت حابه ڼار الغيره ديه بس برضو كان في حته جوايا بتلومني ع تعذيب قلبه اللي بيصبني زيه واكتر
..........
ف الأتوبيس
تعرفي ي نجمه اني كنت محتاجه السفريه ديه جوي
اه ومين سمعك والله ي عين كلنا محتاجين نغير جو شويه
اه طبعا خصوصا عشان النونه الجمر اللي اهنه ديه بتشاور ع بطني
ها.. لا عشان فرحانه اني مسافره بس
ي بتتت مش عليا انا.. مش انا نجمه اختك وحبيبتك هتخبي عليا ولا ايييه عاد
ههه عم تتكلمي زيينا اهو
متوهيش الموضوع ايه اللي باسطك كده
اجولك بصراحه.. انا بحب خالد وهو كمان بيحبني ف عشان اكده فرحانه انه معانا
ايوا عارف وخالد متجدملي.. بس ابوي مستني الدراسه تخلص ونجرا الفاتحه طوالي
الف مبروك ي عيني لايقين ع بعض ما شاء الله
الله يبارك فيكي ي حبيبتي.. بس متجوليش لنادر واصل دلوقت
ليه
زي ما انتي شايفه ي بت عمي هو مبيطجش خالد ف مش عايزاه يعرف واصل لغايه ما يحصل حاچه رسمي
بس كده ده انتي بتطلبي نفس اللي انا عايزاه بالظبط.. ده انا هسويه ع ڼار هاديه
حاضر ي عين مش هجيب سيره متقلقيش
________________
على البحر
مش ناويه تسامحيني بقي
نادر من فضلك انا جايه هنا اتمشي لوحدي مش عايزه اتكلم
مسكني من أيدي بحنان ووقفني
بس انا مش قادر ي نجمه والله ندمت واتعلمت درس عمري ما انساه.. كل ما اشوف البغل اللي اسمه خالد ده وهو بيتكلم معاكي بيركبني ١٠٠ عفريت.. عشان خاطري اديني فرصه
لوهله كنت هعيط وانا شيفاه بيترجاني كده.. عبيط ميعرفش أن قلبي مسامحه قبل عقلي اصلا.. بس لازم اخليه كده شويه عشان ميرجعش للسكه ديه تاني.. شديت ايدي وسيبته ورجعت ع الترابيزه اللي قاعدين عليها
..........
مش ناوي تخطبلي عين ولا ايه ي عمي
اصبر ي ولد شوي عاد مستعچل ع ايه.. مش جولنا بعد الدراسه
ما هي فاضلها كام شهر بس. يعمي مجتش عليهم.. اخطبهالي وغلاوة ابويا
ماشي ي خالد لما نرجع البلد نبجى نتحددت ف الموضوع ده عاد.. جوم بجى صدعتني
ههه.. انا اقدر برضو وادى راسك ي بركتنا
..........
رجعنا البيت بعد يوم طويل وانا كنت تعبانه
